قارجىلىق مونيتورينگ اگەنتتٸگٸ (قما) ونلاين-كازينو قىزمەتٸنە قاتىستى تەرگەۋ اياسىندا تاعى بٸر بلوگەردٸ ٸزدەۋگە جارييالادى. بۇل جولى اگەنتتٸكتٸڭ نازارىنا 26 جاستاعى ماحمۋد حيكماتوۆ ٸلٸنگەن, دەپ حابارلايدى dalanews.kz.
جۋرناليست ميحايل كوزاچكوۆتىڭ مەلٸمەتٸنشە, حيكماتوۆقا قاتىستى ٸزدەۋ ٷش ايدان استام ۋاقىت بۇرىن جارييالانعان. ول زاڭسىز ينتەرنەت-كازينوعا ادامداردى تارتتى دەگەن كٷدٸككە ٸلٸنگەن «Pin Up» بۋكمەكەرلٸك كەڭسەسٸنە قاتىستى قىلمىستىق ٸس بويىنشا ٸزدەستٸرٸلٸپ جاتىر.
دەرەككٶزدٸڭ ايتۋىنشا, «Pin Up» برەندٸ ەلەۋمەتتٸك جەلٸلەر مەن مەسسەندجەرلەر ارقىلى بەلسەندٸ تٷردە جارنامالانعان. بۇل ناۋقانعا تٷرلٸ تانىمال تۇلعالار, ونىڭ ٸشٸندە بۇعان دەيٸن حالىقارالىق ٸزدەۋگە جارييالانعان بلوگەر قايسار قامزا دا قاتىسقان بولۋى مٷمكٸن. ال سول بلوگەرلەرمەن بايلانىس ورناتۋعا جەنە جۇمىستى ٷيلەستٸرۋگە ماحمۋد حيكماتوۆ جاۋاپ بەرگەن دەگەن بولجام بار.
الايدا بۇل اقپارات ەزٸرگە رەسمي تٷردە راستالعان جوق. سەبەبٸ حيكماتوۆتىڭ ٶزٸ دە قازاقستاننان كەتٸپ قالعاندىقتان, ونىڭ بۇل ٸسكە قاتىسى ناقتى انىقتالماي وتىر.
ماحمۋد حيكماتوۆ ەلەۋمەتتٸك جەلٸلەردە اسا تانىمال بولماعانىمەن, تابىس تابۋدىڭ تٷرلٸ جولدارىن ٸزدەگەن. ول پوپ-MMA جەكپە-جەكتەرٸنە قاتىسقان. اشىق دەرەكتەرگە سەيكەس, ونىڭ مۇنداي تۋرنيرلەردەگٸ كٶرسەتكٸشٸ – ٷش جەكپە-جەك جەنە ٷش جەڭٸلٸس.
سونداي-اق بلوگەر بٸر كەزدەرٸ ەرەكشە جارنامالىق ۇسىنىسىمەن دە جۇرت نازارىن اۋدارعان. ول ٶز دەنەسٸنە كەز كەلگەن جارنامانى تاتۋيروۆكا رەتٸندە سالدىرۋعا دايىن ەكەنٸن ايتىپ, بۇل قىزمەتٸ ٷشٸن 30 ميلليون تەڭگە سۇراعان. حيكماتوۆ جارناما ٷشٸن سالىنعان تاتۋيروۆكانى ٶشٸرمەيتٸنٸن مەلٸمدەگەن. كەيٸن بۇل ۇسىنىسقا كەلٸسكەن تاپسىرىس بەرۋشٸ دە تابىلعانى ايتىلعان.
