وبلىس ەلدى مەكەندەرىن ساپالى اۋىز سۋمەن قامتاماسىز ەتۋ ماقساتىندا «وڭىرلەردى دامىتۋدىڭ – 2020 جىلعا دەيىنگى» باعدارلاماسىن اياسىندا اۋقىمدى جۇمىستار اتقارىلۋدا. باعدارلاما بويىنشا 2020 جىلعا دەيىن قالا تۇرعىندارىنىڭ 97 پايىزىن، اۋىلدىق ەلدىمەكەن حالقىنىڭ 62 پايىزىن ورتالىقتاندىرىلعان اۋىز سۋ قۇبىرىمەن قامتاماسىز ەتۋ جوسپارلانعان. وسى باعىتتا، 2011-2016 جىلدارى 73،9 ملرد.تەڭگەگە 268 نىساننىڭ قۇرىلىسى جۇرگىزىلىپ، 178 ەلدى مەكەندەگى 469 مىڭ ادام جاڭا ورتالىقتاندىرىلعان سۋ جۇيەلەرىمەن قامتىلعان.
– حالىقتى اۋىز سۋمەن قامتۋ بويىنشا ءبىزدىڭ وبلىستىڭ كورسەتكىشى رەسپۋبليكادا قالالار بويىنشا 92،9 پايىز، ەلدى مەكەندەر بويىنشا 55،6 پايىزدى قۇرايدى. وڭتۇستىك قازاقستان وبلىسى رەسپۋبليكا بويىنشا قالالاردا 9 ورىنعا، اۋىلدىق ەلدى مەكەندەردە 4 ورىنعا ورنالاسىپ، باعدالاماداعى 2020 جىلعا مەجەلەنگەن كورسەتكىش مەرزىمىنەن بۇرىن، ارتىعىمەن ورىندالىپ وتىر، – دەدى باسقارما باسشىسى مارعۇلان مارايىم.
ال، بيىلعى جىلى وڭىردە رەسپۋبليكالىق جانە وبلىستىق بيۋدجەت ەسەبىنەن 4،7 ملرد. تەڭگە كولەمىندە قارجى ءبولىنىپ، 25 ەلدى مەكەندە قۇرىلىس جۇمىستارى جۇرگىزىلۋدە. سونىڭ ىشىندە 5 ەلدى مەكەن حالقى جاڭا اۋىز سۋ قۇبىرلارىمەن قامتىلسا، 3 ەلدى مەكەندەگى توزىعى جەتكەن اۋىز سۋ جۇيەلەرى جاڭارتىلاتىن بولادى. قالعان 17 ەلدى مەكەندەگى قۇرىلىس جۇمىستارى 2018 جىلى اياقتالادى دەپ كۇتىلۋدە.
اتقارىلعان جۇمىستارعا قانىققان ءوڭىر باسشىسى اۋىز سۋمەن قامتۋ ماقساتىنداعى جۇمىستاردى جۇيەلەپ، بولىنگەن قارجىلاردىڭ ماقساتتى جۇمسالۋىنا ءمان بەرۋدى تاپسىردى.
– ءبىزدىڭ ماقساتىمىز - حالىقتى تازا اۋىز سۋمەن قامتاماسىز ەتۋ. رەسپۋبليكا بويىنشا ەلدى مەكەندەردى اۋىز سۋمەن قامتۋدا 4ء-شى ورىندا تۇرمىز دەپ توقمەيىلسۋگە بولمايدى. وبلىس كولەمىندە اۋىز سۋمەن قامتىلۋى جاعىنان ەڭ تومەنگى كورسەتكىش ارىس قالاسى مەن سارىاعاش، شاردارا اۋداندارىندا ورىن الىپ وتىر. وسى ولقىلىقتاردىڭ ورنىن تولتىرۋ قاجەت. اۋىز سۋمەن قامتۋ ماقساتىنداعى جۇمىستاردى ءتيىستى سالا باسشىلارىنا جۇيەلەۋدى تاپسىرامىن، – دەدى ج. تۇيمەبايەۆ.
جيىندا سونداي-اق توتەنشە جاعدايلار جونىندەگى دەپارتامەنتىنىڭ باسشىسى ن. دەربىسوۆتىڭ بايانداماسى تىڭدالدى. وسى رەتتە سۋ تاسقىنىنا قارسى قورعانىس دامبالارى مەن سۋ قويمالارىنىڭ قۇرىلىسىنا قاتىستى ءبىرقاتار ەسكەرپەلەر بەرىلدى. سونداي-اق وبلىس اۋماعىنداعى رەسپۋبليكالىق، وبلىستىق جانە اۋدان ىشىلىك ماڭىزى بار اۆتوموبيل جولدارىندا 2017-2018 جىلعى قىس مەزگىلىندە كولىك قاتىناسىنىڭ ۇزىلمەۋىن قامتاماسىز ەتۋ ماسەلەلەرى تالقىلاندى.
سەلەكتورلىق وتىرىستا «دەنساۋلىق» مەملەكەتتىك باعدارلاماسىنىڭ ورىندالۋى مەن وبلىستاعى اۋىل شارۋاشىلىعى ماقساتىنداعى جەرلەردىڭ توپىراق قۇنارلىعىن ارتتىرۋ، اۋىل شارۋاشىلىعى القاپتارىنىڭ جانە ءۇي ىرگەلىك جەرلەرىنىڭ يگەرىلۋى بارىسى دا تالقىلانىپ، سالا باسشىلارىنا ءتيىستىتاپسىرمالار بەرىلدى.
وقو اكىمىنىڭ باسپا ءسوز قىزمەتى
