وڭتٷستٸكتە 16 سۋ قويماسىنىڭ قۇرىلىسى باستالماق
«بيىلعى دايىندىق جۇمىستارىنىڭ جوعارى دەڭگەيدە اتقارىلۋىنا بايلانىستى ٶڭٸر توپان سۋدان زارداپ شەككەن جوق. الايدا مەسەلەنٸ زەرتتەپ-زەردەلەگەنٸمٸزدە جىل سايىن 2 ملرد تەكشە مەتر سۋدىڭ اعىپ كەتەتٸندٸگٸنە كٶز جەتكٸزدٸك. اۋىل شارۋاشىلىعىنا بەيٸمدەلگەن جەنە جاز ايلارىندا سۋ تاپشىلىعىنا ۇرىناتىن ايماقتا كٶكتەمگٸ تاسقىن سۋدى تيٸمدٸ ماقساتقا پايدالانۋ ەڭ باستى مەسەلە بولىپ تابىلادى. سوندىقتان دا وبلىستىڭ اۋماعىندا ەزٸرگە 16 شاعىن سۋ قويمالارىن سالىپ, سۋارمالى ەگٸستٸك القاپتارىن كٶبەيتۋدٸ جوسپارلاپ وتىرمىز. اتالعان نىساندار ايماقتى تاسقىن سۋدان قورعاپ, ەگٸنشٸلٸكتٸ دامىتۋعا تٸكەلەي سەپتٸگٸن تيگٸزەتٸن بولادى. ەندٸ بيۋدجەتتەن قوسىمشا 250 ملن تەڭگە قارجى قاراپ, تاعى دا توعاندار مەن سۋ قويمالارىن سالۋ ٷشٸن تيٸستٸ جوبالاۋ, جوسپارلاۋ جۇمىستارىن جٷرگٸزەمٸز»,- دەدٸ جانسەيٸت قانسەيٸتۇلى.
جالپى, وبلىس اۋماعىندا 43 سۋ قويماسى ورنالاسقان. ونىڭ ٸشٸندە 20-سى رەسپۋبليكالىق, 13-ٸ وبلىستىق, 4-ەۋٸ اۋداندىق كوممۋنالدىق مەنشٸگٸندە. ال, 6-ۋى جەكە مەنشٸككە بەرٸلگەن. قازٸرگٸ تاڭدا رەسپۋبليكالىق بيۋدجەت ەسەبٸنەن توعىس, ساسىقبۇلاق, اقىلبەكساي سۋ قويمالارىندا 984,9 ملن. تەڭگەگە كٷردەلٸ جٶندەۋ جۇمىستارى جٷرگٸزٸلۋدە. 2017-2019 جىلدارى 11,1 ملرد. تەڭگەگە 4 سۋ قويماسىندا (شاردارا, تاۋشاعا, دوسان-قاراباس, بٶگەن سۋ قويمالارى) كٷردەلٸ جٶندەۋدەن ٶتكٸزٸلەتٸن بولادى.
اعىمداعى جىلى وبلىستىق اۋىل شارۋاشىلىق باسقارماسى كوممۋنالدىق مەنشٸكتەگٸ 4 سۋ قويماسىندا (اقسۋمبە, باقىرلى, اششى, تەكەسۋ) وبلىستىق بيۋدجەت ەسەبٸنەن 384,1 ملن. تەڭگەگە كٷردەلٸ جٶندەۋ جٷرگٸزٸلەدٸ.
بۇدان بٶلەك, تٷركٸستان قالاسىندا 1,7 ملن. تەكشە مەترگە ارنالعان «قاراشىق» سۋ قويماسىنىڭ قۇرىلىسى جٷرگٸزٸلٸپ, جىلدىڭ اياعىنا دەيٸن اياقتاۋ جوسپارلانىپ وتىر.
وقو ەكٸمٸنٸڭ باسپاسٶز قىزمەتٸ
