پرەمەر-مينيستر ولجاس بەكتەنوۆ مەملەكەت باسشىسىنىڭ جولداۋى ٷكٸمەت پەن بٷكٸل قازاقستاندىق قوعام ٷشٸن ستراتەگييالىق باعدار بولىپ تابىلاتىنىن اتاپ ٶتتٸ, - دەپ حابارلايدى Dalanews.kz.
"جولداۋ بٸزگە تاياۋ مەرزٸمگە ارنالعان ماقسات-مٸندەتتەرمەن قاتار نىسانالى كٶرسەتكٸشتەرٸ جەنە ينديكاتورلارى بەلگٸلەنگەن ناقتى ٸس-قيمىل الگوريتمٸن ايقىنداپ بەردٸ. ەربٸر تارماقتىڭ ورىندالۋى قاتاڭ باقىلاۋدا بولادى. بۇل رەتتە قورىتىندى نەتيجەگە, ونىڭ ەكونوميكاعا تيٸمدٸلٸگٸنە باسا نازار اۋدارىلادى. ازاماتتاردىڭ تابىس دەڭگەيٸن ارتتىرۋ ٷكٸمەت جۇمىسىنىڭ ٶزگەرمەيتٸن باستى ماقساتى. كەسٸپكەرلٸكتٸ دامىتۋ, حالىقتى جۇمىسپەن قامتۋ ٷشٸن قولايلى جاعدايلار جاساۋ جەنە مەملەكەتتٸك بيۋدجەتتٸ ۇتىمدى بٶلۋ ايتارلىقتاي ەكونوميكالىق ٶرلەۋگە قول جەتكٸزۋگە مٷمكٸندٸك بەرەدٸ. بۇل رەتتە مەملەكەت باسشىسى اتاپ ٶتكەندەي, "ەكونوميكا ٶسكەن سايىن ەلەۋمەتتٸك تەڭسٸزدٸك ازايىپ, ورتا تاپ كٷشەيە تٷسۋٸ كەرەك", - دەپ اتاپ ٶتتٸ ولجاس بەكتەنوۆ.
مەملەكەت باسشىسى ەكونوميكانىڭ ناقتى سەكتورىن دامىتۋعا ەرەكشە كٶڭٸل بٶلدٸ. بۇل ٶنەركەسٸپ, ەنەرگەتيكا, گاز سالاسى, كٶلٸك كەشەنٸ, ەكولوگييا جەنە تسيفرلاندىرۋ مەسەلەلەرٸ. پرەزيدەنتتٸڭ تاپسىرمالارىن ٸسكە اسىرۋ ٷشٸن پرەمەر-مينيستر ەكونوميكانىڭ ناقتى سەكتورى بويىنشا بٸرقاتار ناقتى مٸندەتتەردٸ بەلگٸلەدٸ.
"مەملەكەت باسشىسى تەرەڭ ٶڭدەۋ كلاستەرلەرٸن قۇرۋ جٶنٸندەگٸ ەربٸر ٸرٸ جوبا بويىنشا ٶز شيكٸزاتىمىز بەن قۇرال-جابدىقتارىمىزدى بارىنشا پايدالانۋ ماڭىزدى ەكەنٸن اتاپ ٶتتٸ. وسىعان بايلانىستى ەكونوميكا مينيسترلٸگٸ سالالىق مەملەكەتتٸك ورگاندارمەن بٸرلەسٸپ, وتاندىق ٶندٸرۋشٸلەردٸ قولداۋ مەسەلەلەرٸن نەعۇرلىم بەلسەندٸ ٸلگەرٸلەتۋدٸ جەنە ساباقتاس ٶندٸرٸستەردٸ قۇرا وتىرىپ, كلاستەرلٸك جٷيەنٸ دامىتۋدى ەسكەرە وتىرىپ, ەربٸر جوبانى ٸسكە اسىرۋدىڭ ناقتى جوسپارىن جاڭارتۋى قاجەت. اۆتوموبيل ٶنەركەسٸبٸ بويىنشا ٶنەركەسٸپ مينيسترلٸگٸنە ٶندٸرٸستەردٸ لوكاليزاتسييالاۋ دەڭگەيٸن بەلسەندٸ ارتتىرۋدى تاپسىرامىن", - دەپ اتاپ ٶتتٸ ولجاس بەكتەنوۆ.
ەلٸمٸزدٸ گازبەن قامتۋ مەسەلەسٸ بويىنشا گاز رەسۋرستارىن ۇتىمدى بٶلۋگە باستى نازار اۋدارىلۋى تيٸس. وسىعان بايلانىستى ٷكٸمەت باسشىسى تالداۋ جٷرگٸزۋ جەنە قانداي ەنەرگييا وبەكتٸلەرٸ گازعا اۋىستىرىلاتىنىن ايقىنداۋ قاجەتتٸگٸن اتاپ ٶتتٸ.
جاڭا گاز ٶڭدەۋ قۋاتتارىن سالۋ ٷشٸن ەنەرگەتيكا مينيسترلٸگٸنە ينۆەستيتسييالىق شەشٸمدەر قابىلداۋدى جەدەلدەتۋ تاپسىرىلدى. ەلدٸڭ ەنەرگەتيكالىق قاۋٸپسٸزدٸگٸن قامتاماسىز ەتۋ جٶنٸندەگٸ مٸندەتتەردٸ ورىنداۋ ٷشٸن قارجىلىق دامۋ ينستيتۋتتارىمەن بٸرلەسٸپ 1 قاراشاعا دەيٸن جاڭا گەنەراتسييا وبەكتٸلەرٸنٸڭ قۇرىلىسىنا ۇزاق مەرزٸمدٸ كرەديت بەرۋ تەتٸكتەرٸن ەزٸرلەۋ قاجەت.
سونداي-اق ەنەرگەتيكا مينيسترلٸگٸ مٷددەلٸ مەملەكەتتٸك ورگاندارمەن بٸرلەسٸپ 6 قازاندا رەسپۋبليكالىق رەفەرەندۋمدى ۇيىمداستىرۋ جەنە ساپالى ٶتكٸزۋ جٶنٸندە شارالار قابىلداۋى قاجەت.
ۇلتتىق ەكونوميكا مينيسترلٸگٸنە مٷددەلٸ مەملەكەتتٸك ورگاندارمەن بٸرلەسٸپ بيىلعى 1 قاراشاعا دەيٸن ٷكٸمەتكە ەنەرگەتيكالىق جەنە كوممۋنالدىق ينفراقۇرىلىمدى جاڭعىرتۋ جٶنٸندەگٸ ۇلتتىق جوبانى بەكٸتۋ جٶنٸندەگٸ قاۋلى جوباسىن ەنگٸزۋ تاپسىرىلدى.
"مەملەكەت باسشىسى كەلەسٸ جىلدان باستاپ ناقتى تۇتىنۋ نورمالارىن ەنگٸزۋ قاجەتتٸگٸن اتاپ ٶتتٸ. سوندىقتان ادامداردى رەسۋرستاردى ۇتىمدى پايدالانۋعا ىنتالاندىرۋ كەرەك. ۇلتتىق ەكونوميكا مينيسترلٸگٸ بيىلعى جىلدىڭ سوڭىنا دەيٸن تابيعي مونوپولييالار سالالارىندا رەتتەلٸپ كٶرسەتٸلەتٸن كوممۋنالدىق قىزمەتتەردٸ تۇتىنۋ مٶلشەرٸنە قاراي تۇتىنۋ نورمالارىن ەنگٸزسٸن", - دەپ تاپسىردى ولجاس بەكتەنوۆ.
پرەمەر-مينيستر كٶلٸك-لوگيستيكا سەكتورىنىڭ مەسەلەلەرٸنە نازار اۋدارىپ, كٶلٸك ينفراقۇرىلىمىن قولداۋ مەن دامىتۋ ٷلكەن ينۆەستيتسييالاردى تارتۋدى تالاپ ەتەتٸنٸن ەسكەرتتٸ. وسىنداي شارالاردىڭ بٸرٸ – "قازاقستان تەمٸر جولى" كٶرسەتەتٸن قىزمەتتەردٸڭ تاريفتەرٸن قايتا قاراۋ. سوعان وراي, "سامۇرىق-قازىنا" قورى كٶلٸك مينيسترلٸگٸمەن بٸرگە جٷكتەردٸ تەمٸرجول كٶلٸگٸمەن تاسىمالداۋدىڭ جاڭا تاريفتٸك ساياساتىن ەزٸرلەۋٸ قاجەت.
وبلىسارالىق جەنە اۋدانارالىق باعىتتارداعى جولداردى ورتاشا جٶندەۋدٸ قامتۋدى ۇلعايتۋ ٷشٸن كٶلٸك مينيسترلٸگٸنە وسى جىلدىڭ 1 جەلتوقسانىنا دەيٸن ناقتى جوبالاردى, كٶرسەتكٸشتەردٸ جەنە قارجىلاندىرۋ كٶزدەرٸن ايقىنداي وتىرىپ, ەگجەي-تەگجەيلٸ جوسپار ەزٸرلەۋ تاپسىرىلدى. قاراجاتتىڭ ماقساتقا ساي جۇمسالۋىن باقىلاۋدىڭ بەرٸ جەنە وسى جۇمىستاردىڭ مونيتورينگٸ بٸرىڭعاي تسيفرلىق پلاتفورما ارقىلى جٷرگٸزٸلۋگە تيٸس.
بۇدان باسقا, كٶلٸك مينيسترلٸگٸنە ٶنەركەسٸپ مينيسترلٸگٸمەن جەنە "بەيتەرەك" حولدينگٸمەن بٸرلەسٸپ شاعىن ەۋە كەمەلەرٸن ساتىپ الۋ تەتٸكتەرٸن پىسىقتاۋ تاپسىرىلدى.
