ماڭعىستاۋ وبلىسىنىڭ ەكٸمٸ نۇردەۋلەت قيلىباي ٶزبەكستان رەسپۋبليكاسىنىڭ قازاقستانداعى تٶتەنشە جەنە ٶكٸلەتتٸ ەلشٸسٸ باحتييور يبراگيموۆتى قابىلدادى,- دەپ حابارلايدى Dalanews.kz
تاراپتار ەكٸ ەل اراسىنداعى ساۋدا-ەكونوميكالىق, ينۆەستيتسييالىق سالالارداعى ىنتىماقتاستىقتى كەڭەيتۋ مەسەلەلەرٸن تالقىلادى.
كەزدەسۋدە نۇردەۋلەت قيلىباي ٶزبەكستان مەن ماڭعىستاۋ اراسىنداعى ساۋدا-ەكونوميكالىق ەرٸپتەستٸكتٸڭ ماڭىزدىلىعىنا توقتالىپ, بولاشاقتا ٸرٸ جوبالاردى جٷزەگە اسىرۋعا نيەتتٸ ەكەنٸن اتاپ ٶتتٸ.
"ٶزبەكستان - بٸزگە كٶرشٸلەس ەل. بٷگٸندە ماڭعىستاۋ وبلىسىندا ٶزبەك كاپيتالىنىڭ قاتىسۋىمەن كەسٸپورىندار تٷرلٸ سالادا جۇمىس ٸستەپ جاتىر. بٸز ٶزبەكستانمەن ٸسكەرلٸك بايلانىستى تەرەڭدەتۋگە مٷددەلٸمٸز. الدا جٷزەگە اسىرىلۋى تيٸس ٷلكەن جوبالار بار. ٶڭٸرٸمٸزدٸڭ ەكٸ تەڭٸز پورتى مەن شەكارالىق ايماقتا ورنالاسۋى – ٷلكەن مٷمكٸندٸكتەر بەرەدٸ. سوندىقتان بٸز ٶزارا تيٸمدٸ ەرٸ نەتيجەلٸ سەرٸكتەستٸككە دايىنبىز", – دەدٸ نۇردەۋلەت قيلىباي.
ٶز كەزەگٸندە, ەلشٸ باحتييور يبراگيموۆ الداعى جوسپارلارىمەن بٶلٸسٸپ, ورتاق جوبالاردى جٷزەگە اسىرۋعا جەنە ەرٸپتەستٸكتٸ ودان ەرٸ نىعايتۋعا دايىن ەكەنٸن جەتكٸزدٸ.
ايتا كەتەيٸك, ٶزبەكستان رەسپۋبليكاسى – ماڭعىستاۋ وبلىسىنىڭ سىرتقى ساۋداداعى نەگٸزگٸ سەرٸكتەستەرٸنٸڭ بٸرٸ. 2024 جىلدىڭ قورىتىندىسى بويىنشا ەكٸجاقتى تاۋار اينالىمى 8,8 ملن اقش دوللارىن قۇرادى. ونىڭ ٸشٸندە ەكسپورت كٶلەمٸ – 4,8 ملن دوللار, ال يمپورت – 4 ملن دوللار.
قازاقستاننان ٶزبەكستانعا نەگٸزٸنەن گاز كوندەنساتى, ٶرت سٶندٸرگٸشتەر, حيمييا ٶنەركەسٸبٸنٸڭ ٶنٸمدەرٸ, مەتالل بۇيىمدارى جەنە تالداۋ قۇرىلعىلارى ەكسپورتتالسا, ٶزبەكستاننان كٶكٶنٸستەر مەن جەمٸستەر, قۇرعاق جەمٸستەر, جاڭعاقتار, توقىما بۇيىمدارى, اياق كيٸم, قۇرىلىس ماتەريالدارى, تۇرمىستىق تەحنيكا جەنە كٶلٸك قۇرالدارى يمپورتتالادى.
