ورامال تاققان قىزداردىڭ اتا-اناسى ولاردى ساباققا كٸرگٸزبەگەن مەكتەپكە قارسى سوتتا جەڭٸسكە جەتتٸ, دەپ حابارلايدى Dalanews.kz.
“جوعارعى سوت جالپى بٸلٸم بەرەتٸن ورتا مەكتەپكە بالالارىن حيدجاب كيگەنٸ ٷشٸن ساباققا كٸرگٸزبەۋ ەرەكەتٸن زاڭسىز دەپ تانۋ تۋرالى اتا-انانىڭ شاعىمى بويىنشا ەكٸمشٸلٸك ٸستٸ قارادى. جوعارعى سوت اپەللياتسييالىق ينستانتسييانىڭ قورىتىندىسىمەن (سماس شەشٸمٸنٸڭ كٷشٸ جويىلىپ, شاعىم قاناعاتتاندىرىلدى) كەلٸستٸ, ٶيتكەنٸ بٸلٸم الۋ قۇقىعى – قازاقستان رەسپۋبليكاسى ازاماتتارىنىڭ نەگٸزگٸ كونستيتۋتسييالىق قۇقىقتارىنىڭ بٸرٸ”, – دەپ حابارلادى جوعارعى سوتتىڭ باسپاسٶز قىزمەتٸ كازتاگ رەداكتسيياسىنا.
وسىنداي شەشٸمدەر اتىراۋ, قاراعاندى, پاۆلودار جەنە تٷركٸستان وبلىستارىنىڭ سوتتارىندا دا قابىلدانعان.
الايدا سوت القاسى بٸلٸم بەرۋ مەكەمەلەرٸندە جالپى حيدجاب كييۋ مەسەلەسٸن تالقىلاماعانىن اتاپ ٶتتٸ.
“ورتا بٸلٸم بەرۋ ۇيىمدارىنداعى مٸندەتتٸ مەكتەپ فورماسىنا قويىلاتىن تالاپتاردى بەكٸتۋ قۇقىعى بەيٸندٸ مينيسترلٸككە بەرٸلگەن. مينيستردٸڭ تيٸستٸ بۇيرىعى زاڭسىز دەپ تانىلماعان جەنە كٷشٸ جويىلماعان. اتا-انالار مەكتەپتٸڭ جارعىسى مەن مەكتەپ فورماسىنا قويىلاتىن تالاپتاردى ساقتاۋعا مٸندەتتٸ”, – دەپ ەسكە سالدى جوعارعى سوت.
سوتتىڭ باسپاسٶز قىزمەتٸ بۇل ٸستٸڭ قاي ٶڭٸرگە قاتىستى ەكەنٸن ناقتىلامادى. بۇعان دەيٸن قىركٷيەك ايىندا وسىنداي وقيعا تٸركەلگەنٸ حابارلانعان بولاتىن.
ايتا كەتەيٸك, قىركٷيەكتە جوعارعى سوت مەكتەپتە ورامال تاعۋ تٶڭٸرەگٸندە تاراعان اقپاراتقا قاتىستى مەلٸمدەمە جاساعان ەدٸ.
اقپاراتقا سٷيەنسەك, جوعارعى سوت مەكتەپتەردە ورامال تاعۋعا سالىنعان تىيىمدى الىپ تاستاعان جوق.
"بۇقارالىق اقپارات قۇرالدارىندا جەنە ەلەۋمەتتٸك جەلٸلەردە "جوعارعى سوت مەكتەپتەردە ورامال تاعۋدى زاڭدى دەپ تاپتى" دەگەن جالعان اقپارات تاراپ جاتىر. ٸستٸ قاراۋ اياسىندا جوعارعى سوتتىڭ ەكٸمشٸلٸك ٸستەر جٶنٸندەگٸ سوت القاسى بٸلٸم بەرۋ مەكەمەسٸندە ورامال تاعۋدىڭ زاڭدىلىعى جٶنٸندەگٸ مەسەلەنٸ تالقىلاۋعا ارالاسپاعان. كاسساتسييالىق ساتى مەكتەپتٸڭ وقۋشىنى ساباققا جٸبەرمەۋٸن زاڭسىز دەپ تانىدى, ٶيتكەنٸ بٸلٸم الۋ قۇقىعى قازاقستان رەسپۋبليكاسى ازاماتتارىنىڭ نەگٸزگٸ كونستيتۋتسييالىق قۇقىقتارىنىڭ بٸرٸ.
سونىمەن قاتار وقۋ-اعارتۋ مينيسترلٸگٸ ورتا بٸلٸم بەرۋ ۇيىمدارى ٷشٸن مٸندەتتٸ مەكتەپ فورماسىنا قويىلاتىن تالاپتاردى بەكٸتۋ جٶنٸندەگٸ ٶكٸلەتتٸكتەر بار. مينيستردٸڭ تيٸستٸ بۇيرىعى زاڭسىز دەپ تانىلماعان جەنە كٷشٸ جويىلماعان", - دەپ جازىلعان حابارلامادا.
ياعني مينيسترلٸكتٸڭ مەكتەپكە حيدجاب كيٸپ بارۋعا قاتىستى تىيىمى كٷشٸن جويماعان.
جوعارعى سوتتىڭ باسپاسٶز قىزمەتٸ اتا-انالار مەكتەپ جارعىسى مەن مەكتەپ فورماسىنا قويىلاتىن تالاپتاردى ساقتاۋعا جاۋاپتى ەكەنٸن مەلٸمدەدٸ.
"بۇل رەتتە اتا-انالاردىڭ بالالاردى تەربيەلەۋ مەن بٸلٸم بەرۋ, ولاردىڭ قۇقىقتارى مەن مٷددەلەرٸن قورعاۋ جٶنٸندەگٸ ٶزدەرٸنە العان جەنە زاڭدا بەلگٸلەنگەن, ونىڭ ٸشٸندە ەكٸمشٸلٸك قۇقىقبۇزۋشىلىق تۋرالى كودەكستە كٶزدەلگەن مٸندەتتەردٸ ورىنداماۋى جاۋاپكەرشٸلٸككە ەكەپ سوعادى", - دەپ جازىلعان حابارلامادا.
جوعارعى سوتتىڭ مۇنداي مەلٸمدەمە جاساۋىنا كٷنٸ كەشە باق بەتتەرٸندە تاراعان اقپارات سەبەپ: وندا ەندٸ وقۋشى قىزدار مەكتەپكە حيدجاب كيٸپ بارا الاتىنى ايتىلعان.
