قازاقستان پرەمەر-مينيسترٸ ولجاس بەكتەنوۆ جەتٸسۋ وبلىسىنا جۇمىس ساپارى اياسىندا مەملەكەت باسشىسىنىڭ تاپسىرماسى بويىنشا ٸسكە اسىرىلىپ جاتقان «تالدىقورعان – ٷشارال» ماگيسترالدى گاز قۇبىرى قۇرىلىسىنىڭ بارىسىمەن تانىستى, – دەپ حابارلايدى Dalanews.kz.
«تالدىقورعان – ٷشارال» ماگيسترالدى گاز قۇبىرىنىڭ جالپى ۇزىندىعى 302,4 كم قۇرايدى. جوبا اياسىندا التى گاز بۇرۋ قۇبىرى مەن اۆتوماتتى گاز تاراتۋ ستانسالارىن سالۋ كٶزدەلگەن. گاز قۇبىرىنىڭ ٶتكٸزۋ مٷمكٸندٸگٸ – جىلىنا 385 ملن م3 گاز. «QazaqGaz» ۇك» اق باسقارما تٶراعاسى سانجار جاركەشوۆ نىسان «الماتى – تالدىقورعان» ماگيسترالدى گاز قۇبىرىنىڭ قولدانىستاعى بٸرىڭعاي جٷيەسٸنٸڭ قۇرامىندا پايدالانىلاتىنىن, قۇرىلىستى اياقتاپ, ٸسكە قوسۋ 2026 جىلدىڭ سوڭىنا جوسپارلانىپ وتىرعانىن باياندادى.
جاڭا «تالدىقورعان – ٷشارال» ماگيسترالدى گاز قۇبىرى 124 مىڭ تۇرعىنى بار اقسۋ, سارقان, الاكٶل اۋداندارىنىڭ 66 ەلدٸ مەكەنٸن تابيعي گازبەن قامتاماسىز ەتەدٸ. قۇرىلىسى اياقتالىپ, ٸسكە قوسىلعاننان كەيٸن وبلىستى گازداندىرۋ دەڭگەيٸ 47,6%-دان 90%-عا دەيٸن ٶسەدٸ.
جالپى, جەتٸسۋ وبلىسىندا 358 ەلدٸ مەكەننٸڭ 192-سٸ گازداندىرۋعا جاتادى, 37 ەلدٸ مەكەن گازبەن قامتىلدى, 334 مىڭ ادام (47,6%) گازعا قول جەتكٸزدٸ. ەلٸمٸزدە بارلىعى 2023 جىلدىڭ قورىتىندىسى بويىنشا حالىقتى گازبەن قامتۋ دەڭگەيٸ 60%-دى قۇرادى (12 ملن ادامعا گاز قولجەتٸمدٸ).
«مەملەكەت باسشىسى باستاماشىلىق ەتكەن اۋقىمدى ينفراقۇرىلىم جوبالارىن ٸسكە اسىرۋعا ٷكٸمەت ەرەكشە مەن بەرەدٸ. ەكونوميكا ٷشٸن باسىم جوبالاردى قارجىلاندىرۋع "سامۇرىق-قازىنا" جەنە "بەيتەرەك" حولدينگتەرٸنٸڭ, ٸشكٸ كاپيتال نارىعىنىڭ رەسۋرستارى مەن قاراجاتى, تٸكەلەي شەتەلدٸك ينۆەستيتسييالار مەن جەكە كاپيتال بەلسەندٸ تٷردە تارتىلۋدا. "سامۇرىق-قازىنا" قاراجاتى ەسەبٸنەن 42 گازبەن قامتۋ جوباسىن ٸسكە اسىرۋعا 10,4 ملرد تەڭگە بٶلٸندٸ. بۇل جىل سوڭىنا دەيٸن جەتٸسۋ وبلىسىنداعى تاعى 30 ەلدٸ مەكەندٸ گازبەن جابدىقتاۋعا مٷمكٸندٸك بەرەدٸ», — دەپ اتاپ ٶتتٸ ولجاس بەكتەنوۆ.
ٷكٸمەت باسشىسى جوبالاردى ٸسكە اسىرۋ كەزٸندە تاۋارلار مەن قىزمەتتەردەگٸ قازاقستاندىق قامتۋدىڭ بارىنشا جوعارى ٷلەسٸن قامتاماسىز ەتۋ قاجەتتٸگٸنە توقتالدى.
ەنەرگەتيكا مينيسترلٸگٸنە جەنە «QazaqGaz» ۇلتتىق كومپانيياسىنا, وبلىس ەكٸمدٸگٸنە بەلگٸلەنگەن مەرزٸمدەردٸ ساقتاي وتىرىپ, جوبالاردى ساپالى ٸسكە اسىرۋ ٷشٸن بارلىق شارانى قابىلداۋ تاپسىرىلدى. سونىمەن قاتار جەكە ٷيلەرگە گازدىڭ قوسىلۋىن باقىلاۋدى كٷشەيتۋ تاپسىرىلدى.
