"Nursultan Qurman sport salasynda kópjyldyq tájirıbege ıe. Ol Qazaqstannyń fýtbol jáne fýtzal chempıonattaryn aqparattyq jaǵynan turaqty túrde qamtyp, birqatar arnaıy medıa-jobalardy ázirleý men damytýǵa qatysqan. Sondaı-aq ulttyq deńgeıdegi týrnırlerdi uıymdastyrýǵa jáne buqaralyq fýtboldy damytý bastamalaryn júzege asyrýǵa belsene atsalysqan.

Nursultan Qurman jetekshilik etetin kezeńde Qaýymdastyq fýtzaldyń ınstıtýsıonaldyq damýyn kúsheıtýdi, týrnırlerdiń geografıasyn keńeıtýdi, óńirlik deńgeıdegi qatysýshylardyń belsendiligin arttyrýdy jáne jarystardy sapaly medıa súıemeldeýmen qamtamasyz etýdi kózdep otyr", - delingen habarlamada.

Eske salaıyq, 2023-2024 jyldary Nursultan Qurman Qazaqstan fýtzal qaýymdastyǵy prezıdentiniń orynbasary qyzmetin atqardy. Bul kezeńde ol medıa strategıa men komýnıkasıa baǵyttaryna jetekshilik etti. 2025 jyldyń qańtarynan bastap Qazaqstan fýtbol federasıasy prezıdentiniń keńesshisi boldy. Sonymen qatar, 2025 jyldyń mamyr aıynda QFF Atqarýshy komıtetiniń quramyna endi.

Talǵat Qosmuhambetov Qazaqstan fýtzal qaýymdastyǵy vıse-prezıdenti qyzmetine aýysady.