سەمينار كەڭەستىڭ تاجىريبەلىك ءبولىمى اقباستاۋ اۋىلىنداعى دومالاق انا كەسەنەسى ماڭىنداعى تۇت باۋىندا جالعاستى. اتالعان باۋ وبلىس اكىمىنىڭ باستاماسىمەن جۇزەگە اسقان «شاتقال» باعدارلاماسى اياسىندا ەگىلگەن. باۋدىڭ جالپى اۋماعى 55 گەكتاردى قۇرايدى.  ونىڭ 30 گەكتارىنا تۇت اعاشى، ال 25 گەكتارىنا شىرشا اعاشى وتىرعىزىلعان.  ءدال وسى باۋدا جەكە شارۋا سۇلتان باكيروۆ جينالعاندارعا جىبەك شارۋاشىلىعىنىڭ كوپشىلىك بىلمەيتىن قۇپيالارىن ايتىپ، ءوز تاجىربيەسىمەن ءبولىستى. 6 جىلدان بەرى جىبەك ءوندىرىسىن زەرتتەپ جۇرگەن سۇلتان باكيروۆ بيىلدان باستاپ  جىبەك قۇرتىن وسىرۋگە كىرىسكەن. ونىڭ ايتۋىنشا، جىبەك قۇرتىنان جىلىنا 4 مارتەگە دەيىن جىبەك تالعاشىعىن الۋعا بولادى. كاسىپكەر العاشقى اينالىمنىڭ وزىنەن 110 كەلى جىبەك الۋدى جوسپارلاپ وتىر. جوباسى تولىقتاي جۇزەگە اسسا، ول جىلىنا شامامەن 40-50 تونناعا دەيىن جىبەك تالشىعىن ءوندىرىپ، 1000- نان استام جاڭا جۇمىس ورىندارىن اشپاق.

«جىبەك ءوندىرىسى - الەمدەگى ەڭ تابىستى كاسىپتەردىڭ ءبىرى. جىبەك تالشىعى جىبەك قۇرتىنان الىنادى. ال جىبەك قۇرتىنىڭ نەگىزگى ازىعى ول تۇت اعاشى. 1 گەكتار تۇت باۋىنان ورتاشا ەسەپپەن 48 توننا جاپىراق الىنادى. ماسەلەن 1 كەلى جاپىراقتى 20 تەڭگەدەن ساتقاندا، 1 گەكتار تۇت باۋىنان 960 مىڭ تەڭگە تابىس تابۋعا بولادى.  ال، 1 توننا جاپىراق، 1 قوراپشاداعى 19 گرامم جىبەك كۇرتىن ازىقتاندىرۋعا جەتەدى. ءار قوراپشادان 55 كەلى جىبەك وندىرىلەدى»، - دەيدى سۇلتان باكيروۆ.

ايتا كەتەيىك، جىبەكتىڭ الەمدىك نارىقتاعى قۇنى 1 كەلىسىنە 30-40 دوللاردى قۇرايدى. جىبەك ءوندىرىسى اسىرەسە جۇڭگو مەن جاپونيا ەلىندە قارىشتاپ دامىعان.  ال، تمد مەملەكەتتەرى اراسىندا وزبەكستان جىبەك شارۋاشىلىعىن مىقتاپ قولعا العان. كەلەشەكتە تابىسى مول بۇل سالانى وڭتۇستىك قازاقستان وبلىسىندا دا دامىتۋ جوسپارلانىپ وتىر.

سەمينار كەڭەستىڭ تەوريالىق ءبولىمى اقباستاۋ اۋىلىنداعى مادەنيەت ۇيىندە جالعاسىن تاپتى. جيىندا جىبەك ءوندىرىسىن  دامىتۋدىڭ  مۇمكىندىكتەرى مەن تەتىكتەرى تالقىلاندى. سونىمەن قاتار، اۋىل شارۋاشىلىعى باسقارماسىنىڭ ماماندارى كووپەرتايۆتەرگە بىرىگۋدىڭ تيىمدىلىگىنە توقتالسا، قارجى ۇيىمدارىنىڭ وكىلدەرى نەسيە الۋدىڭ شارتتارىمەن تانىستىردى.