Áli "jas" nagrada
"Beıbitshilik pen Kelisim" - "Mır ı Soglasıe" ordeni - respýblıkamyzdaǵy pravoslavıe shirkeýi beretin birneshe marapattyń biri. Jalpy Qazaqstannyń Mıtropolıttik okrýginiń málimetinshe, bul - áli "jas" orden. Ol alty aı buryn paıda bolǵan jáne birden jergilikti pravoslavıe shirkeýiniń marapattaý júıesindegi basty marapat bolyp sanaldy. Nelikten? Sebebi marapat eldiń basty qundylyǵymen baılanysty eken.
Qazaqstan Mıtropolıttik okrýginiń aqparattyq bóliminiń basshysy, protoıereı Evgenıı Ivanovtyń sózinshe, elimizdegi qundylyqtardy damytý - nagrada berýdegi maqsattyń biri. Oljas Súleımenov, Bıbigúl Tólegenova men Roza Rymbaevaǵa qatysty jaǵdaıda eń aldymen olardyń shyǵarmashylyǵyna qatysty bolǵan.
"Olar óner kórsetkende, suhbat bergende óner ıeleri beıbitshilikti, kelisimdi, rýhanı qundylyqty saqtaýdy nasıhattaıtynyn baıqaımyz. Olar árqashan mádenıet te, ǵylym da, óner de biriktirýshi faktorlar ekenin atap kórsetedi. Iaǵnı, olar sózben emes, is júzinde osy qundylyqtardyń damýyna úles qosyp júr", - deıdi Ivanov.
Onyń aıtýynsha, "Beıbitshilik pen Kelisim" ordeni eń aldymen zaıyrly adamdarǵa arnalǵan, óıtkeni dinı qyzmetkerler úshin óz nagradalary bar.
"Bizde dinı qyzmetkerlerge arnalǵan marapattar bar, olar ádette bizdiń qazaqstandyq áýlıelerimizdiń esimimen atalady", - dep túsindirdi Ivanov.
