سولتۇستىك كورەيا قورعانىس ءمينيسترى ءحون ءون ءچحولدى مەملەكەت ليدەرى كيم چەن ىن اسكەري جينالىس كەزىندە قالعىپ وتىرعانى ءۇشىن ءولىم جازاسىنا كەستى. بەرىلگەن مالىمەتتەرگە قاراعاندا ءحون ءون چحولعا زەنيتتىك قارۋمەن ءولىم جازاسى ورىندالعانىن ايتىلادى.
وڭتۇستىك كورەيا پارلامەنتىندە دەپۋتاتتارعا ۇلتتىق قاۋىپسىزدىك وكىلى (NIS)، سولتۇستىك كورەيا قورعانىس ءمينيسترى ءحون ءون چحول 30 ساۋىردە ءولىم جازاسى ورىندالعانىن جەتكىزدى. بەرگەن مالىمەتىنە قاراعاندا سولتۇستىك كورەيا ليدەرى كيم قورعانىس ءمينيسترىن اسكەري جينالىس كەزىندە قالعىپ وتىرعاندىعى جانە كيم چەن ىنعا سەنىمسىزدىك جانە قۇرمەتسىزدىك سەبەبىمەن ايىپتالعان.
NIS ءولىم جازاسىنىڭ اسكەري جيىننان كوپ وتپەي، ەكى-ۇش كۇننەن سوڭ ورىندالعانىن ايتتى.
اقپاراتتا جازا اسكەري وقۋ ورنىندا كوپشىلىككە كورسەتىلىپ زەنيتتىك قارۋمەن ورىندالعان. بۇل حابار سولتۇستىك كورەيا اقپارات قۇرالدارىندا تەرىستەلگەن. بۇل مالىمەت كورشى وڭتۇستىك كورەيانىڭ مەدياسىن ءدۇر سىلكىندىردى.
ءحون ءون چحول رەسەيمەن جاقىن بايلانىستا بولعان
وڭتۇستىك كورەيا مەدياسىندا پىكىر ايتقان ماماندار ءمينيستردىڭ رەسەيمەن جاقىن بايلانىسى بولعانىن ايتادى. سولتۇستىك كورەيا ليدەرى كيم چەن ىن ءپۋتيننىڭ شاقىرتۋىن قابىل الماعانىن، قورعانىس ءمينيسترى پرەزيدەنتكە ماسكەۋدەگى جەڭىس پارادىنا قاتىسۋىن وتىنگەنىن، سونىمەن قاتار ماسكەۋ باسشىلىعىمەن جاقىن بايلانىستا بولعانىن ايتقان ساراپشىلار ءولىمنىڭ نەگىزگى سەبەبى وسى سەكىلدى اراداعى تۇيتكىلدەر بولۋى مۇمكىن ەكەنىن ايتادى.
نازار تۇرىقباي ۇلى
