وڭتۇستىك قازاقستان وبلىسىنا اۋىل شارۋاشىلىعى مەن يندۋستريالدى ايماق سالاسىندا اتقارىلىپ جاتقان جۇمىستارىمەن تانىسۋ جانە تاجىريبە الماسۋ ماقساتىندا وڭىرىمىزگە باتىس قازاقستان وبلىسىنىڭ دەلەگاتتارى جۇمىس ساپارىمەن كەلدى.

بقو اكىمىنىڭ ءبىرىنشى ورىنباسارى ارمان وتەعۇلوۆ  باستاعان توپتى بۇگىن وقو ج.تۇيمەبايەۆ قابىلداپ، وڭىردە اتقارىلىپ جاتقان جۇمىستارعا توقتالىپ ءوتتى.

– وڭتۇستىك قازاقستان نەگىزى اگرارلى ايماق بولىپ كەلەدى. مۇندا اۋىل شارۋاشىلىق پەن شاعىن ورتا كاسىپكەرلىك سالاسى جولعا قويىلعان. سونىمەن قاتار  الەۋەتى مول 11 ينۋدستريالدى ايماعىمىز بولسا، شىمكەنت قالاسىنىڭ وزىندە جەڭىل جانە اۋىر ونەركاسىپتەر ورنالاسقان ءۇش يندۋستريالدى ايماق بار. جانە دە رەسپۋبليكاداعى فارماسيەۆتيكا كلاستەرى دامىعان بىردەن-بىر ايماق وسى وڭتۇستىك قازاقستان بولىپ تابىلادى، – دەدى اكىم.

قۇرامىندا كاسىپكەرلەر مەن شارۋا قوجالىقتارىنىڭ وكىلدەرى مەن اۋىل اكىمدەرى بار 30-دان استام باتىسقازاقستاندىقتار وڭىردەگى ءىرى شارۋا قوجالىقتاردىڭ جۇمىسىمەن تانىسىپ، كووپەراتيۆتەردى قۇرۋ بويىنشا تاجىريبە الماسپاق.

ءوز كەزەگىندە ءسوز العان بقو اكىمىنىڭ ءبىرىنشى ورىنباسارى ا.وتەعۇلوۆ بۇگىنگى رەسمي ساپار وبلىس اكىمى ا.كولگىنوۆتىڭ وزگە وڭىرلەردەن تاجىريبە الماسۋ تاپسىرماسى اياسىندا ۇيىمداستىرىلىپ وتىرعاندىعىن ايتىپ، اگروونەركاسىپ باعىتى دامىعان بۇل ايماقتان ۇيرەنەرىمىز كوپ دەپ بىلەمىن دەدى.

– باتىس قازاقستاندا مال شارۋاشىلىعى دامىعان. بۇگىندە اسىل تۇقىمدى مال شارۋاشىلىعى مەن ەت ەكسپورتىنىڭ الەۋەتىن ورىستەتۋدەمىز. ماسەلەن، وتكەن جىلى وڭتۇستىكتەگى مال سويۋ بەكەتتەرىنە 7800 باس مال جىبەردىك. سونداي-اق، وسى وبلىستاعى «قايىپ اتا» شارۋا قوجالىعى مال باسىن الۋعا قىزۋعۋشىلىق تانىتىپ وتىر. رەسەي شەكاراسىمەن شەكتەسكەن  ءبىزدىڭ وبلىس وتكەن جىلى 2100 توننا ەت ەكسپورتتادى، – دەدى ا.وتەعۇلوۆ.

وڭتۇستىك قازاقستانعا ەكى كۇندىك جۇمىس ساپارىمەن كەلگەن دەلەگاتتار اگروونەركاسىپ كەشەنىن دامىتۋدا بىرلەسە جۇمىس اتقارۋ ماقساتىندا  ورداباسى مەن تولە بي اۋداندارىنداعى ءبىرقاتار شارۋا قوجالىقتارىن ارالاپ، جۇمىسىمەن تانىسۋدا. سونىمەن قاتار، ءوڭىر كاسىپكەرلەرىمەن كەزدەسۋ ۇيىمداستىرىلىپ، ءوزارا كەلىسسوزدەر جۇرگىزۋ جوسپارلانۋدا.

 

وقو اكىمىنىڭ باسپا ءسوز قىزمەتى