جاس پوليگلوتتار 35 كۇن بويى ايتۋلى حالىقارالىق شاراعا قاتىسىپ، شەتەلدىك مەيماندارعا كورمەنىڭ جەكە ايماق پاۆيلوندارىن تانىستىرىپ، مارتەبەلى شاراعا بەلسەنە اتسالىسىپ قايتتى.
كۇنگەيلىك جاس تولقىننىڭ ەڭبەگىن ەلەگەن ۇيىداستىرۋشىلار تاراپى ءۇش ءتىلدى جەتىك مەڭگەرگەن جاستارعا زور قۇرمەتپەن العىس حات تاپسىرىپ، ارنايى ماراپاتتادى.
مۇنداي قۋانىشتى حاباردى وبلىستىق جاستار ساياساتى ماسەلەلەرى جونىندەگى باسقارماسىنىڭ باسشىسى بالمارجان ناربەكوۆا مالىمدەپ وتىر. ايتۋىنشا، بۇل يگى باستاما مادەني شاراعا قاتىسىپ قايتقانداردى قاناتتاندىرىپ قانا قويعان جوق، تيىسىنشە كۇنگەيلىك جاستولقىننىڭ ءۇش ءتىلدى مەڭگەرۋگە دەگەن قۇلشىنىسىن ارتتىرعان. ياعني، بۇل ارقىلى ەلباسىمىزدىڭ «ءۇش تۇعىرلى ءتىل» مەملەكەتتىك باعدارلاماسى دا جۇيەلى جۇزەگە اسپاق.
«وتە اسەرلى بولدى. قۋانىشتىمىن! ۇمىتىلمايتىن ساتتەر! «نۇر الەم» پاۆيلونى مەن وزگە دە جەكە-ايماقتاردىڭ ەرەكشەلىكتەرى مەن ءمان-مازمۇنىن باعامداپ، بولاشاققا قاجەتتى دەگەن ەنەرگيا-قۋات كوزىن اتاپ ءوتىپ، شەتەلدىكتەر الدىندا تولىعىمەن تانىستىرۋ - مەن ءۇشىن ۇلكەن مارتەبە بولدى. ەلىمىزدىڭ بۇگىنگى جەتىستىكتەرىمەن تانىستىرعاندا بويىمدى قۋانىش، ماقتانىش سەزىمدەرى كەرنەگەنىن جاسىرا المايمىن. سونداي-اق، حالىقارالىق كورمەدە ءجاي جۇرگەن جوقپىن، قاجەتتى اقپارلاردى ويىما ءتۇيىپ، قاعازعا ءتۇرتىپ الدىم. كەلەشەكتە مەن دە عالىم بولىپ، ەلىمنىڭ وركەندەۋىنە ۇلەس قوسسام دەگەن جوسپار ءتۇزدىم» – دەپ، جاس ەرىكتىلەر جاساعانىڭ ءتورايىمى بوتاكوز ىزتىلەۋ «ەكسپو» كورمەسىنەن العان اسەرىمەن ءبولىستى.
ەسكە سالا وتەيىك، "ەكسپو-2017" حالىقارالىق كورمەسىنە وسىدان 1 اي بۇرىن وڭتۇستىكتىڭ 150 جاسى اتتانعان بولاتىن. ازىرگە، ونىڭ 135ء-ى كەلدى. ۇزدىك دەپ تانىلعان 15 جاس ەلوردامىز – استانادا قالىپ، تورتكۇل دۇنيەگە قازاقستاننىڭ تىڭ تۋىندىلارىن تانىستىرۋدى جالعاستىرماق.
وقو جاستار ساياساتى ماسەلەلەرى جونىندەگى باسقارماسىنىڭ باسپا ءسوز قىزمەتى
