مەيمانداردىڭ اراسىندا شەتەلدىك تانىمال كاسىپكەرلەر، ساۋلەتشىلەر، جۋرناليستەر مەن تۋريستىك ۇيىمداردىڭ وكىلدەرى بار.
بۇگىن استاناعا بانگكوك قالاسى تۇراقتى حاتشىسىنىڭ ورىنباسارى Chatchawanit Khachit، بانگكوك قالاسى ستراتەگيا جانە باعالاۋ دەپارتامەنتىنىڭ ديرەكتورى سيراۆسانحان پاتان (تايلاند)، سونداي-اق، سامارقاند قالاسىنىڭ اكىمى بوبۋرميرزو وبلاكۋلوۆ باستاعان دەلەگاسيا كەلدى. قوناقتاردى قازاقى داستۇرمەن باۋىرساق، قىمىزبەن قارسى الدى.
بۇگىن نۇر-سۇلتانعا نەگىزگى قاتىسۋشىلار كەلدى، ونىڭ ىشىندە UNWTO باس حاتشىسى زۋراب پولوليكاشۆيلي دە بار.
جاھاندىق ءسامميتتىڭ سپيكەرى رەتىندە Pokemon GO ويىنىنىڭ جاساۋشىلارى، كۋالا-لۋمپۋردىڭ ساۋلەتشىلەرى جانە تاعى باسقا قىزىقتى تۇلعالار قاتىسادى. ەلوردادا بۇگىنگى تاڭدا جاڭا تەحنولوگيالار قولدانىلۋدا. مىسال رەتىندە گادجەتتەردى قۋاتتاۋعا مۇمكىندىك بەرەتىن جىلى ايالدامالار، كۇن باتارەيالارى مەن ۆەلوسيپەدتەرگە ارنالعان تۇراقتى كەلتىرۋگە بولادى.
