26 ناۋرىزدا ورال قالاسىندا نٶسەر جاڭبىر قۇيىپ, قولايسىز اۋا رايى سالدارىنان بٷكٸل قالا شالشىق سۋعا تولىپ, قالالىق ەكٸمدٸكتٸڭ عيماراتىن سۋ باسقان, دەپ حابارلايدى Dalanews.kz.
سينوپتيكتەردٸڭ بولجامىنشا, جاۋىن-شاشىن تاعى 2 كٷنگە سوزىلۋى مٷمكٸن.
كوممۋنالدىق قىزمەتتەر كٷشەيتٸلگەن رەجيمدە جۇمىس ٸستەي باستاعانمەن, بەرٸنە بٸردەي ٷلگەرمەي جاتىر.
"تابيعي اپاتتان قالالىق ەكٸمدٸكتٸڭ ەڭ تٶمەنگٸ قاباتى – جەرتٶلەدە ورنالاسقان جەر قاتىناستارى بٶلٸمٸ زارداپ شەككەن. قازٸر مۇنداعى سۋ سورىلىپ جاتىر", - دەلٸنگەن حابارلامادا.
سونىمەن قاتار قالا تۇرعىندارى دا كٶمەككە جٷگٸنٸپ جاتىر. بٸرنەشە كٷن ٸشٸندە 249 مەكەنجايدان 600-گە جۋىق شاقىرتۋ تٷسكەن. ولار اۋلاسىنا جەتكەن قىزىل سۋدىڭ ٷيگە كٸرٸپ كەتۋٸنەن قورقىپ وتىر.
وسىعان بايلانىستى اشىق نقا پورتالىندا ورال قالاسى ەكٸمٸنٸڭ قالادا جەرگٸلٸكتٸ اۋقىمداعى تابيعي سيپاتتاعى تٶتەنشە جاعداي جارييالاۋ جٶنٸندەگٸ شەشٸمٸنٸڭ جوباسى جارييالاندى.
"باتىس قازاقستان وبلىسىنىڭ ورال قالاسىندا جەرگٸلٸكتٸ اۋقىمداعى تابيعي سيپاتتاعى تٶتەنشە جاعداي جارييالانسىن. "ورال قالاسىنىڭ تۇرعىن ٷي-كوممۋنالدىق شارۋاشىلىعى, جولاۋشى كٶلٸگٸ جەنە اۆتوموبيل جولدارى بٶلٸمٸ" مەملەكەتتٸك مەكەمەسٸنٸڭ باسشىسى زارداپ شەككەن وبەكتٸلەردٸ تەكسەرۋ جٷرگٸزسٸن", – دەلٸنگەن شەشٸم جوباسىندا.
شەشٸم العاشقى رەسمي جارييالانعان كٷننەن باستاپ قولدانىسقا ەنگٸزٸلۋٸ تيٸس.
