شىمكەنتتە 21 جاستاعى نۇراي سەرٸكبايدىڭ ٶلٸمٸنە قاتىستى رەزونانستى سوت پروتسەسٸ اياقتالدى. سوت شەرحان ايماحاندى ٶمٸر بويىنا باس بوستاندىعىنان ايىرۋ جازاسىنا كەستٸ, دەپ حابارلايدى dalanews.kz.
نۇراي سەرٸكباي 2026 جىلعى 11 قاڭتاردا شىمكەنتتە قازا تاپقان. تەرگەۋ نۇسقاسىنا سەيكەس, شەرحان ايماحان بويجەتكەندٸ بۇعان دەيٸن نەكەگە تۇرۋعا مەجبٷرلەۋ ماقساتىندا الىپ قاشقان, ال نۇراي ودان باس تارتقاننان كەيٸن ونى قۋدالاۋىن جالعاستىرعان.
ٸس ماتەريالدارىندا ايىپتالۋشىنىڭ قىزعا بٸرنەشە رەت قوڭىراۋ شالعانى ايتىلدى. تەرگەۋ دەرەكتەرٸندە بٸر جولى ول نەبەرٸ بٸر جارىم ساعاتقا جەتپەيتٸن ۋاقىت ٸشٸندە نۇرايعا 76 رەت حابارلاسقانى كٶرسەتٸلگەن.
قايعىلى وقيعا بولعان كٷنٸ شەرحان ايماحان نۇراي سەرٸكبايعا 35 رەت پىشاق جاراقاتىن سالعان. بويجەتكەن العان جاراقاتتارىنان وقيعا ورنىندا كٶز جۇمدى. قىلمىستان كەيٸن كٷدٸكتٸ بوي تاسالاپ, ەكٸ تەۋلٸكتەن سوڭ ۇستالعان.
ايماحانعا اسا قاتىگەزدٸكپەن ادام ٶلتٸرۋ, نەكەگە تۇرۋعا مەجبٷرلەۋ جەنە ستالكينگ باپتارى بويىنشا ايىپ تاعىلعان. مەملەكەتتٸك ايىپتاۋشى بۇعان دەيٸن سوتتان وعان ٶمٸر بويىنا باس بوستاندىعىنان ايىرۋ جازاسىن تاعايىنداۋدى سۇراعان ەدٸ.
سوت تالقىلاۋى بارىسىندا پسيحياترييالىق ساراپتاما دا قارالدى. ساراپشىنىڭ قورىتىندىسىنا سەيكەس, شەرحان ايماحان قىلمىس جاساعان كەزدە ٶز ەرەكەتٸنٸڭ مەنٸن تٷسٸنٸپ, ونى باقىلاۋعا قابٸلەتتٸ بولعان.
سوت قورىتىندىسىندا ايماحانعا ەڭ قاتاڭ جازا – ٶمٸر بويىنا باس بوستاندىعىنان ايىرۋ تاعايىندالدى.
