ەڭ الدىمەن وبلىس اكىمى مىنگەن تىكۇشاق بادام وزەنىن بويلاي ۇشىپ، تولەبي، تۇلكىباس اۋداندارىنداعى تاۋلى القاپتاردى بارلاپ شىقتى. ءسويتىپ، تاۋلى القاپتارداعى مۇزداق كولدەر ۇستىمەن اۋەدەن شولۋ جاسادى. تاۋلى توبەسىندەگى كولدە وبلىس اكىمىنىڭ توراعالىعىمەن ءماجىلىس ءوتتى. وندا وڭىرىمىزدەگى تاسقىن سۋدىڭ الدىن الۋ، قوسىمشا شاعىن قويمالاردىڭ قۇرىلىسىن جۇرگىزۋ، وگەم وزەنىنىڭ سۋىن ءتيىمدى پايدالانۋ ماسەلەلەرى تالقىلاندى.
كۇن تارتىبىندەگى وزەكتى ماسەلە بويىنشا بايانداما جاساعان وبلىستىق توتەنشە جاعدايلار دەپارتامەنتىنىڭ باسشىسى نۇربولات دەربىسوۆ وزەن-كولدەردەگى تاسقىننىڭ الدىن الۋ شارالارىنىڭ بارىسىنا توقتالدى. «وبلىس اۋماعىنداعى وزەن-كولدەردە 86،95 شاقىرىمدىق قورعانىس دامبالارى ورناتىلعان. بۇگىندە ولارداعى قاۋىپسىزدىك جاعدايلارى ءجىتى قاداعالاۋدا»، - دەيدى ول.
تاۋلى القاپتارداعى مۇزداق كولدەردىڭ بۇگىنگى جاي-كۇيى تۋرالى ق ر ءىىم تجك «قازسەلدەنقورعاۋ» وقو ايماقتىق پايدالانۋ تەحنيكالىق باسقارماسى فيليالىنىڭ ديرەكتورى ەربول ءالزاق ءبىرقاتار وزەكتى ماسەلەلەردى باياندادى. ونىڭ ايتىۋنشا، وتكەن جىلعى زەرتتەۋ جۇمىستارىنىڭ ناتيجەسىندە وبلىستىڭ تاۋلى ايماقتارىندا 40 مۇزداق كولدىڭ بار ەكەنى انىقتالعان. ونىڭ ىشىندە 7ء-ى كومىلگەن كولدەر ساناتىنا جاتادى.
«وڭتۇستىك قازاقستان وبلىسىنىڭ اۋماعىندا قارجانتاۋ، وگەم جانە مايدانتال تاۋلى جوتالارىنا بيىل 1 رەت اەروۆيزۋالدى جانە 4 رەت جەرۇستى زەرتتەۋ جۇمىستارى جۇرگىزىلگەن. جۇرگىزىلگەن زەرتتەۋلەردىڭ قورىتىندىسى بويىنشا مۇزدىق كولدەردەن ءتونىپ تۇرعان ءقاۋىپ جوق ەكەندىگى انىقتالىپ وتىر»، – دەدى ە. ءالزاق. اعىمداعى جىلعا وبلىس بيۋدجەتى تاراپىنان اەروۆيزۋالدى جۇمىستارىن جۇرگىزۋگە 32 ملن. تەڭگە قاراستىرىلسا، بۇگىنگى كۇنگە ونىڭ 19 ملن. تەڭگەسى يگەرىلگەن.
ءماجىلىس بارىسىندا ءوڭىر باسشىسى وبلىس اۋماعىنداعى تاسقىن سۋدىڭ الدىن الۋ، وزەن-كولدەر مەن بوگەتتەردىڭ قازىرگى احۋالىن باقىلاۋ، تاۋ بوكتەرىندەگى مۇزداق كولدەردى باقىلاۋ بويىنشا جاۋاپتى سالا باسشىلارىنا تاپسىرما بەردى. سونداي-اق وگەم وزەنىنەن سارىاعاش، ماقتارال، قازىعۇرت اۋداندارىنا اۋىز سۋ تارتۋ ماقساتىنداعى جۇمىستاردى دا نازاردا ۇستاۋدى تاپسىردى.
– وبلىسىمىزدا جىلدا كوكتەمگى مەزگىلدەردە تاسقىن سۋدان ءقاۋىپ تونەدى. وسى رەتتە الداعى جىلى 30 شاعىن سۋ قويمالارىنىڭ قۇرىلىسىن جۇرگىزۋدى جوسپارلاپ وتىرمىز. سونىمەن قاتار وگەم وزەنىنىڭ سۋىن اۋىز سۋ رەتتىندە پايدالانۋدى قولعا الىپ وتىرمىز. ول ءۇشىن وزەن بوكتەرىنەن گيدروەلەكتروستانسياسىنىڭ قۇرىلىسىن جۇرگىزىپ، سۋ قۇبىرلارىن تاۋ ۇستىمەن الىپ ءوتۋ كەرەك. بۇل رەتتە عالىمدار مەن ءتيىستى سالا ماماندارىمەن تىڭعىلىقتى جۇمىس جاساپ، ىسكە اسىرىلاتىن جوبانىڭ قۇرىلىسىن ساپالى ءارى ءتيىمدى ەتىپ ازىرلەۋدى تاپسىرامىن، – دەدى ج. تۇيمەبايەۆ.
ەسكە سالا كەتەيىك، بيىلعى جىلدىڭ 15 اقپانىندا قازاقستان مەن وزبەكستان ۇكىمەتى وكىلدەرىنىڭ ەكىجاقتى ىنتىماقتاستىقتى جەتىلدىرۋ ماسەلەلەرى جونىندەگى بىرلەسكەن جۇمىس توبى باسقوسقان بولاتىن. اتالعان ماجىلىستە وگەم وزەنىنەن سەكۋندىنا 3-3،5 تەكشە مەترگە دەيىن سۋدى الىپ، قازىعۇرت، سارىاعاش، ماقتاارال اۋدانى تۇرعىندارىنا اۋىز سۋ رەتىندە پايدالانۋ ماسەلەسى قارالىپ، وڭ شەشىمىن تاپتى.
وقو اكىمىنىڭ باسپا ءسوز قىزمەتى
