بەلگٸلٸ ەكونوميست ولجاس قۇدايبەرگەنوۆ قازاقستاندا ازاماتتاردىڭ جەكە دەرەكتەرٸ تارالۋىنا بايلانىستى پٸكٸر بٸلدٸرٸپ, مەملەكەتتٸك ورگاندار وتاندىق باعدارلامالىق ٶنٸمدەردٸ قولدانۋ تۋرالى زاڭدى جاپپاي بۇزىپ وتىرعانىن ايتتى, دەپ حابارلايدى Dalanews.kz.
ەكونوميستٸڭ پايىمىنشا, تەك ازاماتتاردىڭ جەكە دەرەكتەرٸن ەمەس, باسقا دا ماڭىزدى, قۇپييا اقپاراتتى قورعاۋ مەسەلەسٸنە جٸتٸ مەن بەرگەن جٶن. ەسٸرەسە, مەملەكەتتٸك مەكەمەلەردٸڭ قارجىلىق اقپاراتىنا ەرەكشە نازار اۋدارۋ قاجەت. تەك اشىق تٷردە ەسەپ بەرەتٸن كۆازيمەملەكەتتٸك كومپانييالاردىڭ دەرەكتەرٸن جارييالاۋعا بولادى, ال قالعان مەملەكەتتٸك مەكەمەلەردٸڭ قارجىلىق مەلٸمەتٸ سىرتقا شىقپاۋعا تيٸس.
"ەرينە, بيۋدجەتتٸڭ جالپى مەلٸمەتٸ اشىق جارييالانادى, الايدا ەگجەي-تەگجەيلٸ اقپاراتتاردى كٶپشٸلٸككە كٶرسەتۋگە بولمايدى. ەرتەڭ جاعداي قيىنداعان كەزدە سىرتقى ويىنشىلار بٸزدٸڭ ٸشكٸ اقپاراتتى كٶرە المايتىنداي دەرەجەدە بولۋى كەرەك. ٶكٸنٸشكە قاراي, دەل قازٸر ورتالىق جەنە جەرگٸلٸكتٸ مەملەكەتتٸك ورگاندار مەن ولاردىڭ ەنشٸلەس قۇرىلىمدارى زاڭدى تٸكەلەي بۇزىپ, شەتەلدٸك باعدارلامالىق ٶنٸمدەردٸ, ەسٸرەسە, رەسەيلٸك 1س سەكٸلدٸ جٷيەلەردٸ جاپپاي قولدانىپ وتىر. ال نەگٸزٸ زاڭدا مۇندايعا تىيىم سالىنعان جەنە ولار مٸندەتتٸ تٷردە وتاندىق باعدارلامالىق ٶنٸمدەردٸ قولدانۋعا تيٸس", – دەيدٸ قۇدايبەرگەنوۆ.
ەكونوميست وتاندىق باعدارلامالاردى قولدانۋ مٸندەتٸن پرەزيدەنت پەن پرەمەر-مينيستردٸڭ تٸكەلەي بەكٸتكەنٸن اتاپ ٶتتٸ. ارنايى رەەستر جاسالعان, مەملەكەتتٸك ورگاندار سول تٸزٸمدەگٸ سەنٸمدٸ باعدارلامالىق ٶنٸمدەردٸ عانا ساتىپ الۋعا تيٸس ەدٸ.
"ٶكٸنٸشتٸسٸ سول, قازاقستاندا بيلٸك ۆەرتيكالٸ ەلسٸز. جوعارى بيلٸكتٸڭ بۇيرىقتارى تٶمەندەگٸ مەكەمەلەرگە جەتپەي قالادى نەمەسە ولار مۇنى اشىق تٷردە ەلەمەيدٸ. كەيبٸر كومپانييالار قاجەتسٸز ٶنٸمدەردٸ الداپ رەەسترگە كٸرگٸزەدٸ دە, ٸس جٷزٸندە باسقا, رەەستردە جوق سوفتتاردى ساتىپ, زاڭدى بۇزادى. جەكە سەكتور قالاعانىن قولدانسىن, ال مەملەكەتتٸك سەكتور مٸندەتتٸ تٷردە وتاندىق باعدارلامالىق ٶنٸمدەردٸ قولدانۋعا تيٸس", – دەيدٸ ەكونوميست.
قۇدايبەرگەنوۆتىڭ ايتۋىنشا, انتيكور, باس پروكۋراتۋرا مەن قارجى مينيسترلٸگٸ بيۋدجەتتٸك مەكەمەلەردٸ تولىقتاي تەكسەرسە, ٶڭٸرلەردە بيۋدجەتتٸڭ قارجىسىنا قانداي باعدارلامالىق ٶنٸمدەر ساتىپ الىنعانىن انىقتايتىن بولسا, زاڭ بۇزۋدىڭ ٶتە كٶپ دەرەكتەرٸ شىعادى.
ەسكە سالايىق, بۇعان دەيٸن قازاقستان ازاماتتارىنىڭ جەكە دەرەكتەرٸ جاپپاي تارالۋىنا رەسەيلٸك كومپانييالاردىڭ قاتىسى بار ەكەنٸ دە ايتىلعان ەدٸ.
