بيىل جوبا اياسىندا سولتۇستىك، شىعىس، باتىس قازاقستان، اقتوبە، اقمولا، قوستاناي، پاۆلودار، قاراعاندى، اتىراۋ وبلىستارىنداعى جوعارى جانە ورناۋلى ورتا وقۋ ورىندارىنا 4513 گرانت بولىنگەن. ونىڭ 3793ء-ى جوعارى وقۋ ورىندارىنا، قالعانى كوللەدجدەرگە ءبولىنىپ وتىر.
ايتا كەتۋ كەرەك، بۇگىنگى تاڭدا وڭتۇستىك قازاقستان وبلىسىنان 5627 جاس وسى جوبا اياسىندا ءبىلىم الىپ جاتىر. العاشقى قاتىسۋشىلار ديپلوم الىپ، جۇمىسقا ورنالاسىپ ۇلگەرگەن.
جوبانىڭ ارتىقشىلىعى سول، حالقى تىعىز ورنالاسقان وڭتۇستىك جاستارىنىڭ تەگىن ءبىلىم الۋىنا، ءوز ماماندىعى بويىنشا جۇمىسقا ورنالاسۋىنا مۇمكىندىك بەرىلەدى. جۇمىسسىزدىق، بالاباقشا، مەكتەپ جەتىسپەۋشىلىك سەكىلدى ءبىرقاتار الەۋمەتتىك ماسەلەلەردىڭ وڭ شەشىم تابۋىنا ىقپال ەتەدى. ەڭ باستىسى، حالقى سيرەپ جاتقان سولتۇستىك وڭىرلەر قاراكوزدەرمەن تولىعادى.
ايتا كەتەيىك، سوڭعى ءۇش جىلدا 9 وبلىسقا – سولتۇستىك، شىعىس، باتىس قازاقستان وبلىستارى مەن اقتوبە، اقمولا، قوستاناي، پاۆلودار، قاراعاندى جانە اتىراۋ وبلىستارىنا 5627 تۇلەكتىڭ 4698ء-ى جوعارى وقۋ ورنىنا تۇسسە، 929 تالاپكەر كوللەدجدەردە ءبىلىمىن جالعاستىرعان. ياعني، 2014 جىلى «سەرپىن-2050» باعدارلاماسى اياسىندا جوعارى وقۋ ورىندارىنا 1050 گرانت ءبولىنىپ، 540 تالاپكەر وقۋعا تۇسسە، 2015 جىلى 5000 گرانت ءبولىنىپ وڭىرىمىزدەن 2580 تۇلەك وقۋعا تۇسكەن. ال 2016 جىلى 3162 گرانت ءبولىنىپ، 1578 تالاپكەر گرانت يەگەرى اتانعان.
وقو اكىمىنىڭ باسپا ءسوز قىزمەتى
