بۇگىن تەمىرلاندا ورباداسى اۋدانىنىڭ قۇرىلعانىنا 60 جىل جانە اۋىل شارۋاشىلىعى ەڭبەككەرلەرىنىڭ «التىن كۇز-2024» مەرەكەسى سالتاناتتى تۇردە اتالىپ ءوتتى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
ەرتە كوكتەمنەن قارا كۇزگە دەيىن دالا توسىندە تەر توگىپ ەڭبەك ەتكەن جەرگىلىكتى ديحان قاۋىمنىڭ مەرەكەسىنە وراي شارۋالار مەن ديحاندار، اتالعان سالادا جۇرگەن كاسىپ يەلەرى ازىق-تۇلىك ونىمدەرىنىڭ جارمەڭكەسىندە ءوز ونىمدەرىن ۇسىنسا، اسىل تۇقىمدى مال باسىنىڭ، اگروسەكتورعا قاجەتتى جاڭا تەحنيكالاردىڭ كورمەسى ۇيىمداستىرىلدى.
كۇزگى جيىم-تەرىم ناۋقانىنىڭ قورىتىندى كورسەتكىشى ايقىندالاتىن مولشىلىق مەرەكەسىنە اۋدان اكىمى ازات ورالبايەۆ، اۋداندىق ءماسليحات ءتوراعاسى باقداۋلەت جۇمابەكوۆ، اۋىل شارۋاشىلىعى سالاسىنىڭ ارداگەرلەرى، جەرگىلىكتى مەملەكەتتىك مەكەمە باسشىلارى، ۇكىمەتتىك ەمەس ۇيىمداردىڭ وكىلدەرى، جۋرناليستەر قاۋىمى قاتىستى.
اۋدان باسشىسى مەرەكەگە وراي ۇيىمداستىرىلعان كورمەنى ارالاپ، ازىق-تۇلىك ونىمدەرىنىڭ ونىمدىلىگى جونىندە شارۋالارمەن پىكىرلەستى. اسىرەسە، اگرو سەكتورداعى، مال شارۋاشىلىعى سالاسىنداعى تىڭ، جاڭا جوبالاردىڭ جۇمىسىنا ساتتىلىك تىلەدى.
بىرلىك پەن تاتۋلىق مەكەنى – ورداباسى ءوندىرىس سالاسىمەن قاتار اۋىل شارۋاشىلىعى دا قارقىندى دامىپ كەلە جاتقان اگرارلى اۋدان. اۋداننىڭ اۋىلشارۋاشىلىعى سالاسىنداعى كەز-كەلگەن جەتىستىك بۇل، شارۋالاردىڭ، ديحانداردىڭ ادال ءارى تىنىمسىز ەڭبەگىنىڭ جانە مەملەكەت تاراپىنان كورسەتىلىپ جاتقان قولداۋلاردىڭ ارقاسى دەۋگە بولادى.
اۋداننىڭ قۇرىلعانىنا 60 جىلدىعى مەن «التىن كۇز – 2024» مەرەكەسىنە وراي ۇيىمداستىرىلعان شارادا اۋدان اكىمى ازات ءابدىعالي ۇلى بارشا اۋىل شارۋاشىلىق سالاسىنىڭ ەڭبەك ادامدارىن مەرەيلى مەرەكەمەن قۇتتىقتاپ، اۋداننىڭ وسى سالاداعى جەتىستىكتەرىنە توقتالىپ ءوتتى.
– بارشا اۋدان تۇرعىندارىن اۋداننىڭ قۇرىلعانىنا 60 جىل جانە بەرەكەنىڭ باستاۋى سانالعان «التىن كۇز» مەرەكەسىمەن قۇتتىقتايمىن. نەسىبەسىن ەتكەن ەڭبەگىنەن كۇتكەن ورداباسىلىقتار ءۇشىن بيىلعى جىل جەمىستى بولىپ، مول ونىمدىلىككە قول جەتكىزدىك. اۋدانىمىز اگرارلى اۋدان بولعاندىقتان ەكونوميكامىزدىڭ قوزعاۋشى كۇشىمەن تابىس كوزىدە اۋىلشارۋاشىلىعى سالاسى. اۋىلشارۋاشىلىق سالاسىنداعى نەگىزگى كورسەتكىشتەرگە توقتالىپ ءوتىپ، 10 ايدىڭ قورىتىندىسىمەن اۋىلشارۋاشىلىعى جالپى ءونىمىنىڭ كولەمى – 54 ملرد. 819 ملن.تەڭگەگە جەتىپ، وتكەن جىلدىڭ ءتيىستى كەزەڭىمەن سالىستىرعاندا، 7،6 ملرد. تەڭگەگە ارتىپ وتىر. اۋىلشارۋاشىلىعىنداعى نەگىزگى كاپيتالعا سالىنعان ينۆەستيسيالار – 9 ملرد. 700 ملن. تەڭگەگە جەتىپ، وتكەن جىلدىڭ ءتيىستى كەزەڭىمەن سالىستىرعاندا 3 ملرد. 578 ملن. تەڭگەگە ارتىعىمەن ورىندالىپ وتىر. تاماق ونىمدەرىنىڭ نەگىزگى كاپيتالىنا تارتىلعان ينۆەستيسيا 328 ملن. تەڭگەنى قۇرادى. ديحاندارىمىز اعىمداعى جىلى 71 591 گەكتار جەرگە اۋىل شارۋاشىلىعى داقىلدارىن ورنالاستىرىپ، وتكەن جىلدىڭ ءتيىستى كەزەڭىمەن سالىستىرعاندا ەگىس كولەمى – 1 203 گەكتارعا ۇلعايدى.
اتاپ ايتار بولسام، بيدايدىڭ ەگىس كولەمى – 27 092 گەكتاردان – 56 893 توننا (ورتاشا ءتۇسىمى 21 سن/گا)، ارپا – 3 114 گەكتاردان – 4 359 توننا (ورتاشا ءتۇسىمى 14 سن/گا)، مايلى داقىلدار – 5 228 گا، ونىڭ ىشىندە كۇنباعىس – 149 گەكتاردان – 298 توننا (ورتاشا ءتۇسىمى 20 سن/گا)، ماقسارى – 5 079 گەكتاردان – 5 588 توننا (ورتاشا ءتۇسىمى 11 سن/گا)، اشىق توپىراقتا وسىرىلگەن كوكونىستەر – 3 148 گەكتاردان – 80 274 توننا (ورتاشا ءتۇسىمى 255 سن/گا)، كارتوپ – 632 گەكتاردان – 12 956 توننا (ورتاشا ءتۇسىمى 205 سن/گا)، باقشا داقىلدارى – 1 780 گەكتاردان – 37 736 توننا (ورتاشا ءتۇسىمى 212 سن/گا)، داندىك جۇگەرى – 6 982 گەكتارعا ەگىلىپ، جالپى – 68 423 توننا (ورتاشا ءتۇسىمى 98 سن/گا) كوپ جىلدىق مال ازىقتىق داقىلدار – 17 215 گەكتاردان – 146 327 توننا (ورتاشا ءتۇسىمى 85 سن/گا) ماقتا – 6 400 گەكتارعا ەگىلىپ، 22 400 توننا (ورتاشا ءتۇسىمى 35 سن/گا) ءونىم الىندى. سونىمەن قاتار ەگىستىك جەرلەردى ءتيىمدى پايدالانۋ ماقساتىندا 1 القاپتان جىلىنا 2-3 رەت ءونىم الۋ جوباسى قولعا الىندى. اعىمداعى جىلى 411 گەكتار جەرگە 141 شارۋا قوجالىعى ونىمدەرىن ەگىپ، ناتيجەسىندە 1ء-شى داقىلدان – 9 854،5 توننا، 2ء-شى ونىمنەن – 7 698،2 توننا ءونىم جينالدى. جىل باسىنان بەرى – 18،4 گەكتار جەرگە جىلىجاي قۇرىلىسى جۇرگىزىلىپ، اۋدانداعى جالپى جىلىجاي الاڭى – 127،4 گەكتاردى قۇرادى. سونىمەن قاتار، تامشىلاتىپ سۋعارۋ ءادىسى – بيىلعى جىلى – 1 073 گەكتارعا ەنگىزىلىپ، جالپى كولەمى – 4 273 گەكتارعا جەتتى. جاڭبىرلاتىپ سۋعارۋ تەحنولوگيالارىن ەندىرۋ بويىنشا – بيىلعى جىلى – 110 گەكتارعا ەنگىزىلىپ، جالپى كولەمى 1 202 گەكتارعا جەتتى.
اعىمداعى جىلدىڭ اۋىل شارۋاشىلىعى تەحنيكالارىن جاڭالاۋ بويىنشا 117 بىرلىك جوسپارلانىپ، 9 ايدىڭ قورىتىندىسىمەن 127 بىرلىك تەحنيكالار الىنىپ، جوسپار 109 %-عا ورىندالدى. مەملەكەت باسشىسىنىڭ قولداۋىمەن جۇزەگە اسىپ جاتقان اۋىل حالقىنىڭ الەۋەتىن ارتتىرۋعا باعىتتالعان «اۋىل اماناتى» باعدارلاماسىنىڭ اۋدانىمىزداعى كورسەتكىشى جاقسى دەپ ايتۋعا بولادى. اۋدانىمىزدا جوبا اياسىندا سكرينينگ جۇمىستارى جۇرگىزىلىپ، «اۋىل اماناتى» پيلوتتىق جوباسىنىڭ ى-كەزەڭىنە بادام جانە شۇبار اۋىلدىق وكرۋگتەرى ىى-كەزەڭىنە قاراسپان جانە ءبورجار اۋىلدىق وكرۋگتەرى ەنگىزىلدى. جوبانى ىسكە اسىراتىن 4 اۋىلدىق وكرۋگتەن 8 اۋىل شارۋاشىلىعى كووپەراتيۆى قۇرىلدى. جوبانىڭ ناتيجەسىندە، 2023 جىلى اۋدان كولەمىندە 261 ادامعا 1 ملرد. 722 ملن. تەڭگە قارجىلاندىرىلدى.
جيىن سوڭى اۋداندىق مادەنيەت ءۇيى ونەرپازدارىنىڭ قويعان كونسەرتتىك باعدارلاماسىنا ۇلاستى. سالتاناتتى جيىندا اۋىل شارۋاشىلىق سالاسىنداعى جەتىستىكتەرمەن قاتار ورتالىق الاڭدا قازاقى ۇيلەر تىگىلىپ، ۇلتتىق سپورت تۇرىنەن ويىندار كورسەتىلدى.
