«استانا» مەديتسينا ۋنيۆەرسيتەتٸنٸڭ ستۋدەنتتەرٸ ٶز ەرٸكتەرٸمەن دەرٸگەرلەرگە كٶمەككە كەلدٸ. قازٸر ولار ەلوردا ەمحانالارىندا ناۋقاستار ٶمٸرٸ ٷشٸن كٷرەسۋدە.
«ستاتسيونار اشىلعان سەتتەن-اق مۇندا جاس ماماندار كەلدٸ. جۇمىس بارىسىندا ولار بٸلٸمٸن, ناۋقاسپەن جۇمىس ٸستەۋ قابٸلەتٸن تانىتتى. دەرٸگەرلەر جەتٸسپەي جاتقان شاقتا بٸزگە كٶمەك قولىن سوزدى. ەلٸ جاس مامان, ينتەرن بولعانىنا قاراماستان, قابٸلەتتٸ جاستار وراسان زور كٶمەك كٶرسەتتٸ» – دەيدٸ قالالىق جۇقپالى اۋرۋلار ورتالىعى موبيلدٸ ورتالىعىنىڭ G بلوگى بٶلٸمٸنٸڭ باسشىسى باعلان جارماعامبەتوۆا.
«استانا» مەديتسينا ۋنيۆەرسيتەتٸنٸڭ جەتٸنشٸ كۋرس ستۋدەنتٸ نۋريددين روزمات 22 ناۋرىزدان باستاپ دەرٸگەرلەرگە كٶمەك كٶرسەتٸپ كەلەدٸ.
«رامادا پلازا» قوناق ٷيٸندە جۇقپالى اۋرۋلار بٶلٸمٸندە ەرٸكتٸ ينتەرن رەتٸندە كٶمەك كٶرسەتە باستادىم. ول جاقتا ناۋقاستاردىڭ بٸرازى ەمدەلٸپ شىققان سوڭ قالالىق جۇقپالى اۋرۋلار ورتالىعىنا اۋىستىق.
قازٸرگٸ ۋاقىتتا دەرٸگەرلەرمەن بٸرگە العى شەپتە كوروناۆيرۋس ينفەكتسيياسىمەن كٷرەسۋدەمٸز. دەرٸگەر رەتٸندە باستى مٸندەتٸمٸز – ادامدارعا كٶمەكتەسۋ. ازاماتتارىمىزدى ٸندەتتەن امان ساقتاۋ ٷشٸن قولىمىزدان كەلگەنٸن جاسايمىز.
جۇرتشىلىققا ماسكا تاعىپ, قولدى جيٸ ٶڭدەۋ كەرەگٸن, سانيتارلىق-ەپيدەميولوگييالىق نورمالاردى, ەلەۋمەتتٸك قاشىقتىقتى ساقتاۋ قاجەتٸن تاعى بٸر ەسكە سالعىم كەلەدٸ. سونداي-اق ۋاقىتشا توي, تۋعان كٷن تويلاۋدى دوعارعان جٶن.
ەر ادام ٶز دەنساۋلىعىنا جاۋاپكەرشٸلٸكپەن قاراۋى كەرەك», – دەيدٸ ول. «استانا» مەديتسينا ۋنيۆەرسيتەتٸنٸڭ ەكٸنشٸ كۋرس ستۋدەنتٸ تٸلەۋجان حاميدين دە ٶز ماقساتىمەن بٶلٸستٸ.
«ەپيدەمييا كەزٸندە, مىڭداعان ادام كوروناۆيرۋس ينفەكتسيياسىمەن اۋىرىپ, ٸندەتتەن كٶز جۇمىپ جاتقان كەزدە شەت قالا المادىم. كٶزدە وت, كەۋدەدە نۇرىمىز بار جاستار, اعا بۋىن ەرٸپتەستەرٸمٸزگە كٶمەك قولىن سوزۋعا كەلدٸك», – دەدٸ بولاشاق دەرٸگەر.
حابارلانعانداي, شٸلدە ايىنىڭ باسىنان نۇر-سۇلتان قالاسىندا مەديتسينا ۋنيۆەرسيتەتٸ مەن كوللەدجٸنٸڭ 536 تٷلەگٸ COVID-19-عا قارسى كٷرەسكە تارتىلدى.
تٷلەكتەر ەمحانالارعا, اۋرۋحانالارعا, ستاتسيونارلار مەن جەدەل جەردەم ستانتسييالارىنا بٶلٸندٸ. 25 شٸلدەدەگٸ جاعداي بويىنشا, نۇر-سۇلتان قالاسىندا COVID-19-دىڭ 9 494 جاعدايى تٸركەلدٸ, 6607 ادام ەمدەلٸپ شىقتى.
https://www.youtube.com/watch?time_continue=7&v=rUcACsDI0Us&feature=emb_title
