Oramal taqqan qyzdardyń ata-anasy olardy sabaqqa kirgizbegen mektepke qarsy sotta jeńiske jetti, dep habarlaidy Dalanews.kz.
“Joǵarǵy sot jalpy bilim beretin orta mektepke balalaryn hidjab kigeni úshin sabaqqa kirgizbeý áreketin zańsyz dep taný týraly ata-ananyń shaǵymy boiynsha ákimshilik isti qarady. Joǵarǵy sot apelliatsiialyq instantsiianyń qorytyndysymen (SMAS sheshiminiń kúshi joiylyp, shaǵym qanaǵattandyryldy) kelisti, óitkeni bilim alý quqyǵy – Qazaqstan Respýblikasy azamattarynyń negizgi konstitýtsiialyq quqyqtarynyń biri”, – dep habarlady Joǵarǵy sottyń baspasóz qyzmeti Kaztag redaktsiiasyna.
Osyndai sheshimder Atyraý, Qaraǵandy, Pavlodar jáne Túrkistan oblystarynyń sottarynda da qabyldanǵan.
Alaida sot alqasy bilim berý mekemelerinde jalpy hidjab kiiý máselesin talqylamaǵanyn atap ótti.
“Orta bilim berý uiymdaryndaǵy mindetti mektep formasyna qoiylatyn talaptardy bekitý quqyǵy beiindi ministrlikke berilgen. Ministrdiń tiisti buiryǵy zańsyz dep tanylmaǵan jáne kúshi joiylmaǵan. Ata-analar mekteptiń jarǵysy men mektep formasyna qoiylatyn talaptardy saqtaýǵa mindetti”, – dep eske saldy Joǵarǵy sot.
Sottyń baspasóz qyzmeti bul istiń qai óńirge qatysty ekenin naqtylamady. Buǵan deiin qyrkúiek aiynda osyndai oqiǵa tirkelgeni habarlanǵan bolatyn.
Aita keteiik, qyrkúiekte Joǵarǵy sot mektepte oramal taǵý tóńireginde taraǵan aqparatqa qatysty málimdeme jasaǵan edi.
Aqparatqa súiensek, Joǵarǵy sot mektepterde oramal taǵýǵa salynǵan tyiymdy alyp tastaǵan joq.
"Buqaralyq aqparat quraldarynda jáne áleýmettik jelilerde "Joǵarǵy sot mektepterde oramal taǵýdy zańdy dep tapty" degen jalǵan aqparat tarap jatyr. Isti qaraý aiasynda Joǵarǵy sottyń ákimshilik ister jónindegi sot alqasy bilim berý mekemesinde oramal taǵýdyń zańdylyǵy jónindegi máseleni talqylaýǵa aralaspaǵan. Kassatsiialyq saty mekteptiń oqýshyny sabaqqa jibermeýin zańsyz dep tanydy, óitkeni bilim alý quqyǵy Qazaqstan Respýblikasy azamattarynyń negizgi konstitýtsiialyq quqyqtarynyń biri.
Sonymen qatar Oqý-aǵartý ministrligi orta bilim berý uiymdary úshin mindetti mektep formasyna qoiylatyn talaptardy bekitý jónindegi ókilettikter bar. Ministrdiń tiisti buiryǵy zańsyz dep tanylmaǵan jáne kúshi joiylmaǵan", - dep jazylǵan habarlamada.
Iaǵni ministrliktiń mektepke hidjab kiip barýǵa qatysty tyiymy kúshin joimaǵan.
Joǵarǵy sottyń baspasóz qyzmeti ata-analar mektep jarǵysy men mektep formasyna qoiylatyn talaptardy saqtaýǵa jaýapty ekenin málimdedi.
"Bul rette ata-analardyń balalardy tárbieleý men bilim berý, olardyń quqyqtary men múddelerin qorǵaý jónindegi ózderine alǵan jáne zańda belgilengen, onyń ishinde Ákimshilik quqyqbuzýshylyq týraly kodekste kózdelgen mindetterdi oryndamaýy jaýapkershilikke ákep soǵady", - dep jazylǵan habarlamada.
Joǵarǵy sottyń mundai málimdeme jasaýyna kúni keshe BAQ betterinde taraǵan aqparat sebep: onda endi oqýshy qyzdar mektepke hidjab kiip bara alatyny aitylǵan.
