شىمكەنت قالاسىنىڭ مامانداندىرىلعان اۋدانارالىق سوتىندا قازا تاپقان نۇراي سەرٸكبايدىڭ ٶلٸمٸنە قاتىستى ٸس بويىنشا سوت وتىرىسى جالعاسۋدا, دەپ حابارلايدى dalanews.kz.
كەزەكتٸ سوت وتىرىسىندا سۋديا سامميدين تەمٸرلاەۆ نۇراي سەرٸكباي مەن ونىڭ اناسى ايگٷل ساعىنبەكوۆا اراسىنداعى حات الماسۋدى وقىپ بەردٸ. سۋديانىڭ ايتۋىنشا, بۇل حابارلامالار مارقۇمنىڭ تۋىستارى بەرگەن بۇرىنعى ايعاقتاردى راستايدى.
سوتتا بەلگٸلٸ بولعانداي, نۇرايدىڭ اناسى قىزىنا بٸرنەشە رەت حابارلاسقانىمەن, بايلانىسا الماعان. كەيٸن قىزىنا قايتا قوڭىراۋ شالۋدى سۇراپ حابارلاما جولداعان. ال 4 قازاندا, ياعني قىزدىڭ ۇرلانعان كٷنٸ دە تۋىستارى ونىڭ تەلەفونىنا شىعا الماعان.
سۋديا وقىعان حاتتاردىڭ بٸرٸندە اناسى قىزىنا:
«نۇراي, ماعان حابارلاسشى. نە ٸستەپ جٷرسٸڭ?» دەپ جازعان. بۇعان جاۋاپ رەتٸندە نۇراي: «اناشىم, بەرٸ مەنٸڭ كەلٸسٸمٸمسٸز بولدى. مۇنى قالامادىم», – دەپ جاۋاپ بەرگەن.
سۋديانىڭ سٶزٸنشە, جارييالانعان جازبالار نۇرايدىڭ اتا-اناسى مەن جاقىندارىنىڭ بۇعان دەيٸن بەرگەن جاۋاپتارىمەن تولىق سەيكەس كەلەدٸ.
ەسكە سالايىق, بيىل قاڭتار ايىندا شىمكەنتتە 21 جاستاعى ستۋدەنت نۇراي سەرٸكباي قاتىگەزدٸكپەن ٶلتٸرٸلگەن بولاتىن. تەرگەۋ مەلٸمەتٸنشە, كٷدٸكتٸ شەرحان ايماحان بۇعان دەيٸن قىزدىڭ سوڭىنان قالماي, تٸپتٸ الىپ قاشقان.
پروكۋرور سوتتا جارييالاعان ايىپتاۋ اكتٸسٸنە سەيكەس, نۇراي كەزدەسۋدەن باس تارتقاننان كەيٸن كٷدٸكتٸ ونىڭ ٷيٸنٸڭ ماڭىنا كەلٸپ, الدىمەن بەس رەت پىشاق جاراقاتىن سالعان. كەيٸن قايتا ورالىپ, قىزعا تاعى بٸرنەشە مەرتە پىشاق سۇققان.
قازٸرگٸ ۋاقىتتا ٸس بويىنشا سوت تالقىلاۋى جالعاسىپ جاتىر.
