– اۋدان ەكونوميكاسىنىڭ باستى سالالارىنىڭ ءبىرى – اۋىل شارۋاشىلىعى. وعان كليماتتىق جاعداي قولايلى. مەگاپوليسكە دە، ورتالىققا دا جاقىن ورنالاسقان. ءبىراق سالادا وزەكتى ماسەلەلەر بار. اعىن سۋ جۇيەلەرىنىڭ توزىعى جەتكەن، مەحانيكالىق تازالاۋ جۇمىستارى ءتيىستى دەڭگەيدە جۇرگىزىلمەگەن.
اۋدان اكىمى – اۋىل شارۋاشىلىعى سالاسىنىڭ مامانى، ءبىراق بۇل باعىتتاعى اۋداننىڭ الەۋەتىن تولىق پايدالانا الماي وتىر. بىلتىر اۋىل شارۋاشىلىعى ءونىمىنىڭ ناقتى كولەم يندەكسى 93 پايىزدى قۇرادى.
قازىرگى ۋاقىتتا اۋىل شارۋاشىلىعىن قولداۋ ءۇشىن، «اۋىل اماناتى» باعدارلاماسى اياسىندا شارۋالاردى نەسيەلەندىرۋ جوسپارلانۋدا. بۇل باعدارلاما سالانىڭ دامۋىنا جاڭا سەرپىن بەرۋى ءتيىس. ورداباسى اۋدانىندا باعدارلاما شۇبار، بادام اۋىل وكرۋگتەرىندە ىسكە اسىرىلادى. اۋدان اكىمى بۇل باعىتتا ۇيلەستىرۋ، ال اۋىلدىق وكرۋگتەردىڭ اكىمدەرى تۇرعىندارعا تۇسىندىرمە جۇمىستارىن جۇرگىزسىن. بولىنگەن قارجىنى ماقساتتى پايدالانىپ، تۇرعىندار تابىسىن ارتتىرۋ قاجەت، – دەگەن دارحان ساتىبالدى ينفراقۇرىلىمدى جاقسارتۋ، ينۆەستيسيا تارتۋ، جاڭا جۇمىس ورىندارىن اشۋ، يندۋستريالدى ايماقتى دامىتۋ جونىندە تاپسىرما بەردى.
ءبىلىم، دەنساۋلىق ساقتاۋ، سانيتارلىق تازالىق، ەلدى مەكەندەردى اباتتاندىرۋ سالاسىنداعى ماسەلەلەردى دە شەشۋدى تاپسىردى.
– اۋدانداعى ىشكى جولداردىڭ ساپاسى سىن كوتەرمەيدى. تۇرعىن ۇي-كوممۋنالدىق شارۋاشىلىعى سالاسىندا ءبىرقاتار قوردالانعان ماسەلەلەر بار. تابيعي گازبەن، ەلەكترمەن جابدىقتاۋ، اۋىز سۋ جۇيەلەرىمەن قامتاماسىز ەتۋ بويىنشا ناقتى شارالار قابىلداۋ قاجەت. قۇرىلىسى جۇرگىزىلىپ جاتقان گاز نىساندارىنىڭ كەمشىلىكتەرى قالپىنا كەلتىرىلمەگەن. وسى كەمشىلىكتەردى قىسقا مەرزىمدە جويۋ ءۇشىن ءتيىستى شارالار قابىلدانسىن، – دەدى وبلىس اكىمى.
ماجىلىستە اۋدان اكىمى نۇربەك بادىراقوۆتىڭ اتقارعان جۇمىستار جونىندە ەسەبى تىڭدالدى. تۇركىستان وبلىسى اكىمى اپپاراتىنىڭ باسشىسى ەركەعالي ءالىمقۇلوۆ اۋدانداعى جۇمىستاردى زەردەلەۋ ناتيجەسى تۋرالى باياندادى.
ورداباسى اۋدانىنىڭ الەۋمەتتىك-ەكونوميكالىق دامۋى بويىنشا ءبىرقاتار نەگىزگى كورسەتكىشتەرى بىلتىر ورىندالماعان. اۋىل شارۋاشىلىعىنا تارتىلعان ينۆەستيسيا 70،5 پايىزعا، تاماق ونىمدەرىن وندىرۋگە تارتىلعان ينۆەستيسيا 17،5 پايىزعا ورىندالىپ، جىلدىق جوسپارعا قول جەتكىزىلگەن جوق. قۇس ەتىن ءوندىرۋ بويىنشا جوسپار 34 پايىزعا ورىندالعان.
وزىندىك كىرىستەردىڭ ۇلەسى تومەندەگەن. اۋداندا 792 سالىق سالۋ نىساندارى مۇلىكتەرىن 477 ملن. تەڭگەگە باعالاپ، نەبارى 2 ملن. تەڭگە سالىق تولەگەن. ءبىراق اتالعان نىسانداردىڭ نارىقتىق باعالاۋ قۇنى 24،3 ملرد. تەڭگەنى قۇراپ وتىر، ياعني، 51 ەسە جوعارى.
وسى جانە وزگە دە تۇيتكىلدەر تارقاتىلعان ماجىلىستە وبلىس اكىمى اۋدان اكىمى مەن جاۋاپتى باسقارما باسشىلارىنا كەمشىلىكتەردى جويۋ بويىنشا ناقتى تاپسىرمالار بەردى. تاپسىرمالاردىڭ ورىندالۋى قاتاڭ باقىلاۋعا الىندى.
