جۋرناليست اسقاربەك قازانعاپ Oreo تاتتىسىنە قاتىستى داۋلى جاعدايدى باياندادى، دەپ حابارلايدى Dalanews.kz.
ونىڭ سوزىنشە، جۋىردا ءونىمنىڭ قاپتاماسىنداعى QR-كودتى سكانەرلەگەن تۇتىنۋشىلار ونلاين-كازينو سايتىنا وتكەن.
"ال بۇگىن كومپانيانىڭ IT-ماماندارى سىلتەمەنى جەدەل تۇردە وزگەرتىپ، "تەحنيكالىق اقاۋ" دەپ ءتۇسىندىردى"، - دەيدى ول.
بۇل ماسەلەنى العاش بولىپ فۋدبلوگەر رۋسلان ايتبايەۆ جاريالاعان ەدى. الايدا ءبىراز ۋاقىتتان كەيىن بلوگەردىڭ جازباسى پاراقشاسىنان وشىرىلگەن.
"سوعان قاراعاندا، Oreo "تىرناقشانىڭ ىشىندەگى تاتتىمەن" عانا شەكتەلمەي، الدەكىمنىڭ اۋزىن مايلاعان جوق پا دەگەن وي كەلەدى. ويتكەنى جازبا ءىزىم-عايىم جوعالىپ كەتتى"، - دەپ اتاپ ءوتتى ول.
ال كومپانيا وكىلدەرى جاعدايدى مويىنداماي، بار بولعانى اقاۋدى تۇزەتكەنىن ايتىپ، كەشىرىم سۇراۋدان باس تارتقانداي سىڭاي تانىتقان.
ءجۋرناليستىڭ پىكىرىنشە، بۇل وقيعادا ەكى بىردەي زاڭبۇزۋشىلىق بولۋى مۇمكىن.
"ق ر اقبتك 455-بابىنىڭ 1-بولىگى - زاڭسىز جارناما جانە سول باپتىڭ وزگە تارماعى - ونلاين-كازينونى جارنامالاۋ"، - دەپ قوستى ول.
اتالعان باپ بويىنشا شامامەن 3،6 ملن تەڭگە كولەمىندە ايىپپۇل سالىنۋى مۇمكىن. ال قايتالانعان جاعدايدا قىلمىستىق جاۋاپكەرشىلىككە دەيىن بارۋى ىقتيمال.
سوعان قاراماستان، ماسەلە كەڭىنەن تالقىلانباي، كومپانيا داۋلى QR-سىلتەمەنى ءوشىرىپ، "تىڭ" كۇيىندە جۇمىسىن جالعاستىرىپ وتىر.
"زاڭ بىلمەۋ جاۋاپكەرشىلىكتەن بوساتپايدى"، - دەيدى اسقاربەك قازانعاپ.
