ءالى "جاس" ناگرادا
"بەيبىتشىلىك پەن كەلىسىم" - "مير ي سوگلاسيە" وردەنى - رەسپۋبليكامىزداعى پراۆوسلاۆيە شىركەۋى بەرەتىن بىرنەشە ماراپاتتىڭ ءبىرى. جالپى قازاقستاننىڭ ميتروپوليتتىك وكرۋگىنىڭ مالىمەتىنشە، بۇل - ءالى "جاس" وردەن. ول التى اي بۇرىن پايدا بولعان جانە بىردەن جەرگىلىكتى پراۆوسلاۆيە شىركەۋىنىڭ ماراپاتتاۋ جۇيەسىندەگى باستى ماراپات بولىپ سانالدى. نەلىكتەن؟ سەبەبى ماراپات ەلدىڭ باستى قۇندىلىعىمەن بايلانىستى ەكەن.
قازاقستان ميتروپوليتتىك وكرۋگىنىڭ اقپاراتتىق ءبولىمىنىڭ باسشىسى، پروتويەرەي ەۆگەنيي يۆانوۆتىڭ سوزىنشە، ەلىمىزدەگى قۇندىلىقتاردى دامىتۋ - ناگرادا بەرۋدەگى ماقساتتىڭ ءبىرى. ولجاس سۇلەيمەنوۆ، بيبىگۇل تولەگەنوۆا مەن روزا رىمبايەۆاعا قاتىستى جاعدايدا ەڭ الدىمەن ولاردىڭ شىعارماشىلىعىنا قاتىستى بولعان.
"ولار ونەر كورسەتكەندە، سۇحبات بەرگەندە ونەر يەلەرى بەيبىتشىلىكتى، كەلىسىمدى، رۋحاني قۇندىلىقتى ساقتاۋدى ناسيحاتتايتىنىن بايقايمىز. ولار ءارقاشان مادەنيەت تە، عىلىم دا، ونەر دە بىرىكتىرۋشى فاكتورلار ەكەنىن اتاپ كورسەتەدى. ياعني، ولار سوزبەن ەمەس، ءىس جۇزىندە وسى قۇندىلىقتاردىڭ دامۋىنا ۇلەس قوسىپ ءجۇر"، - دەيدى يۆانوۆ.
ونىڭ ايتۋىنشا، "بەيبىتشىلىك پەن كەلىسىم" وردەنى ەڭ الدىمەن زايىرلى ادامدارعا ارنالعان، ويتكەنى ءدىني قىزمەتكەرلەر ءۇشىن ءوز ناگرادالارى بار.
"بىزدە ءدىني قىزمەتكەرلەرگە ارنالعان ماراپاتتار بار، ولار ادەتتە ءبىزدىڭ قازاقستاندىق اۋليەلەرىمىزدىڭ ەسىمىمەن اتالادى"، - دەپ ءتۇسىندىردى يۆانوۆ.
