2025 جىلدىڭ 21 شىلدەسىندە وسكەمەن شاحمات الەمىنىڭ ورتالىعىنا اينالدى: مۇندا «Oskemen Open 2025» حالىقارالىق فەستيۆالى باستالدى. بۇل تۋرنير – قازاقستان كۋبوگى-2025 جارىسىنىڭ ەكىنشى كەزەڭى، ول شىعىس قازاقستان وبلىسىندا ەكىنشى جىل قاتارىنان پلانەتانىڭ ۇزدىك ويىنشىلارىن جيناۋدا. 21-29 شىلدە ارالىعىندا د. سەرىكبايەۆ اتىنداعى شىعىس قازاقستان تەحنيكالىق ۋنيۆەرسيتەتىندە گروسسمەيستەرلەر، جاس دارىندار جانە اۋەسقويلار باس قوساتىن شاحماتتىق سايىستار وتەدى،- دەپ حابارلايدى Dalanews.kz

فەستيۆالدىڭ جالپى جۇلدە قورى 100 000 اقش دوللارىنا جەتەدى. Masters ءتۋرنيرى 78 000 دوللاردى ۇلەستىرەدى: جەڭىمپاز – 18 000 دوللار، ەكىنشى ورىن – 14 000 دوللار، ءۇشىنشى ورىن – 10 000 دوللار الادى. 15ء-شى ورىن ءۇشىن 1000 دوللار قاراستىرىلعان، ال ەگەر ۇزدىك 15-تىككە كىرمەسە، ۇزدىك شاحماتشى قىز دا ءدال وسىنداي سومانى يەلەنەدى. Challengers تۋرنيرىندە 15 000 دوللار جۇلدە تىگىلگەن، ونىڭ 4000-ى كوشباسشىعا بەرىلەدى. Open تۋرنيرىندە 7000 دوللار ويناتىلادى، باستى جۇلدە – 2000 دوللار. ايەلدەر مەن جەرگىلىكتى ويىنشىلارعا ارنالعان قوسىمشا ماراپاتتار جارىسقا ايرىقشا تارتىمدىلىق بەرەدى.

«Oskemen Open مىقتى شاحماتشىلار مەن جاس تالانتتار ءۇشىن ماڭىزدى تارتىلىس نۇكتەسىنە اينالىپ، ءوڭىردىڭ سپورتتىق جانە زياتكەرلىك ومىرىندە ەرەكشە ورىن الدى. بۇعان وبلىس اكىمدىگىنىڭ جانە دەمەۋشىلەردىڭ تۇراقتى قولداۋى ايتارلىقتاي ىقپال ەتتى. قالىپتاسقان سينەرگيا ءتۋرنيردىڭ تەك وتكىزىلۋىنە عانا ەمەس، ونى جىلدىڭ ەڭ كوپ كۇتىلەتىن شاحماتتىق وقيعالاردىڭ بىرىنە اينالدىرۋعا مۇمكىندىك بەردى. الداعى ويىندار بارلىق قاتىسۋشىلار مەن جانكۇيەرلەر ءۇشىن شىنايى شاحمات مەرەكەسىنە اينالسىن»، – دەپ اتاپ ءوتتى قازاقستان شاحمات فەدەراسياسىنىڭ پرەزيدەنتى تيمۋر تۋرلوۆ. 

ۇيىمداستىرۋشىلار جانە قولداۋ كورسەتۋشىلەر:

• قازاقستان رەسپۋبليكاسى تۋريزم جانە سپورت مينيسترلىگى
• قازاقستان شاحمات فەدەراسياسى
• شىعىس قازاقستان وبلىسىنىڭ اكىمدىگى

باس سەرىكتەستەر:

• Freedom Holding Corp.
• Grand Mobile — شىنايى ءومىردى مودەلدەيتىن ءموبيلدى ويىن

رەسمي سەرىكتەستەر:

• قازسينك
• د. سەرىكبايەۆ اتىنداعى شىعىس قازاقستان تەحنيكالىق ۋنيۆەرسيتەتى (شقتۋ)

KazChess ۇيىمداستىرعان، ق ر تۋريزم جانە سپورت مينيسترلىگى مەن شقو دەنە شىنىقتىرۋ جانە سپورت باسقارماسىنىڭ قولداۋىمەن وتەتىن فەستيۆال ءۇش ءتۋرنيردى قامتيدى: Masters (رەيتينگى 2400-دەن جوعارى)، Challengers (رەيتينگى 1900-2399) جانە Open (رەيتينگى 1400-1899). بارلىق جارىستار 9 تۋردان تۇراتىن شۆەيساريالىق جۇيە بويىنشا كلاسسيكالىق ۋاقىت باقىلاۋىمەن وتەدى: ءبىر پارتياعا 90 مينۋت جانە ءار جۇرىسكە 30 سەكۋند قوسىمشا ۋاقىت. مۇنداي فورمات كورەرمەندەردى باۋراپ الاتىن شيەلەنىستى ءارى ستراتەگيالىق پارتيالار بولاتىنىن بىلدىرەدى.

نەگىزگى Masters ءتۋرنيرى 20 ەلدەن كەلگەن 79 ويىنشىنى جينادى، ولاردىڭ قاتارىندا 21 گروسسمەيستەر، 35 حالىقارالىق شەبەر جانە 3 ايەلدەر گروسسمەيستەرى بار. جيىرما شاحماتشىنىڭ رەيتينگى 2025 جىلعى 1 شىلدەدەگى مالىمەت بويىنشا 2500-دەن جوعارى. كوشباسشىلار قاتارىندا:

• GM ريحارد راپپورت (2715، ۆەنگريا)، الەمدىك ءتاج ءۇشىن ۇمىتكەرلەر ءتۋرنيرىنىڭ قاتىسۋشىسى.
• GM اركاديي نايديچ (2629، بولگاريا)، جەڭىستەرى مول تاجىريبەلى شەبەر.
• GM انتون دەمچەنكو (2610، سلوۆەنيا)، ايقىن شابۋىلدىق ويىنىمەن تانىمال.
• GM نارايانان سۋنيلدۋت لينا (2597، ءۇندىستان)، شاحماتتا جانىپ كەلە جاتقان جۇلدىز.
• GM سەرگەي ازاروۆ (2590، بەلارۋس)، پوزيسيالىق ايقاستاردىڭ مامانى.
• GM الەكسەي گرەبنيەۆ (2582، FID)، Dubai Open 2025 جەڭىمپازى.
• IM فاۋستينو ورو (2465، ارگەنتينا)، 11 جاسار ۆۋندەركيند، رەكورد يەگەرى: 2300 رەيتينگ العان ەڭ جاس ويىنشى (9 جاس 6 ايىندا)، حالىقارالىق شەبەر اتانعان ەڭ جاس شاحماتشى (10 جاس 8 اي 16 كۇنىندە)، جانە com سايتىندا بليس بويىنشا 3000 رەيتينگ يەگەرى.
• قازاقستاندىق كوشباسشىلار: GM دەنيس ءماحنوۆ (2535)، GM الىشەر سۇلەيمەنوۆ (2497)، IM ارىستانبەك ورازايەۆ (2490)، IM الديار اڭسات (2489)، IM جاندوس ازمانوۆ (2483)، ازامات وتەعالييەۆ (2462)، GM رامازان جالماحانوۆ (2456).
• ايەلدەر اراسىندا: IM باتحۋياگيين مونگونتۋۋل (2356، موڭعوليا)، WGM ناندحيدحاا پاللاتۋر ۆەنكاتاچالام (2330، ءۇندىستان)، WIM افرۋزا حامداموۆا (2326، وزبەكستان، Aktobe Open 2025 جۇلدىزى)، جانە دە قازاقستاندىق شاحماتشى قىزدار WFM زارينا نۇرعالييەۆا (2336)، WGM كسەنيا بالابايەۆا (2332)، WGM الۋا نۇرمان (2306)، WFM ەلناز قالياحمەت (2306) ي WIM ءامينا قايىربەكوۆا (2273).

Challengers ءتۋرنيرى 93 قاتىسۋشىنى جينادى. فاۆوريتتەر قاتارىندا – IM ااديتيا دحينگرا (2398، ءۇندىستان) جانە IM ەلديار وروزبايەۆ (2367، قىرعىزستان). موڭعول ۇشتىگى – FM نارانبولد سودبيلەگت (2363)، WCM بات-ەردەنە مۋنگۋنزۋل (2337) جانە WGM تۋرمۋنح مۋنحزۋل (2236) – تاڭقالدىرۋعا دايىن وتىر. قازاقستاندى تاجىريبەلى ويىنشىلار مەن بولاشاعىنان ءۇمىت كۇتتىرەتىن جاستار تانىستىرادى، بۇل قىزىقتى پارتيالار كۇتۋ الامىز دەگەن ءسوز.

ەڭ اۋقىمدى تۋرنير – Open 1400-1899 رەيتينگى بار 99 ويىنشىنى بىرىكتىرەدى. مۇندا اركىم ءوزىن كورسەتۋگە، جۇلدەلەر ءۇشىن تالاسۋعا جانە ۇلكەن شاحمات ساحناسىنىڭ ءدامىن سەزىنۋگە مۇمكىندىك الادى.

Oskemen Open 2025 – بۇل جاي عانا تۋرنير ەمەس. بۇل – شەبەرلەر مەن جاڭادان باستاۋشىلاردى، تاجىريبە مەن امبيسيانى، ستراتەگيالىق وي مەن شابىتتى بىرىكتىرەتىن شاحمات مەرەكەسى. وسكەمەن جاڭا شاحمات اڭىزدارى دۇنيەگە كەلەتىن ورىنعا اينالدى، مۇنداعى ءار ءجۇرىس – تاريحقا جاسالعان قادام.

سەرىكتەستەر مەن ۇيىمداستىرۋشىلاردىڭ قولداۋى ارقاسىندا فەستيۆال الەمدىك دەڭگەيگە شىعىپ، 20 ەلدىڭ ويىنشىلارىن جانە مىڭداعان جانكۇيەرلەردى تارتىپ وتىر. مۇندا ءبارى بار: شيەلەنىستى دۋەلدەر، كۇتپەگەن دەبيۋتتەر، جەڭىس قۋانىشى مەن جەڭىلىستەن الىنعان ساباقتار. Oskemen Open 2025 – شاحمات ىرعاعىندا جۇرەكتەردى سوقتىراتىن، وينايتىنداردى دا، ويىندى باقىلايتىنداردى دا شابىتتاندىراتىن  وقيعا. ونى جىبەرىپ الماڭىز – بۇل ءدال ءقازىر جازىلىپ جاتقان تاريح! كۋبوكتىڭ ءبىرىنشى كەزەڭىن Aktobe Open 2025 – ماۋسىم ايىندا سەربيالىق گروسسمەيستەر الەكسەي سارانا (رەيتينگى 2686) جەڭىپ العان ەدى. ەندى وسكەمەندە كىم تريۋمفاتور اتانادى؟