بۇگىن الماتىدا CU يننوۆاسيالىق ريتەيل-جەلىسىنىڭ كۇندەلىكتى سۇرانىسقا يە ونىمدەرگە ارنالعان قازاقستانداعى العاشقى دۇكەنى اشىلدى. 2030 جىلعا دەيىنگى اۋقىمدى جوبا قالا ەكونوميكاسىنا 50 ملرد تەڭگەگە دەيىن قاراجات تارتىپ، قازىرگى زامانعى قالانىڭ مارتەبەسىنە سايكەس كەلەتىن 500 ساۋدا نۇكتەسىن قۇرادى، دەپ حابارلايدى Dalanews.kz.
جوبانى ۇيىمداستىرۋشىلار سالانى ساۋىقتىرۋ جانە قالا تۇرعىندارىنىڭ ساپالى قىزمەت پەن ونىمدەرگە دەگەن سۇرانىسىن قامتاماسىز ەتۋ جونىندەگى ءىس-شارالار كەشەنىن قاراستىرۋدى كوزدەپ وتىر. «ءۇي جانىنداعى دۇكەن» يننوۆاسيالىق ساۋدا جەلىسىن "شين-لاين" كومپانيالار توبى وڭتۇستىك كورەيانىڭ ەڭ ءىرى وپەراتورى BGF Retail-مەن بىرلەسىپ جۇزەگە اسىرادى.
يننوۆاسيالىق ساۋدا جەلىسىنىڭ رەسمي اشىلۋ بارىسىندا قازاقستاننىڭ جەتەكشى ازىق-تۇلىك ءوندىرۋشى كومپانيالارى مەن وڭتۇستىككورەيالىق ءىرى ريتەيلەر سەرىكتەستىگى الماتى تۇرعىندارىنا قىزمەت كورسەتۋدىڭ زاماناۋي تاسىلدەرىن دامىتۋعا باعىتتالعاندىعى اتاپ ءوتىلدى. CU ساۋدا جەلىسى – بۇل جۇمىس رەجيمى اپتاسىنا 7 كۇن 24 ساعاتقا قۇرىلعان، ءۇي جانىنداعى شاعىن دۇكەندەردىڭ جەتىلدىرىلگەن فورماتى. CU دۇكەندەرىنىڭ لايىقتى سىرتقى كەلبەتى مەن وزىنە ءتان ىشكى اتموسفەراسى بار، سونداي-اق جۇمىسى وزگەشە ۇيىمداستىرىلعان، ول قىزمەت كورسەتۋ جىلدامدىعىمەن جانە قولايلى باعامەن ەرەكشەلەنەدى.
"ارنايى CU دۇكەندەر جەلىسى ءۇشىن "شين-لاين" وندىرىستىك كەشەنىنىڭ نەگىزىندە بىرەگەي "فابريكا-اس ءۇي" قۇرىلدى، قازىرگى تاڭدا جەلىنىڭ ءاربىر دۇكەنى ءۇشىن تاعامداردى دايىنداۋ ورتالىقتاندىرىلعان جانە كومپانيا ستاندارتتاردى مۇلتىكسىز ورىنداۋدى قامتاماسىز ەتەدى. مەنشىكتى ورتالىقتاندىرىلعان قويما مەن مەنشىكتى ديستريبۋسيا جاڭا ونىمدەردى جەتكىزۋ مەرزىمى مەن ءوندىرىس تىزبەگىندەگى دەلدالدار سانىنىڭ تومەندەۋىن قامتاماسىز ەتەدى، بۇل تۇتىنۋشى ءۇشىن ءونىم ساپاسى مەن باعاسىنا وڭ اسەر ەتەدى، – دەپ اتاپ ءوتتى "شين-لاين" كومپانيالار توبىنىڭ پرەزيدەنتى اندرەي شين. - وسى جوبانىڭ بارلىق تىزبەگىنىڭ جۇمىسىن قامتاماسىز ەتۋ ءۇشىن جىل سوڭىنا دەيىن الماتىدا 600 جۇمىس ورنى اشىلادى.
جاڭا دۇكەندەردە اشىلعان كۇننەن باستاپ مىناداي ساناتتار بار: ready to eat (لەزدە دايىن بولاتىن تاعامدار)، ready to cook (تەك ءپىسىرۋ كەرەك)، ready to heat (تەك جىلىتۋ كەرەك)، bakery & hot drinks (كونديتەرلىك ونىمدەر مەن ىستىق سۋسىندار)، سنەكتەر، ءتۇرلى سۋسىندار. CU دۇكەندەرىنىڭ جاڭا جەلىسىندە بارلىعى 2000-نان استام ساۋدا پوزيسياسى ۇسىنىلعان، ايتا كەتۋ كەرەك، ولاردا قازىرگىدەي قولدانىستاعى ستيحيالىق قىزمەت كورسەتۋ فورماتى جوق.
"CU جەلىسى قالا ومىرىنە اكەلەتىن يننوۆاسيالار، قالالىق ريتەيل يندۋسترياسىن جاقسارتادى»،-دەپ اتاپ ءوتتى اندرەي شين. - جاڭا شەشىمدەرى بار زاماناۋي دۇكەندەر قالامىزعا قاجەت. ساتىپ الۋشىلار ولاردان كۇندەلىكتى سۇرانىسقا يە جاڭا ونىمدەردىڭ ءبىرقاتار ساناتتارىن، سونداي-اق كورەيادان، قىتايدان، جاپونيادان يمپورتتالعان ازيالىق ونىمدەردى تابادى. سونداي-اق، CU-دا قازاقستاندا تانىمال تاعامدار مەن تاعامداردىڭ كەڭ اسسورتيمەنتى، سونداي-اق كورەي اسحاناسىنىڭ تاعامدارى ۇسىنىلادى، ولاردى ازىرلەۋ ءۇشىن كورەيادان كەلگەن ۇزدىك اسپازدار ەڭبەك ەتتى".
اشىلۋ سالتاناتىندا ساۋدا جەلىسىنىڭ ستاندارتتارى، ونداعى اسسورتيمەنت فورماتى وڭتۇستىك كورەياداعىداي ەكەندىگى اتاپ ءوتىلدى. ۇيىمداستىرۋشىلار كورەيادا 17000 دۇكەنى بار، 30 جىلدان استام تاجىريبەسى قالىپتاسقان CU جەلىسىنىڭ ادامدارعا جايلى جانە ءوز جانكۇيەرلەرى بار ەكەنىن جەتكىزدى. ەندى مۇنىڭ ءبارى قازاقستاندا دا قولجەتىمدى، بۇل قالا تۇرعىندارىنىڭ ءومىرىن كورىكتى ەتە تۇسەدى، جاڭا جۇمىس ورىندارىن اشادى سونىمەن قاتار بيۋدجەتكە سالىق ءتۇسىمىن ارتتىرادى.
"BGF-بۇل "Be Good Friends!" ءسوزىنىڭ قىسقارتىلىپ الىنعان نۇسقاسى (جاقسى دوس بول!)، ءبىز ءوز كليەنتتەرىمىز بەن قوعام ءۇشىن دوس بولۋعا تىرىسامىز. بىزدەگى قالىپتاسقان فيلوسوفيا پايدا مەن الەۋمەتتىك جاۋاپكەرشىلىك اراسىنداعى تەپە – تەڭدىك پەن تاۋەكەلدەر يننوۆاسيالاردىڭ تۇراقتى قاينار كوزىنە اينالدى، ال CU جەلىسى تۇتىنۋشىلاردىڭ ءارتۇرلى قاجەتتىلىكتەرىن قاناعاتتاندىرۋ جانە ابىرويلى اتاققا يە بولۋ ارقىلى ۇزدىكسىز ءوسۋدى جالعاستىرىپ كەلەدى"،-دەدى BGF Retail كومپانياسىنىڭ ۆيسە-پرەزيدەنتى چجۋن كۋك حون مىرزا.
ينۆەستورلار جوبا تۇتاستاي العاندا ەلدىڭ ساۋدا يندۋسترياسىن دامىتۋعا جاڭا سەرپىن بەرەتىنىنە، وسى سالاداعى باسەكەلەستىكتى كۇشەيتەتىنىنە، تۇتاستاي العاندا قازاقستانداعى ساۋدانىڭ ساپاسىن ارتتىراتىنىنا جانە ەكونوميكاعا جاعىمدى اسەر ەتەتىنىنە سەنىمدى. CU دۇكەندەرىنىڭ فورماتى تاياۋ ارادا بۇكىل نارىق ءۇشىن ستاندارتقا اينالادى دەگەن بولجام بار.
قازىرگى ۋاقىتتا "شين-لاين" كومپانيالار توبى ەلىمىزدە ساپالى ازىق-تۇلىك ونىمدەرىن ءوندىرۋدى دامىتىپ وتىرعان ىشكى ءىرى ينۆەستور. كومپانيا قازاقستان مەن ورتالىق ازيا ەلدەرىندە №1 بالمۇزداق ءوندىرۋشى رەتىندە تانىمال. ءقازىر تمد-داعى ەڭ ءىرى بالمۇزداق فابريكاسىنىڭ قۇرىلىسى جۇرگىزىلىپ جاتىر. «شين-لاين»-نىڭ لوگيستيكا جەلىسى الماتى قالاسىنداعى 6000-نان استام ساۋدا نۇكتەلەرىنە قىزمەت كورسەتەدى. ءوز كەزەگىندە، ينۆەستيسيالىق جوبانىڭ ستراتەگيالىق سەرىكتەسىنىڭ CU ريتەيل جەلىسىن دامىتۋداعى تاجىريبەسى وتە اۋقىمدى جانە وڭتۇستىك كورەيانىڭ ساۋدا نارىعىنداعى №1 كومپانيا سانالادى.
قوسىمشا سۇراقتار بولسا +77052904736 تەلەفونىنا حابارلاسىڭىز، ال ەلەكتروندى پوشتا: i.ott@infores.kz
