رەسەيدٸڭ ومبى قالاسىنداعى قۇرىلىس الاڭىندا بولعان ٶرتتەن زارداپ شەككەن قازاقستان ازاماتى ماكسيم باگينسكيي اۋرۋحانادا كٶز جۇمدى. بۇل تۋرالى قازاقستاننىڭ سىرتقى ٸستەر مينيسترلٸگٸ مەلٸمدەدٸ, دەپ حابارلايدى dalanews.kz.
ٶرت 15 تامىزدا بولعان. وقيعا سالدارىنان بارلىعى 11 ادام زارداپ شەككەن. دەنەسٸنٸڭ 70 پايىزىن كٷيٸك شالعان ماكسيم باگينسكيي 18 تامىزدا قايتىس بولعان.
"قازاقستان رەسپۋبليكاسىنىڭ سىرتقى ٸستەر مينيسترلٸگٸ ومبى قالاسىنداعى ٶرت سالدارىنان قازا تاپقان قازاقستان ازاماتى ماكسيم باگينسكييدٸڭ تۋعان-تۋىستارى مەن جاقىندارىنا قايعىرىپ كٶڭٸل ايتادى", - دەلٸنگەن ۆەدومستۆو حابارلاماسىندا.
قازٸرگٸ ۋاقىتتا قازاقستاننىڭ ومبى قالاسىنداعى باس كونسۋلدىعى مارقۇمنىڭ وتباسىنا قاجەتتٸ كونسۋلدىق-قۇقىقتىق كٶمەك كٶرسەتٸپ جاتىر. اتاپ ايتقاندا, ديپلوماتتار قۇجاتتاردى رەسٸمدەۋگە جەنە قايعىلى وقيعانىڭ مەن-جايىن انىقتاۋ ٷشٸن رەسەيدٸڭ قۇزىرلى ورگاندارىمەن بايلانىس ورناتۋعا كٶمەكتەسۋدە.
سىرتقى ٸستەر مينيسترلٸگٸ مارقۇمنىڭ وتباسىمەن تۇراقتى بايلانىستا ەكەنٸن جەنە ٶز قۇزىرەتٸ شەگٸندە قاجەتتٸ قولداۋ كٶرسەتٸپ جاتقانىن مەلٸمدەدٸ.
رەسەيدە ٶرت دەرەگٸ بويىنشا ەڭبەك قاۋٸپسٸزدٸگٸ تالاپتارىنىڭ بۇزىلۋىنا قاتىستى قىلمىستىق ٸس قوزعالدى.
