Saltanatty sharaǵa qatysqan oblys ákimi J.Túimebaev barsha sala qyzmetkerlerin kásibi merekemen quttyqtap, órt sóndirý qyzmetkerlerine kólik kiltin saltanatty túrde tabystap, qyzmettik mindetterin minsiz atqarǵan birqatar azamattardy marapattady.
– Qutqarýshylar men órt sóndirýshiler elimizdiń qaýipsizdigin, tótenshe jaǵdailarda adamdardyń ómiri men múligin qorǵap, azamattarǵa árqashanda járdem berip kelýde. Biyl Qazaqstan Respýblikasy azamattyq qorǵaý organdarynyń qurylǵanyna 22 jyl tolyp otyr. Osy jyldar ishinde Ońtústik Qazaqstan oblysy Tótenshe jaǵdailar departamentiniń qyzmetkerleri oblys jáne respýblika kóleminde oryn alǵan tabiǵi jáne tehnogendik sipattaǵy tótenshe jaǵdailardy joiýǵa óz úlesterin qosty. Osyndai erlik pen eńbekterińizdiń arqasynda «Qazaqstandyq qutqarýshy» mártebesine ie bolǵan barshalaryńyzdy búgingi kásibi merekelerińizben shyn júrekten quttyqtai otyryp, denderińizge saýlyq, otbasylaryńyzǵa amandyq jáne qyzmette jetistik pen tabysqa jetýlerińizge tilektespin, – dedi ákim.
[caption id="attachment_31192" align="aligncenter" width="800"]
Merekelik sharada óz qyzmettik mindetterin sapaly, tiimdi, minsiz atqaryp, qyzmetin adal oryndaǵan 25 qyzmetker azamattyq qorǵaý memlekettik júiesin damytý men jetildirýge qosqan úlesteri úshin «Eńbek ardageri» medalimen, Ońtústik Qazaqstan oblysy ákiminiń «Qurmet gramotasymen», «Alǵys hatymen», «Tótenshe jaǵdaidaǵy erligi úshin» tós belgilerimen marapattaldy.
Sondai-aq, OQO Tótenshe jaǵdailar departamentine basshylyq etken qurmetti ardager otstavkadaǵy polkovnik Ýalihan Erejepov «Eńbek ardageri», Muhtarbek Bekseitov «Ońtústik Qazaqstan oblysyna sińirgen eńbegi úshin» medaldarymen marapattaldy.
Aita keteiik, órt sóndirý qyzmetinde qazirgi tańda 100-den astam órt sóndirý tehnikasy bar. Bul tehnikanyń basym kópshiligi 20 jyldan astam ýaqyt paidalanylyp keledi. Qazirgi tańda oblysymyzdyń halqy men ál-aýqaty ósýine bailanysty kóptegen joǵary qabatty turǵyn úiler salynýda. Mundai kóp qabatty úilerde qandai da bir tótenshe jaǵdailar oryn alǵan jaǵdaida jańa úlgidegi zamanaýi órt sóndirý tehnikalarynyń órt sóndirý avtosatylary joǵaryǵa kóterilip, órt sóndirýge jáne avariialyq-qutqarý jumystaryn júrgizýge úlken septigin tigizeri sózsiz.
[caption id="attachment_31193" align="aligncenter" width="800"]
