اباي وبلىسىنىڭ ەكٸمٸ بەرٸك ۋەلي بورودۋليحا اۋدانىنا جۇمىس ساپارى بارىسىندا «ە.زايتەنوۆ» شارۋا قوجالىعىنىڭ ٶندٸرٸستٸك كەشەندەرٸن ارالاپ, اتقارىلىپ جاتقان جۇمىستارمەن تانىستى, دەپ حابارلايدى Dalanews.kz
2001 جىلى قۇرىلعان شارۋاشىلىق بٷگٸندە 14 مىڭ گەكتارعا جۋىق جەردٸ يگەرٸپ وتىر. ونىڭ باسىم بٶلٸگٸ – ەگٸستٸك القابى. ٶتكەن جىلى شارۋاشىلىق 4 895 توننا دەندٸ جەنە دەندٸ-بۇرشاقتى داقىل, 3 043 توننا كٷنباعىس جينادى. مۇندا 1400-گە جۋىق ٸرٸ قارا ٶسٸرٸلەدٸ, ونىڭ 400-دەن استامى – ساۋىندى سيىر. جىلىنا 124 توننا ەت جەنە 1893 توننا سٷت ٶندٸرٸلەدٸ.
اۋىل شارۋاشىلىعى ٶنٸمدەرٸن ٶڭدەۋ تولىق جولعا قويىلعان. ەت, سٷت ٶنٸمدەرٸن ٶندٸرەتٸن تولىق تسيكلدٸ ينفراقۇرىلىم قالىپتاسقان. شارۋاشىلىقتىڭ ٶز ناۋبايحاناسى بار. ٸرٸ قارانىڭ سيممەنتال تۇقىمىن اسىلداندىرۋ باعدارلاماسى دا جٷيەلٸ تٷردە جٷرگٸزٸلٸپ كەلەدٸ.
شۇجىق تسەحىندا كٷنٸنە جالپى سالماعى 200 كەلٸگە دەيٸن 13 تٷرلٸ ٶنٸم دايىندالادى. سٷت ٶڭدەۋ جەلٸسٸ دە قارقىندى جۇمىس ٸستەيدٸ. مۇنداعى قاپتامالى سٷت, تٷرلٸ مايلىلىقتاعى قايماق, سارى ماي جەنە «گاۋدا» ٸرٸمشٸگٸ سەمەي مەن اۋدان حالقى اراسىندا جوعارى سۇرانىسقا يە.
يۆانوۆكا اۋىلىندا ورنالاسقان سٷت ٶڭدەۋ تسەحىندا ايىنا 2 500 كەلٸ ٸرٸمشٸك پەن 3 500 كەلٸ قايماق دايىندالادى. بٷگٸندە قوجالىقتا 140 ادام تۇراقتى جۇمىسپەن قامتىلعان.
وبلىس ەكٸمٸ شارۋاشىلىقتىڭ شيكٸزاتتى قايتا ٶڭدەۋ باعىتىنداعى جۇمىسىن جوعارى باعالادى.
"شيكٸزاتتى قايتا ٶڭدەۋ – اۋىل شارۋاشىلىعىنىڭ كەلەشەگٸ. بٸزگە شيكٸزاتتى عانا ەمەس, دايىن ٶنٸمدٸ دە كٶبٸرەك ٶندٸرۋ قاجەت. وبلىستاعى كٶپتەگەن شارۋا قوجالىقتارىندا تولىق تسيكل جوق. مىسالى, استىق ٶندٸرسە ودان ٶنٸم دايىندامايدى نەمەسە سيىر ساۋادى, ودان سٷت ٶنٸمدەرٸ دايىندالمايدى. ال مۇندا شيكٸزاتتان باستاپ, دٷكەن سٶرەسٸنە دەيٸنگٸ ٷدەرٸس تولىق قامتىلعان. سوندىقتان مۇنداي كەشەندەردٸ ەر اۋداندا دامىتۋىمىز قاجەت. ەكٸمدٸك تاراپىنان تيٸستٸ قولداۋ كٶرسەتٸلەتٸن بولادى", – دەدٸ ايماق باسشىسى.
