.
Cۋعا ءجۇزۋ
ءجۇزۋ سپورتىنان بۇعان دەيىن ەشكىم وليمپيادا ويىندارىندا مەدال الىپ كورمەگەن ەدى. ال دميتريي بالاندين سول ولقىلىقتىڭ ورنىن تولتىردى.
ول براسس ادىسىمەن 200 مەتر قاشىقتىقتا سۋعا ءجۇزۋ جارىسىندا بەلگىلەنگەن قاشىقتىقتى 2:07:46 ۋاقىتتا ءجۇرىپ ءوتىپ، ءبىرىنشى ورىنعا يە بولدى.ەكىنشى ورىندى امەريكالىق دجوش پرەنو (2:07.53) الدى. ال ءۇشىنشى ورىن رەسەيلىك انتون چۋپكوۆتىڭ (2:08.08) ەنشىسىندە.
جالپىدميتريي بالاندين تۋرالى ايتاتىن بولساق. ونى العاش رەت جانكۇيەرلەر وسىدان ەكى جىل بۇرىن تانىدى. وڭتۇستىك كورەيانىڭ ينچحون قالاسىندا وتكەن XVII جازعى ازيا ويىندارىندا كوپتەگەن سپورت ماماندارى مەن جانكۇيەرلەردى ونەرىمەن باۋراپ العان سپورتشىلاردىڭ ءبىرى وسى سۋعا ءجۇزۋشى دميتريي بالاندين ەدى. شىنىمەن دە تالانتتى. قولى ۇزىن. تەحنيكالىق ارسەنالى باي. قولا مەدال السام دا قاناعات دەپ كەلگەن 19 جاستاعى سپورتشى سول جولى ءۇش دۇركىن ازيا چەمپيونى اتانىپ قايتتى. كەيبىرەۋلەر، ءتىپتى، ونى «ازيانىڭ جاڭا فەلپسى» دەپ جاتتى. ال بىلتىر وڭتۇستىك كورەيانىڭ كۆاندجۋ قالاسىندا وتكەن XXVIII دۇنيەجۇزىلىك جازعى ۋنيۆەرسيادا ويىندارىندا جەڭىمپاز اتاندى. ودان بولەك، قازانداعى الەم چەمپيوناتىندا جۇلدەگە جاقىن بولدى.
اۋىر اتلەتيكا
اۋىر اتلەتيكادان 77 كەلىگە دەيىن سالماقتاعى نيدجات راحيموۆ چەمپيون اتاندى. ول جۇلقا كوتەرۋ سايىسىن 165 كەلىمەن ءۇشىنشى بولىپ اياقتاعان ەدى. جۇلقا كوتەرۋ جاتتىعۋىندا 177 كەلى زىلتەمىردى كوتەرگەن لوندون وليمپياداسىنىڭ جەڭىمپازى، قىتايلىق ليۋي سياوسزيۋن كىشى التىندى ەنشىلەدى.
ال سەرپە كوتەرۋدە جەرلەسىمىز الدىمەن 202 كەلىنى باسىنان اسىرا كوتەردى. ەكىنشى مۇمكىندىگىندە 212 كەلى زىلتەمىردى باعىندىردى. وسىلايشا، جەرلەسىمىز ريو وليمپياداسىنىڭ جەڭىمپازى اتاندى.
69 كەلىگە دەيىنگى سالماقتا ونەر كورسەتكەن قازاق زىلتەمىرشىسى جازيرا جاپپارقۇل وليمپيادا ويىندارىنىڭ كۇمىس جۇلدەگەرى اتاندى.
جۇلقا كوتەرۋ جاتتىعۋىندا جەرلەسىمىز ءبىرىنشى مۇمكىندىگىندە 111 كەلىنى كوتەردى. كەيىن سپورتشى 115 كەلىگە تاپسىرىس بەرىپ، ول سالماقتى دا باعىندىرا الدى. ال ءۇشىنشى مۇمكىندىگىندە 117 كەلىنى كوتەرە المادى. وسىلايشا جازيرا جۇلقا كوتەرۋ سايىسىن ەكىنشى بولىپ اياقتادى.بۇل سايىستا كىشى التىنعا جۇڭگو قىزى سيان يانمەي يە بولدى. ول جازيرادان ءبىر كەلى ارتىق كوتەردى. ءۇشىنشى ورىنعا مىسىرلىق سارا احمەد تۇراقتادى. ول 112 كەلىلىك زىلتەمىردى ەركىنە باعىندىرا ءبىلدى.
سەرپە كوتەرۋدە قازاق سپورتشىسى بار كۇشىن سالدى. الدىمەن جازيرا 140 كەلىنى كوتەرە المادى. كەيىن ول سول سالماقتى ەركىنە باعىندىردى. سوڭعى مۇمكىندىگىندە جازيرا جاپپارقۇل 144 كەلىنى باعىندىردى. قوس سايىستىڭ قورىتىندىسى بويىنشا جەرلەسىمىز 259 كەلىمەن ريو وليمپياداسىنىڭ كۇمىس جۇلدەگەرى اتاندى.وسىلايشا، جازيرا وليمپيادا ويىندارىندا جۇلدەلى ورىنعا يە بولعان تۇڭعىش قازاق قىزى اتاندى.
قوس سايىستىڭ قورىتىندىسى بويىنشا جۇڭگو قىزى سيان يانمەي (261 كەلى) التىن جۇلدەگە يە بولدى. قولا جۇلدە مىسىرلىق سارا احمەدكە (255 كەلى) بۇيىردى.
بوكس
وكىنىشكە قاراي، بوكستان 49 كەلىدەگى ۇكىلى ءۇمىتىمىز ءبىرجان جاقىپوۆ ريو وليمپياداسىن شيرەك فينالدا اياقتاۋعا ءماجبۇر بولدى. ول وزبەك بوكسشىسى حاسانباي دۋسماتوۆتان ۇتىلىپ قالدى.
كەزدەسۋدەن كەيىن تىلشىلەرگە قىسقاشا سۇحبات بەرگەن بوكسشى قازاقستاندىق جانكۇيەرلەردەن كەشىرىم سۇرادى.
ويلاعان ويىمدى جۇزەگە اسىرا المادىم. بىرنەشە قاتەلىك جىبەردىم. ساتسىزدىگىم ءۇشىن قازاقستان جانكۇيەرلەرىنەن كەشىرىم سۇرايمىن»، - دەدى جارىستان كەيىن ءبىرجان جاقىپوۆ.
ايتا كەتەيىك، ءبىرجان جاقىپوۆ وسىمەن ءۇشىنشى رەت وليمپيادا ويىندارىنا قاتىستى. ۇشەۋىندە دە شيرەك فينالدان ءارى اسا المادى. بۇعان دەيىن ەكى رەت قىتايلىق زوۋ شيميننەن ۇتىلسا، بۇل جولى وزبەك بوكسشىسى حاسانبوي دۋسماتوۆتان جەڭىلدى.
ال 91 كەلىدەگى ۆاسيليي ليەۆيت شيرەك فينالدا ماۆريتانيلىق كەننەدي سەن پەردى جەڭىپ، جارتىلاي فينالعا جولداما الدى. ءبىرىنشى راۋندتا ۆاسيليي ليەۆيت قارسىلاسىنا جاقسىلاپ زەرتتەدى. ەكىنشى راۋندا ول كەننەدي سەن پەردى اۋىر سوققىلاردىڭ استىنا الدى. ءۇشىنشى راۋند تا قازاقستاندىق بوكسشىنىڭ باسىمدىعىمەن ءوتتى. قورىتىندى ەسەپ – 3:0 (30:27، 30:27، 30:27. ناتيجەسىندە ۆاسيليي ليەۆيت ريو وليمپياداسىنىڭ جارتىلاي فينالىنا ءوتتى. ول ءتورت جىلدىقتىڭ باستى دوداسىندا جەڭىس تۇعىرىنان كوتەرىلەتىن سپورتشىلاردىڭ قاتارىندا.
وسىعان دەيىن ۆاسيليي ليەۆيت العاشقى قارسىلاسى قىتايلىق يۋي فەنكايدى اۋىر سوققىلاردىڭ استىنا الىپ، ەكىنشى راۋندتا نوكداۋنعا جىبەردى. وسىدان سوڭ يۋي فەنكاي رينگكە شىعۋدان باس تارتىپ، ۆاسيليي تەحنيكالىق نوكاۋتپەن كەلەسى كەزەڭگە جولداما العان بولاتىن.
تاپانشامەن نىسانى اتۋ
قاشىقتىقتا تاپانشامەن نىسانانى اتۋ سايىسىندا ونەر كورسەتكەن قازاقستانتىق سپورتشىلار راشيد يۋنۋسمەتوۆ پەن ۆلاديمير يساچەنكو جارىستى ەرتە اياقتاۋعا ءماجبۇر بولدى.
50 مەتردە تاپانشادان وق اتۋ سايىسىنىڭ ىرىكتەۋ كەزەڭىنە قازاقستاندىق ەكى سپورتشى قاتىسقان بولاتىن. ناتيجەسىندە راشيد يۋنۋسمەتوۆ 553 ۇپايمەن 13-عا ورىنعا تۇراقتادى. ال ەكىنشى مەرگەنىمىز ۆلاديمير يساچەنكو 536 ۇپايمەن 36-شى ورىننان كورىندى. وسىلايشا، ەكى سپورتشىمىز دا فينالعا وتە المادى.
وسى سايىستا ۇزدىك ناتيجەنى 567 ۇپايمەن وڭتۇستىك كورەيالىق سپورتشى دجين دجونگو كورسەتتى. ال اقتىق سايىسقا جۇڭگو، وڭتۇستىك كورەيا، رەسەي، سولتۇستىك كورەيا، ۆەتنام جانە سلوۆاكيا ەلدەرىنىڭ سپورتشىلارى شىقتى.
ساداق اتۋ
ساداق اتۋ جەكە سايىسىندا سىنعا تۇسكەن قازاقستاندىق سپورتشى لۋيزا سايدييەۆا دا العاشقى اينالىمنان وتە المادى.قازاقستاندىق سپورتشى ساداق اتۋ سايىسىنىڭ 1/32 فينالىندا ۋكراينالىق اناستاسيا پاۆلوۆادان جەڭىلىپ قالدى. ەسەپ 0:6 (22:28، 26:29، 24:29). وسىلايشا، جەرلەمەسىز ريو وليمپياداسىندا جۇلدەلىن ورىننان كورىنۋ مۇمكىندىگىنەن ايرىلدى.
ۆەلوسپورت
ۆەلوشابوندوز اندرەي زەيس وليمپيادا ويىندارىندا 24ء-شى ورىنعا يە بولدى. ۆەلسپورتتان وتكەن سايىستا اندرەيگە 54،5 قاشىقتىقتى باعىندىرۋ قيىنعا ءتۇستى. ول وسى قاشىقتىقتى 1:18:47 ۋاقىتپەن ءجۇرىپ ءوتىپ، جالپى كوماندالىق ەسەپتە 24ء-شى ورىنعا يە بولدى.
بۇل قاشىقتىقتا التىن جۇلدەنى شۆەيساريالىق فابيان كانچەللارا (1:12:15) السا، كۇمىس مەدال نيدەرلاندالىق سپورتشى توم ديۋمۋلەنعا بۇيىردى. ال قولا مەدال ۇلىبريتانيالىق كريس فرۋمنىڭ ەنشىسىندە كەتتى.
سەمسەرلەسۋ
سەمسەرلەسۋشى يليا موكرەسوۆ 1/16 فينلدا امەريكالىق دەريل گومەرمەن كەزدەستى.ناتيجەسىندە جەرلەسىمىز اقش سپورتشىسىنان 11:15 ەسەبىمەن جەڭىلىپ قالدى. وسىلايشا، يليا بايراقتى باسەكەدەگى جارىس جولىن اياقتادى.
