وڭتۇستىك قازاقستان وبلىسى اكىمىنىڭ وكىمىمەن وڭتۇستىك قازاقستان وبلىسى كاسىپكەرلىك، يندۋستريالدى-يننوۆاسيالىق دامۋ جانە تۋريزم باسقارماسىنىڭ باسشىسى لاۋازىمىنا باتىرحان قۇرمانسەيىت تاعايىندالدى.

باتىرحان قۇرمانسەيىت 1975 جىلى تۋىلعان، ءبىلىمى جوعارى. ءال-فارابي اتىنداعى قازاق ۇلتتىق ۋنيۆەرسيتەتىن، ورتالىق ازيا ۋنيۆەرسيتەتىن بىتىرگەن. ماماندىعى بويىنشا شىعىستانۋشى-فيلولوگ، جاپون ادەبيەتى ءپانىنىڭ وقىتۋشىسى، زاڭگەر، PhD دوكتورى، ءى حاتشى ديپلوماتيالىق دارەجەسى بار.

ەڭبەك جولىن «NIKA SERVICE-1» ج ش س مەكەمەسىندە ديرەكتور بولىپ باستاعان. 2008-2014 جىلدارى ق ر سىرتقى ىستەر مينيستىرلىگى  ازيا جانە افريكا دەپارتامەنتىنىڭ ەكىنشى حاتشىسى، ق ر جاپونياداعى ەلشىلىگىنىڭ ەكىنشى، ءبىرىنشى حاتشىسى، كەڭەسشىسى، كەڭەسشى-ۋاكىلى، ق ر پرەزيدەنتى اكىمشىلىگى سىرتقى ساياسات ورتالىعىنىڭ ينسپەكتورى، ۇكپ «اتامەكەن» سىرتقى ساۋدا پالاتاسى حالىقارالىق ىنتىماقتاستىق دەپارتامەنتى سەكتورىنىڭ مەڭگەرۋشىسى لاۋازىمدارىندا، 2015-2016 جىلدارى «New & Rare Resources» ج ش س باس ديرەكتورى قىزمەتىن اتقارعان.

«ا» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆىنە الىنعان.

 

وقو اكىمىنىڭ باسپا ءسوز قىزمەتى