وڭتٷستٸكتٸڭ كٶكٶنٸس كٶلەمٸ ارتىپ كەلەدٸ
وسى ورايدا ٶنٸمدەرٸن نارىقتىق اينالىمعا ەنگٸزٸپ, شەتەلگە ەكسپورتتاپ ٷلگەرگەن شاردارادا جاۋشىقۇم اۋىلدىق وكرۋگٸندەگٸ «باعدات» شارۋا قوجالىعى قاربىز ەگۋمەن شۇعىلدانادى. جاقىندا ديقاندار العاشقى 30 توننا ٶنٸمدٸ ياكۋتييا اۆتونومييالىق رەسپۋبليكاسىنا جٶنەلتتٸ. اۋدان ەكٸمدٸگٸنٸڭ باسپاسٶز قىزمەتٸنٸڭ حابارلاۋىنشا, 2 گەكتار القاپقا جامىلعى استىنا ەرتە پٸسەتٸن قاربىز تۇقىمىن وتىرعىزعان شارۋالار پلەنكانى قوس قاپتاما تٷرٸندە جاۋىپ شىققان ەكەن. بٸرٸنشٸ بولىپ ەگٸستٸك القاپتان ٶنٸم ارتقان قوجالىق تٶراعاسى ب.شىنازباەۆ ەر گەكتارىنان كەم دەگەندە 40 توننادان قاربىز الۋدان ٷمٸتتٸ. اۋدان بويىنشا جاۋشىقۇمدىق شارۋالار جامىلعى استىنا ٶنٸم ەگۋدەن الدىڭعى ورىندا تۇر. اۋىل ەكٸمٸ سەرٸك ماحامبەتوۆتٸڭ مەلٸمەتٸنشە قازٸرگٸ تاڭدا 3312 گەكتار اۋماققا باقشا داقىلدارى ورنالاستىرىلعان. ونىڭ 100 پايىزى جامىلعى استىنا ەگٸلٸپ وتىر. كٶكتەم باستالىسىمەن قاربالاس تٸرلٸككە كٶشەتٸن ديقاندار قاۋىمى پلەنكا استىنا داقىل ەگۋدٸڭ شىعىنى ەر گەكتارىنا 500 مىڭ تەڭگەنٸ شامالايتىنىن ايتادى. قازٸرگٸ تاڭدا قاربىزدار ەلٸ ساۋدا ورىندارىنا كٶپتەپ شىعىپ جاتقان جوق. جەڭسٸك استى اڭساپ جٷرگەن حالىق ساتىلىمعا العاشقى قاربىز پارتيياسىن شىققان بويدا تالاپ الارى انىق. سوندىقتان, شارۋالار نارىققا ەرتە شىعارىپ, شىققان شىعىننىڭ ورنى تولتىرۋدان ٷمٸتتٸ.
جالپى, بيىل وڭتٷستٸك قازاقستان وبلىسى بويىنشا 53,4 مىڭ گەكتار جەرگە باقشا داقىلدارى ەگٸلگەن. ونىڭ 32 مىڭ گەكتارىندا قاۋىن داقىلى ٶسٸپ جاتسا, 21 مىڭ گەكتارى قاربىز القابى. وبلىستىق اۋىل شارۋاشىلىعى باسقارماسى ماماندارىنىڭ بولجامىنشا, 1 شٸلدەگە قاۋىن داقىلى دا پٸسٸپ, ٶڭٸر نارقىنا جول تارتپاق. الدىن الا ەسەپ بويىنشا بيىل دا ايماق ديقاندارى 1 ملن. تونناعا جۋىق قاۋىن-قاربىز جيناپ, كٶل-كٶسٸر ٶنٸمگە قارىق بولادى.
