ورداباسى اۋدانىندا «ەلەكتروندى ٷكٸمەت» تيٸمدٸلٸگٸ تٷسٸندٸرٸلدٸ
«ەلەكتروندى ٷكٸمەت» ۆەب-پورتالىندا ەلەكتروندى قىزمەتتەردٸ پايدالانۋ جەنە ەتسق الۋ تەرتٸبٸن تٷسٸندٸرۋ ٷشٸن اۋداندىق حالىققا قىزمەت كٶرسەتۋ ورتالىعىنىڭ باسشىسى ە.بٶلەباي مەن ورداباسى اۋدانى ەكٸمٸ اپپاراتىنىڭ اقپاراتتىق قاۋٸپسٸزدٸكتٸ قامتاماسىز ەتۋ جەنە مەملەكەتتٸك قىزمەت كٶرسەتۋ مونيتورينگٸ بٶلٸمٸنٸڭ باسشىسى ن.وماروۆ اۋىل تۇرعىندارىمەن كەزدەسٸپ, جيىن ٶتكٸزدٸ. تٷسٸندٸرۋ شارالارى 10 اۋىل وكرۋگٸندە دە ۇيىمداستىرىلدى.
بٷگٸندە قازاقستاندا ەلەكتروندى ٷكٸمەتتٸ قالىپتاستىرۋدىڭ ناقتى نەتيجەلەرٸ قىزمەت تٷرٸن تۇتىنۋشىلارعا ۋاقىت ٷنەمدەۋگە, كەيبٸر جاعدايلاردا جولاقىسىنا جۇمسالاتىن قاراجات ٷنەمدەۋگە مٷمكٸندٸك تۋعىزىپ وتىر. مەملەكەتتٸك قىزمەتشٸ تاراپىنان بولاتىن ىقتيمال سىبايلاستىق, دٶرەكٸلٸك, قارىمتا اقى سۇراۋ سىندى كەلەڭسٸزدٸكتەردٸڭ جولىن بٶگەۋگە سەپتٸگٸن تيگٸزٸپ, قىزمەت كٶرسەتۋ ٷدەرٸسٸن بٸرشاما جەڭٸلدەتٸپ وتىرعاندىعى دا ايدان انىق. وسى كٷنٸ جەتٸلدٸرٸلٸپ, جاڭا ساپالىق دەڭگەيگە كٶتەرٸلگەن قىزمەتتەرگە «ەلەكتروندىق ٷكٸمەت» باعدارلاماسىنىڭ اياسىندا بٸرقاتار شارالار جٷزەگە اسىرىلۋدا.
ات ارىلتىپ, مەكەمەلەردٸڭ تابالدىرىعىن توزدىراتىن زامان ٶتتٸ. ەندٸگٸ كەزەكتە, كەز كەلگەن ازامات ٶز ٷيٸندە ينتەرنەت ارقىلى قاجەتتٸ انىقتامانى الدىرۋعا مٷمكٸندٸگٸ بار. ەيتسە دە, اتالعان قىزمەت تٷرٸن ينتەرنەت جٷيەسٸ ارقىلى پايدالانۋ ٷشٸن تۇتىنۋشى مٸندەتتٸ ەلەكتروندىق قۇجاتقا قول جەتكٸزۋٸ كەرەك.
«ەلەكتروندىق ٷكٸمەت» (e-Government) تەرمينٸ بارلىق مەملەكەتتٸك ورگانداردىڭ باسىن بٸرٸكتٸرٸپ, ولارعا ينتەرنەتتٸڭ, ەلەكتروندى تەرمينالداردىڭ نەمەسە تٸپتٸ ۇيالى تەلەفونداردىڭ كٶمەگٸمەن تۇرعىندارعا قىزمەت كٶرسەتۋگە مٷمكٸندٸك بەرەتٸن بٸرتۇتاس جٷيەسٸ بولىپ تابىلادى. باعدارلامانىڭ جەكە تۇلعالارعا عانا ەمەس, زاڭدى تۇلعالار مەن كەسٸپكەرلەرگە دە قاتىسى بار.ەلەكتروندىق قۇجات دەگەنٸمٸز ەربٸر ەلەكتروندى قىزمەت تٷرٸن تۇتىنۋشىنىڭ ينتەرنەت جٷيەسٸنە تٸركەلٸپ, جەكە ەلەكتروندىق كٸلت الىپ, ەلەكتروندىق قولتاڭباسىن تٸركەۋٸ بولىپ تابىلادى. ەلەكتروندى كٸلت الۋ ٷشٸن جەكە تۇلعا ٶزٸنٸڭ جەكە كۋەلٸگٸمەن قىزمەت كٶرسەتۋ ورتالىعىنا كەلٸپ, سۇرانىم بەرۋٸ كەرەك.
