قىس مەزگىلىنىڭ ۇزاق تا ىزعارلى وتۋىنە بايلانىستى، وڭىرىمىزدە قاتتى بۇزىلعان جولدارداعى شۇڭقىرلاردى اسفالتو-بەتونمەن جەدەل جاماۋ جۇمىستارى باستالدى. نازار اۋداراتىن جاعداي، اتالعان شارۋالاردى اتقارۋعا بۇعان دەيىن اۋا-رايىنىڭ قولايسىزدىعى سەبەپ بولىپ، مۇمكىندىك بولماعان ەدى. ەندى مىنە، كوكتەم مەزگىلى كەلىپ، كۇن جىلىنعان العاشقى كۇندەردەن باستاپ، جۇمىستار ءوز دەڭگەيىندە جۇرگىزىلۋدە.

وبلىس ورتالىعى شىمكەنتتەن باستالاتىن وبلىستىق ماڭىزى بار اۆتوموبيل جولدارى – سايرام، تولەبي، بايدىبەك، ورداباسى اۋداندارىندا ىسكە اسىرىلۋدا.

قازىرگى ۋاقىتتا، سايرام اۋدانىنداعى كح-97 «جىبەك جولى-اقسۋكەنت-شىمكەنت» اۆتوجولىنىڭ 7-18 شاقىرىم ارالىعىن، بايدىبەك اۋداندارىنداعى وبلىستىق ماڭىزى بار اتوموبيل جولدارىنداعى شۇڭقىرلاردى اسفالتو-بەتون قوسپاسىمەن جوندەۋ جۇمىستارى ءجۇرىپ جاتسا، وسى شارۋالارمەن ءبىر مەزەتتە كح-97 «جىبەك جولى-اقسۋكەنت-شىمكەنت» 7 – 18 شق.، كح-37 «شىمكەنت-قىزىلاسكەر-تۇيەتاس» 0 – 24 شق.، كح-2 «ۋلانبەل-سوزاك-ەكپەندى» 625 – 675 شق. ارالىعىندا جول جيەكتەرىن اۆتوگرەيدەرمەن تەگىستەۋ شارۋالارى اتقارىلۋدا. سونداي-اق، كوكتەمگى سۋ تاسقىنىنان بولاتىن سەلدىڭ الدىن الۋ ماقساتىندا سايرام، وتىرار، ورداباسى، تولەبي جانە شاردارا اۋداندارىندا توتەنشە جاعدايلاردىڭ ءقاۋىپىن قايتارۋ جۇمىستارى جۇرگىزىلۋدە.

وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ «وڭتۇستىك جولدارى» مكك-نىڭ ماماندارى اتقارىپ جاتقان جۇمىستارعا وتكەن جىلدىڭ اياعىندا وبلىس اكىمى تابىستاعان 26 بىرلىك ارنايى تەحنيكا تولىقتاي جۇمىلدىرىلعان.

وقو اكىمىنىڭ باسپا ءسوز قىزمەتى