الەۋمەتتىك جەلىلەردە ءبىلىم ءمينيسترى ورىس ءتىلىن جەتىك بىلمەيتىنى ءۇشىن سىنعا ۇشىرادى. باسپا ءسوز ءماسليحاتى كەزىندە نۋريدددين سايد ورىس تىلىندە قينالىپ جاۋاپ بەرەدى. جۋرناليستەردىڭ سۇراقتارىنا جاۋاپ بەرىپ جاتقان بەينەكورىنىستەر الەۋمەتتىك جەلىگە تاراپ كەتكەن. ينتەرنەت قولدانۋشىلار بەينەتاسپانى كورىپ، ءبىلىم ءمينيسترىنىڭ وتستاۆكاعا كەتۋىن تالاپ ەتكەن.
ءبىلىم ءمينيسترىن قورعاۋشىلار دا كەزدەستى. ولار مەملەكەتتىك قىزمەتكەرلەر ەڭ الدىمەن تاجىك ءتىلىن ءبىلۋى شارت، قالعان ءتىلدى بىلۋگە مىندەتتى ەمەس دەيدى.
نۋريددين سايدتىڭ ءوزى بولسا، ورىس ءتىلىن وتە جاقسى بىلەمىن دەپ ەسەپتەيدى.
– مەن ارينە تولستوي، نە سولجەنيسىن ەمەسپىن. ءبىراق ورىس ءتىلىن جەتىك بىلەمىن. مەن ورىس تىلىندە سويلەيمىن. ۇكىمەتتە باياندامانى ورىس تىلىندە جاسايمىن. مەن وسى تىلدە ەكى دوكتور مەن 8 كانديدات ازىرلەگەنمىن. وسىدان كەيىن سىزدەر مەنى ورىس ءتىلىن بىلمەيسىڭ دەپ ايىپتايسىڭدار ما؟.. يا، مەندە اكسەنت بار. بۇل كوپ ادامعا تيەسىلى، – دەدى تاجىكستاننىڭ ءبىلىم ءمينيسترى.
نۋريددين سايدتىڭ سوزدەرىنشە، كوپتەگەن ءورىستىلدى حالىق تاجىك تىلىندە سويلەمەيدى.
تاجىكستاندا ورىس ءتىلى ەشقانداي مارتەبەگە يە ەمەس. ول تەك حالىقارالىق قاتىناس ءتىلى.
