سوت وڭتۇستىك كورەيانىڭ ەكس-پرەزيدەنتى يۋن سوك ولگە قاتىستى قاماۋدا ۇستاۋ مەرزىمىن تاعى التى ايعا ۇزارتتى، دەپ حابارلايدى Dalanews.kz.
بۇرىنعى مەملەكەت باسشىسى سولتۇستىك كورەيامەن شەكارا ماڭىندا قاقتىعىس تۋىنداتۋ ماقساتىندا درونداردى ادەيى پايدالانعان دەگەن كۇدىككە ءىلىندى. تەرگەۋ نۇسقاسىنا سايكەس، بۇل ارەكەتتەر پحەنيان تاراپىنان قارىمتا جاۋاپقا تۇرتكى بولىپ، كەيىن ەلدە توتەنشە جاعداي نەمەسە اسكەري جاعداي ەنگىزۋگە نەگىز رەتىندە قولدانىلۋى مۇمكىن بولعان.
2 قاڭتار كۇنى سەۋل سوتى يۋن سوك ءولدى سولتۇستىك كورەيا اۋماعىندا درونداردى قولدانۋعا بايلانىستى ايىپتار بويىنشا قاماۋعا الۋ جونىندە وردەر شىعارعان. تەرگەۋشىلەردىڭ مالىمدەۋىنشە، اتالعان قادامدار 2024 جىلدىڭ جەلتوقسانىندا اسكەري جاعداي جاريالاۋعا سىلتاۋ جاساۋ ماقساتىندا جاسالعان.
