سالتاناتتى شاراعا قاتىسقان وبلىس اكىمى ج.تۇيمەبايەۆ بارشا سالا قىزمەتكەرلەرىن كاسىبي مەرەكەمەن قۇتتىقتاپ، ءورت ءسوندىرۋ قىزمەتكەرلەرىنە كولىك كىلتىن سالتاناتتى تۇردە تابىستاپ، قىزمەتتىك مىندەتتەرىن ءمىنسىز اتقارعان ءبىرقاتار ازاماتتاردى ماراپاتتادى.
– قۇتقارۋشىلار مەن ءورت سوندىرۋشىلەر ەلىمىزدىڭ قاۋىپسىزدىگىن، توتەنشە جاعدايلاردا ادامداردىڭ ءومىرى مەن مۇلىگىن قورعاپ، ازاماتتارعا ءارقاشاندا جاردەم بەرىپ كەلۋدە. بيىل قازاقستان رەسپۋبليكاسى ازاماتتىق قورعاۋ ورگاندارىنىڭ قۇرىلعانىنا 22 جىل تولىپ وتىر. وسى جىلدار ىشىندە وڭتۇستىك قازاقستان وبلىسى توتەنشە جاعدايلار دەپارتامەنتىنىڭ قىزمەتكەرلەرى وبلىس جانە رەسپۋبليكا كولەمىندە ورىن العان تابيعي جانە تەحنوگەندىك سيپاتتاعى توتەنشە جاعدايلاردى جويۋعا ءوز ۇلەستەرىن قوستى. وسىنداي ەرلىك پەن ەڭبەكتەرىڭىزدىڭ ارقاسىندا «قازاقستاندىق قۇتقارۋشى» مارتەبەسىنە يە بولعان بارشالارىڭىزدى بۇگىنگى كاسىبي مەرەكەلەرىڭىزبەن شىن جۇرەكتەن قۇتتىقتاي وتىرىپ، دەندەرىڭىزگە ساۋلىق، وتباسىلارىڭىزعا اماندىق جانە قىزمەتتە جەتىستىك پەن تابىسقا جەتۋلەرىڭىزگە تىلەكتەسپىن، – دەدى اكىم.
[caption id="attachment_31192" align="aligncenter" width="800"]
فوتو. سامات مىرزالييەۆ.[/caption]
مەرەكەلىك شارادا ءوز قىزمەتتىك مىندەتتەرىن ساپالى، ءتيىمدى، ءمىنسىز اتقارىپ، قىزمەتىن ادال ورىنداعان 25 قىزمەتكەر ازاماتتىق قورعاۋ مەملەكەتتىك جۇيەسىن دامىتۋ مەن جەتىلدىرۋگە قوسقان ۇلەستەرى ءۇشىن «ەڭبەك ارداگەرى» مەدالىمەن، وڭتۇستىك قازاقستان وبلىسى اكىمىنىڭ «قۇرمەت گراموتاسىمەن»، «العىس حاتىمەن»، «توتەنشە جاعدايداعى ەرلىگى ءۇشىن» ءتوس بەلگىلەرىمەن ماراپاتتالدى.
سونداي-اق، وقو توتەنشە جاعدايلار دەپارتامەنتىنە باسشىلىق ەتكەن قۇرمەتتى ارداگەر وتستاۆكاداعى پولكوۆنيك ۋاليحان ەرەجەپوۆ «ەڭبەك ارداگەرى»، مۇحتاربەك بەكسەيتوۆ «وڭتۇستىك قازاقستان وبلىسىنا سىڭىرگەن ەڭبەگى ءۇشىن» مەدالدارىمەن ماراپاتتالدى.
ايتا كەتەيىك، ءورت ءسوندىرۋ قىزمەتىندە قازىرگى تاڭدا 100-دەن استام ءورت ءسوندىرۋ تەحنيكاسى بار. بۇل تەحنيكانىڭ باسىم كوپشىلىگى 20 جىلدان استام ۋاقىت پايدالانىلىپ كەلەدى. قازىرگى تاڭدا وبلىسىمىزدىڭ حالقى مەن ءال-اۋقاتى وسۋىنە بايلانىستى كوپتەگەن جوعارى قاباتتى تۇرعىن ۇيلەر سالىنۋدا. مۇنداي كوپ قاباتتى ۇيلەردە قانداي دا ءبىر توتەنشە جاعدايلار ورىن العان جاعدايدا جاڭا ۇلگىدەگى زاماناۋي ءورت ءسوندىرۋ تەحنيكالارىنىڭ ءورت ءسوندىرۋ اۆتوساتىلارى جوعارىعا كوتەرىلىپ، ءورت سوندىرۋگە جانە اۆاريالىق-قۇتقارۋ جۇمىستارىن جۇرگىزۋگە ۇلكەن سەپتىگىن تيگىزەرى ءسوزسىز.
[caption id="attachment_31193" align="aligncenter" width="800"]
فوتو. سامات مىرزالييەۆ.[/caption]
