بۇگىن پاۆلودار وبلىسى اققۋلى اۋدانىنا قاراستى مالىباي اۋىلدىق وكرۋگىنە ق ر پارلامەنت ءماجىلىسىنىڭ دەپۋتتاتىعىنا ۇمىتكەر دانيار ايتىشيەۆ تۇرعىندارمەن كەزدەسىپ، قويىلعان سۇراقتارعا جاۋاپ بەردى.

كەزدەسۋگە اۋىل جاستارى، ءبىلىم سالاسىنىڭ قىزمەتكەرلەرى، جاس كاسىپكەرلەر، شارۋا قوجالىقتارىنىڭ باسشىلارى ويىندا جۇرگەن سۇراقتار مەن پىكىرلەرىن ورتاعا سالدى.

اۋىل جاستارى ۇمىتكەردىڭ ۇگىت-ناسيحات باعدارلاماسىن تىڭداپ، ءوز ويلارىمەن دە ءبولىستى. كەزدەسۋگە 30-دان استام اۋىل تۇرعىنى قاتىستى.

ءوز كەزەگىندە Nur Otan پارتياسىنان ۇمىتكەر-كانديدات دانيار ايتىشيەۆ سايلاۋالدى باعدارلاماسىن تانىستىرىپ، پارتيانىڭ الداعى ۋاقىتتا اۋىلدىڭ ءال-اۋقاتىن كوتەرۋگە باعىتتالعان جانە اۋىل جاستارىنىڭ اۋىلدا قالىپ، جۇمىس ىستەپ، كاسىپ اشۋعا مۇمكىندىك بەرەتىن ناقتى قولداۋلارى جايىندا كەڭىنەن اڭگىمەلەپ بەردى.

كانديدات «ديپلوممەن اۋىلعا» باعدارلاماسى بويىنشا كەلگەن جاستاردى اۋىلدا قالدىرۋ ءۇشىن ءتۇرلى ءىس-شارالار ۇيىمداستىرىپ، قىزىقتىرۋ جۇمىستارىن جاساۋ كەرەكتىگىن ايتتى. جانە دە بۇل باعىتتاعى جۇمىس جالعاسىن تاباتىنىن اتاپ ءوتتى.