Búgin Almatyda CU innovatsiialyq riteil-jelisiniń kúndelikti suranysqa ie ónimderge arnalǵan Qazaqstandaǵy alǵashqy dúkeni ashyldy. 2030 jylǵa deiingi aýqymdy joba qala ekonomikasyna 50 mlrd teńgege deiin qarajat tartyp, qazirgi zamanǵy qalanyń mártebesine sáikes keletin 500 saýda núktesin qurady, dep habarlaidy Dalanews.kz.
Jobany uiymdastyrýshylar salany saýyqtyrý jáne qala turǵyndarynyń sapaly qyzmet pen ónimderge degen suranysyn qamtamasyz etý jónindegi is-sharalar keshenin qarastyrýdy kózdep otyr. «Úi janyndaǵy dúken» innovatsiialyq saýda jelisin "Shin-Lain" kompaniialar toby Ońtústik Koreianyń eń iri operatory BGF Retail-men birlesip júzege asyrady.
Innovatsiialyq saýda jelisiniń resmi ashylý barysynda Qazaqstannyń jetekshi azyq-túlik óndirýshi kompaniialary men ońtústikkoreialyq iri riteiler seriktestigi Almaty turǵyndaryna qyzmet kórsetýdiń zamanaýi tásilderin damytýǵa baǵyttalǵandyǵy atap ótildi. CU saýda jelisi – bul jumys rejimi aptasyna 7 kún 24 saǵatqa qurylǵan, úi janyndaǵy shaǵyn dúkenderdiń jetildirilgen formaty. CU dúkenderiniń laiyqty syrtqy kelbeti men ózine tán ishki atmosferasy bar, sondai-aq jumysy ózgeshe uiymdastyrylǵan, ol qyzmet kórsetý jyldamdyǵymen jáne qolaily baǵamen erekshelenedi.
"Arnaiy CU dúkender jelisi úshin "Shin-Lain" óndiristik kesheniniń negizinde biregei "fabrika-as úi" quryldy, qazirgi tańda jeliniń árbir dúkeni úshin taǵamdardy daiyndaý ortalyqtandyrylǵan jáne kompaniia standarttardy múltiksiz oryndaýdy qamtamasyz etedi. Menshikti ortalyqtandyrylǵan qoima men menshikti distribýtsiia jańa ónimderdi jetkizý merzimi men óndiris tizbegindegi deldaldar sanynyń tómendeýin qamtamasyz etedi, bul tutynýshy úshin ónim sapasy men baǵasyna oń áser etedi, – dep atap ótti "Shin-Lain" kompaniialar tobynyń prezidenti Andrei Shin. - Osy jobanyń barlyq tizbeginiń jumysyn qamtamasyz etý úshin jyl sońyna deiin Almatyda 600 jumys orny ashylady.
Jańa dúkenderde ashylǵan kúnnen bastap mynadai sanattar bar: ready to eat (lezde daiyn bolatyn taǵamdar), ready to cook (tek pisirý kerek), ready to heat (tek jylytý kerek), bakery & hot drinks (konditerlik ónimder men ystyq sýsyndar), snekter, túrli sýsyndar. CU dúkenderiniń jańa jelisinde barlyǵy 2000-nan astam saýda pozitsiiasy usynylǵan, aita ketý kerek, olarda qazirgidei qoldanystaǵy stihiialyq qyzmet kórsetý formaty joq.
"CU jelisi qala ómirine ákeletin innovatsiialar, qalalyq riteil indýstriiasyn jaqsartady»,-dep atap ótti Andrei Shin. - Jańa sheshimderi bar zamanaýi dúkender qalamyzǵa qajet. Satyp alýshylar olardan kúndelikti suranysqa ie jańa ónimderdiń birqatar sanattaryn, sondai-aq Koreiadan, Qytaidan, Japoniiadan importtalǵan aziialyq ónimderdi tabady. Sondai-aq, CU-da Qazaqstanda tanymal taǵamdar men taǵamdardyń keń assortimenti, sondai-aq korei ashanasynyń taǵamdary usynylady, olardy ázirleý úshin Koreiadan kelgen úzdik aspazdar eńbek etti".
Ashylý saltanatynda saýda jelisiniń standarttary, ondaǵy assortiment formaty Ońtústik Koreiadaǵydai ekendigi atap ótildi. Uiymdastyrýshylar Koreiada 17000 dúkeni bar, 30 jyldan astam tájiribesi qalyptasqan CU jelisiniń adamdarǵa jaily jáne óz jankúierleri bar ekenin jetkizdi. Endi munyń bári Qazaqstanda da qoljetimdi, bul qala turǵyndarynyń ómirin kórikti ete túsedi, jańa jumys oryndaryn ashady sonymen qatar biýdjetke salyq túsimin arttyrady.
"BGF-bul "Be Good Friends!" sóziniń qysqartylyp alynǵan nusqasy (Jaqsy dos bol!), biz óz klientterimiz ben qoǵam úshin dos bolýǵa tyrysamyz. Bizdegi qalyptasqan filosofiia paida men áleýmettik jaýapkershilik arasyndaǵy tepe – teńdik pen táýekelder innovatsiialardyń turaqty qainar kózine ainaldy, al CU jelisi tutynýshylardyń ártúrli qajettilikterin qanaǵattandyrý jáne abyroily ataqqa ie bolý arqyly úzdiksiz ósýdi jalǵastyryp keledi",-dedi BGF Retail kompaniiasynyń vitse-prezidenti Chjýn Kýk Hon Myrza.
Investorlar joba tutastai alǵanda eldiń saýda indýstriiasyn damytýǵa jańa serpin beretinine, osy saladaǵy básekelestikti kúsheitetinine, tutastai alǵanda Qazaqstandaǵy saýdanyń sapasyn arttyratynyna jáne ekonomikaǵa jaǵymdy áser etetinine senimdi. CU dúkenderiniń formaty taiaý arada búkil naryq úshin standartqa ainalady degen boljam bar.
Qazirgi ýaqytta "Shin-Lain" kompaniialar toby elimizde sapaly azyq-túlik ónimderin óndirýdi damytyp otyrǵan ishki iri investor. Kompaniia Qazaqstan men Ortalyq Aziia elderinde №1 balmuzdaq óndirýshi retinde tanymal. Qazir TMD-daǵy eń iri balmuzdaq fabrikasynyń qurylysy júrgizilip jatyr. «Shin-Lain»-nyń logistika jelisi Almaty qalasyndaǵy 6000-nan astam saýda núktelerine qyzmet kórsetedi. Óz kezeginde, investitsiialyq jobanyń strategiialyq seriktesiniń CU riteil jelisin damytýdaǵy tájiribesi óte aýqymdy jáne Ońtústik Koreianyń saýda naryǵyndaǵy №1 kompaniia sanalady.
Qosymsha suraqtar bolsa +77052904736 telefonyna habarlasyńyz, al elektrondy poshta: i.ott@infores.kz
