جالپىۇلتتىق سوسيال-دەموكراتيالىق پارتياسىنىڭ مۇشەسى نۇرلان اۋەسبايەۆ اتا زاڭدا وتباسى مەن نەكە ۇعىمدارىنىڭ ناقتى ايقىندالۋى – قوعامداعى ءداستۇرلى قۇندىلىقتاردى قۇقىقتىق دەڭگەيدە بەكىتۋدىڭ كورىنىسى ەكەنىن ايتتى، دەپ حابارلايدى Dalanews.kz
جاڭا كونستيتۋسيادا نەكە، وتباسى، انا، اكە جانە بالانىڭ مەملەكەت قورعاۋىندا ەكەنى ناقتى كورسەتىلگەن. بۇل – وتباسى تەك الەۋمەتتىك ۇعىم ەمەس، مەملەكەتتىڭ قورعاۋىنداعى ماڭىزدى ينستيتۋت ەكەنىن بىلدىرەدى.
سونداي-اق وتباسىنا قاتىستى كەز كەلگەن زاڭ مەن شەشىم ەڭ الدىمەن وتباسى مۇددەسىن ەسكەرە وتىرىپ قابىلدانادى. بالا قۇقىقتارىن قورعاۋ تەتىكتەرى كۇشەيتىلىپ، قاتىگەزدىك پەن زورلىق-زومبىلىققا جول بەرمەۋ نورمالارى ناقتىلاندى. مەملەكەت بالا مۇددەسىن ءبىرىنشى ورىنعا قويۋعا مىندەتتەلەدى.
