بيلىك پارتياسىنىڭ «جول كارتاسىندا» ەل دامۋىنىڭ وزەكتى مىندەتتەرى مەن ماسەلەلەرىن شەشۋ ءۇشىن بيىل رەسپۋبليكا بويىنشا 1700 ازاماتتىق بەلسەندى تارتۋ كوزدەلگەن. ولاردىڭ قۇرامىندا ءار وڭىردەگى بەدەلدى ساياساتكەرلەر، ساراپشىلار، ب ا ق، ۇەۇ ت.ب. سالا وكىلدەرى بار.
ق ر اقپارات جانە قوعامدىق دامۋ ۆيسە-مينيسترى بولات تلەپوۆتىڭ ايتۋىنشا، بارلىق وڭىردە جەرگىلىكتى اتقارۋشى ورگاندار ازاماتتىق بەلسەندىلەردىڭ دەرەكتەر بازاسىن جاساقتاعان. بۇل رەتتە ول قوعامدىق كەڭەستەردىڭ 2015 جىلى ەلباسىنىڭ «5 ينستيتۋسيونالدىق رەفورماسى» اياسىندا قۇرىلعاننان بەرى قوعام مەن بيلىكتىڭ اراسىن جالعاۋشى رەتىندە ءوزىنىڭ تيىمدىلىگىن كورسەتكەنىن اتاپ ءوتتى. ءقازىر ەلىمىز بويىنشا 249 قوعامدىق كەڭەس جۇمىس ىستەسە، ولار بارلىق ورتالىق مەملەكەتتىك ورگانداردا، وبلىس، قالا مەن اۋدان اكىمدىكتەرىندە قۇرىلعان.
– وسى 5 جىلدا 20 مىڭنان استام نورماتيۆتىك قۇجات قوعامدىق كەڭەستەردىڭ ساراپتاماسىنان وتكەن بولسا، سونىڭ ءاربىر ونىنشىسى كەيىن قايتارىلدى. ياعني، ازاماتتاردىڭ مۇددەسىنە تىكەلەي اسەر ەتەتىن بۇل قۇجاتتاردىڭ كەمشىلىگى دەر كەزىندە انىقتالدى. جىل سايىن 1500-دەن اسا ءتۇرلى مەملەكەتتىك ورگاننىڭ باسشىلارى قوعامدىق كەڭەستەر الدىندا ەسەپ بەرەدى. سونداي-اق، قوعامدىق كەڭەستەر جۇرگىزەتىن مونيتورينگ مەملەكەتتىك قىزمەتتەر ساپاسىنىڭ ارتۋىنا وڭ اسەر ەتۋدە. مونيتورينگ اياسىندا الەۋمەتتىك ماڭىزدى تاقىرىپتار بويىنشا 1000-نان استام زەرتتەۋ جۇرگىزىلدى، – دەدى ول.
ءوز كەزەگىندە «اتامەكەن» ۇكپ باسقارما ءتوراعاسى ابىلاي مىرزاحمەتوۆ قوعامدىق كەڭەستەر قۇرامىنىڭ ساپاسىنا نازار اۋداردى.
– قوعامدىق كەڭەستىڭ مۇشەلەرى – ويىن اشىق ايتاتىن بەلسەندى، تانىمال ازاماتتار. ءبىراق، ولاردىڭ بارلىعى بىردەي مەملەكەتتىك ساتىپ الۋ، اۋديت جۇرگىزۋ سياقتى سالالاردىڭ تەتىكتەرىن بىلە بەرمەيدى. سوندىقتان ولارعا، اسىرەسە، كۆازيمەملەكەتتىك سەكتورداعى قوعامدىق كەڭەستەردىڭ قۇرامىنا كىرەتىن ازاماتتارعا ارنايى سەمينارلار وتكىزىپ، بيۋدجەت، اۋديت، قارجى سالالارىن وقىتقان ءجون بولادى. سوندا قوعامدىق كەڭەستەردىڭ الەۋەتى ارتىپ، قۇزىرەتى كەڭەيەدى، – دەگەن ابىلاي مىرزاحمەتوۆ بۇل ىسكە «اتامەكەن» ۇكپ اتسالىسۋعا دايىن ەكەنىن جەتكىزدى.
كەڭەس ءتوراعاسى ايدوس سارىم بۇل باعىتتاعى «Nur Otan» پارتياسى جانىنان قۇرىلعان 14 رەسپۋبليكالىق جانە 1،7 مىڭ ايماقتىق قوعامدىق كەڭەس جۇمىسىن اتاپ ءوتتى.
بۇگىنگە دەيىن وتكىزىلگەن رەسپۋبليكالىق كەڭەستىڭ 50-گە جۋىق وتىرىسىندا 80-نەن استام ماسەلە قارالىپ، مەملەكەتتىك ورگاندارعا 650-دەن اسا ۇسىنىم جولداندى. ال، ايماقتىق كەڭەستەردە 5 مىڭنان اسا وتىرىس ءوتىپ، وندا 9،3 مىڭ ماسەلە قارالعان. ناتيجەسىندە، 15 مىڭ ۇسىنىس مەملەكەتتىك ورگاندارعا جولداندى.
سونداي-اق، ازاماتتىق قوعامدى جانە مەملەكەتتىك باسقارۋدى دامىتۋ جونىندەگى رەسپۋبليكالىق قوعامدىق كەڭەستىڭ الاڭىندا اۋىل اكىمدەرىنىڭ تىكەلەي سايلاۋىنىڭ ارالىق قورىتىندىسى تالقىلاندى.
ق ر ۇلتتىق ەكونوميكا ۆيسە-مينيسترى الىشەر ءابدىقادىروۆتىڭ ايتۋىنشا، سايلاۋعا 2403 كانديدات (ءبىر ورىنعا ءۇش ۇمىتكەردەن) قاتىسىپ، 784 اكىم سايلانعان. كانديداتتاردىڭ 60%-ى ءوزىن-وزى ۇسىنسا، 40%-ى ساياسي پارتيالاردىڭ اتىنان تۇسكەن. سايلانعان اكىمدەردىڭ تەڭ جارتىسى – بۇرىن بۇل قىزمەتتە بولماعان جاڭا تۇلعالار.
اۋىل اكىمدەرىنىڭ سايلاۋىنا قاتىستى بەلگىلى ساياساتتانۋشى راسۋل جۇمالى ءوز ويىن ورتاعا سالدى.
– جازدا سايلاۋ ناۋقانى بەلسەندى ءوتتى. اسىرەسە، «Nur Otan» پارتياسىنىڭ باسقا ساياسي پارتيالارمەن سالىستىرعاندا كەشەندى جۇمىس اتقارعانىن اتاپ ءوتۋ كەرەك. اۋىل اكىمدەرىن سايلاۋ جالعاسىپ جاتقاندا وڭىرلەردىڭ قارقىندى باسەڭدەتپەگەنى جانە ناۋقانعا، ۇمىتكەرلەرگە قاتىستى بارلىق اقپاراتتى بۇگە-شۇگەسىنە دەيىن ناقتى، ۋاقتىلى الىپ وتىراتىن ءتيىستى تەتىكتەردى قاراستىرعان ءجون، – دەدى كەڭەس مۇشەسى، بەلگىلى ساياساتتانۋشى راسۋل جۇمالى.
