وڭتۇستىك قازاقستان وبلىسى، تولە بي اۋدانىندا بيىلعى جىلى 20 اۋىل شارۋاشىلىعى كووپەراتيۆى قۇرىلدى. وسىنىڭ ءبىرى قۇس ەتىن وندىرەتىن «لەنگەر قۇس» اۋىل شارۋاشىلىعى وندىرىستىك كووپەراتيۆى.  20 مۇشەنىڭ باسىن قوساتىن اۋىلشارۋاشىلىعى كووپەراتيۆىنە بىرىككەن قۇس فەرماسىنىڭ قۇرىلىسى اياقتالۋعا جاقىن.



جىل اياعىنا دەيىن ىسكە قوسىلاتىن نىساندا جىلىنا 200 تونناعا دەيىن قۇس ەتى وندىرىلەتىن بولادى.  بۇگىندە كاسىپورىن عيماراتىنا جاڭا قۇرال-جابدىقتار اكەلىنىپ، ورناتىلۋدا. سۋ جاڭا قۇرال-جابدىق تولىقتاي اۆتوماتتاندىرىلعان. 2،5 گەكتاردى الىپ جاتقان قۇس فەرماسىنىڭ ءقازىر ينفراقۇرىلىمى جاساقتالۋدا. شارۋالاردىڭ كووپەراتيۆكە بىرىگۋىنىڭ ارقاسىندا مۇنى ساتىپ الۋعا كەتكەن شىعىننىڭ 50 پايىزى مەملەكەت تاراپىنان سۋبسيديالانىپ وتىر.

كووپەراتيۆ ءتورايىمىنىڭ ايتۋىنشا، وتكىزگەن ەتتىڭ ءار كەلىسىنە 80 تەڭگەدەن، ال جەمگە 20 تەڭگەدەن سۋبسيديا الاتىن بولادى. جوبا تولىقتاي ىسكە قوسىلعاندا جىلىنا 200 تونناعا جۋىق قۇس ەتىن وندىرەمىز دەپ وتىرعان شارۋالار تاۋارلارىن «شىمكەنت قۇس» كاسىپورنىنا وتكىزەدى. جىلىنا 6 اينالىمدا جۇمىس ىستەيتىن قۇس فەرماسى قۇستاردى 35-40 كۇن باعاتىن بولادى.



سالاعا جاۋاپتىلار بۇگىندە وبلىستا 2،5 ميلليونعا جۋىس قۇس وسىرىلەدى دەپ وتىر. ونىڭ 50 پايىزى جەكە جانە قوسالقى شارۋاشىلىقتاردىڭ ەنشىسىندە. وڭتۇستىك ءوڭىرى ءوز-وزىن قۇس ەتىمەن 70 پايىز، ال جۇمىرتقامەن 75 پايىز قامتۋعا قاۋقارلى ەكەن. سوندىقتان بىرىككەن كاسىپورىندار الدىندا قۇس شارۋاشىلىعىن دامىتىپ، ءونىم كولەمىن ارتتىرۋ ماقساتى تۇر.

قۇس فەرماسىن سالىپ جاتقان كاسىپكەرلەر قۇرال-جابدىقتار ساتىپ الۋ ءۇشىن جانە اينالىم قورىنا (جەم، ءشوپ ساتىپ الۋعا) قاجەتتى قارجىنى ق ر ۇكىمەتىنىڭ بەكىتكەن باعدارلامالارى اياسىندا جەڭىلدەتىلگەن نەسيە الۋ ارقىلى ىسكە اسىرۋدا. اتاپ ايتساق، 14 كاسىپكەر ءتيىستى قۇجاتتارىن «ىرىس» مقۇ، «وڭتۇستىك» ايو ج ش س ارقىلى وتكىزىپ، قوندىرعىلارىن «عOPRO» فيرماسىنان «ليزينگ» بويىنشا الادى. ال 6 كاسىپكەر قوندىرعىلارىن «قازقۇس-باتارەياسى» جشس-نەن الۋ ءۇشىن كەلىسىم شارت جاساۋدا.

وقو اكىمىنىڭ باسپا ءسوز قىزمەتى