"نۇرسۇلتان قۇرمان سپورت سالاسىندا كوپجىلدىق تاجىريبەگە يە. ول قازاقستاننىڭ فۋتبول جانە فۋتزال چەمپيوناتتارىن اقپاراتتىق جاعىنان تۇراقتى تۇردە قامتىپ، ءبىرقاتار ارنايى مەديا-جوبالاردى ازىرلەۋ مەن دامىتۋعا قاتىسقان. سونداي-اق ۇلتتىق دەڭگەيدەگى تۋرنيرلەردى ۇيىمداستىرۋعا جانە بۇقارالىق فۋتبولدى دامىتۋ باستامالارىن جۇزەگە اسىرۋعا بەلسەنە اتسالىسقان.
نۇرسۇلتان قۇرمان جەتەكشىلىك ەتەتىن كەزەڭدە قاۋىمداستىق فۋتزالدىڭ ينستيتۋسيونالدىق دامۋىن كۇشەيتۋدى، تۋرنيرلەردىڭ گەوگرافياسىن كەڭەيتۋدى، وڭىرلىك دەڭگەيدەگى قاتىسۋشىلاردىڭ بەلسەندىلىگىن ارتتىرۋدى جانە جارىستاردى ساپالى مەديا سۇيەمەلدەۋمەن قامتاماسىز ەتۋدى كوزدەپ وتىر"، - دەلىنگەن حابارلامادا.
ەسكە سالايىق، 2023-2024 جىلدارى نۇرسۇلتان قۇرمان قازاقستان فۋتزال قاۋىمداستىعى پرەزيدەنتىنىڭ ورىنباسارى قىزمەتىن اتقاردى. بۇل كەزەڭدە ول مەديا ستراتەگيا مەن كوممۋنيكاسيا باعىتتارىنا جەتەكشىلىك ەتتى. 2025 جىلدىڭ قاڭتارىنان باستاپ قازاقستان فۋتبول فەدەراسياسى پرەزيدەنتىنىڭ كەڭەسشىسى بولدى. سونىمەن قاتار، 2025 جىلدىڭ مامىر ايىندا قفف اتقارۋشى كوميتەتىنىڭ قۇرامىنا ەندى.
تالعات قوسمۇحامبەتوۆ قازاقستان فۋتزال قاۋىمداستىعى ۆيسە-پرەزيدەنتى قىزمەتىنە اۋىسادى.
