كارىم ءماسىموۆتىڭ نەمەرە ءىنىسى نۇرلان ماسىموۆكە ىزدەۋ جاريالاندى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى تەلەگرام ارناسىنا جاريالادى، دەپ حابارلايدى Dalanews.kz.
“اسا اۋىر سىبايلاس جەمقورلىق قىلمىس جاساعانى ءۇشىن 1973 جىلى تۋعان ماسيموۆ نۇرلان مىرزاحان ۇلى ىزدەستىرىلۋدە.
ىزدەستىرىلۋشىنى انىقتاۋ نەمەسە ونىڭ ورنالاسقان جەرى تۋرالى قانداي دا ءبىر اقپارات بولعان جاعدايدا اگەنتتىكتىڭ كورسەتىلگەن تەلەفوندارى بويىنشا حابارلاۋدى سۇرايمىز
call-سەنتر 1424
+7 (7172) 909 260
+7 (727) 278 7300
+7 (707) 978 0808
ىزدەستىرىلىپ جاتقان ادامنىڭ ورنالاسقان جەرى تۋرالى اقپارات بەرگەنى ءۇشىن 4 000 ايلىق ەسەپتىك كورسەتكىشكە (اەك) دەيىن سىياقى كوزدەلگەن.
حابارلامانىڭ قۇپيالىعىنا كەپىلدىك بەرىلەدى!”، دەلىنگەن حابارلامادا.
ەسكە سالايىق، كارىم ءماسىموۆتىڭ نەمەرە اعاسى نۇرلان ءماسىموۆ 2022 جىلدىڭ 17 قاڭتارىندا پاۆلودار وبلىسىنىڭ پوليسيا باسشىسى قىزمەتىنەن بوساتىلعان بولاتىن.
