بۇل ماسەلە بويىنشا «Nur Otan» پارتياسىنىڭ تولەبي اۋدانى فيليالى جانىنان پارتيالىق باقىلاۋ كوميسسياسى تاراپىنان جەدەل مونيتورينگ توبى قۇرىلىپ، زەردەلەۋ جۇمىستارى جۇرگىزىلدى.
زەردەلەۋ جۇمىسىنا «Nur Otan» پارتياسىنىڭ تولەبي اۋدانى فيليالى جانىنداعى پارتيالىق باقىلاۋ كوميسسيا ءتوراعاسى ە.جابايەۆ، اۋداندىق جەر قاتىناستارى ءبولىمىنىڭ باسشىسى ە.ستامكۋلوۆ، كەمەقالعان اۋىلدىق وكرۋگىنىڭ اكىمى د.داريبويەۆ جانە باس مامانى و.ۋسەتايەۆ قاتىستى.
زەردەلەۋ توپ مۇشەلەرى جەر يەلەرىمەن كەزدەسىپ، كەلىسسوز جۇرگىزدى. ناتيجەسىندە ولار جەردىڭ 47 گەكتارىن ەگىستىككە، 20 گەكتارىن جايىلىم رەتىندە وزدەرى پايدالانىپ، قالعان 127 گەكتارىن اۋىل تۇرعىندارىنا ۋاقىتشا جايىلىمدىق جەر رەتىندە پايدالانۋعا اۋىزشا كەلىسىم بەردى. اتالعان ماسەلە اۋداندىق پارتيالىق باقىلاۋ كوميسسياسىنىڭ تۇراقتى باقىلاۋىندا بولادى.
تۇركىستان وبلىسىنداعى پارتيا بەلسەندىلەرى تاعى دا ءبىر وزەكتى ماسەلەگە ارالاستى. جوعارىدا اتالعان تەلەارنادان بايدىبەك اۋدانى، شايان اۋىلىندا جاڭادان سالىنعان ەكى قاباتتى ءۇيدىڭ ماسەلەسى كورسەتىلدى. اۋىل تۇرعىنى داريعا دۇيسەنبايەۆا جوعارعى قاباتتاعى پاتەرلەردىڭ ءىشى نامدانىپ، ءۇيدىڭ ءىشى جىلىمايتىندىعىن جانە شاتىردان سۋ اعاتىندىعىن ايتىپ، شاعىمدانعان بولاتىن.
بۇل تۇيتكىل بويىنشا «Nur Otan» پارتياسى بايدىبەك اۋداندىق فيليالىنىڭ پارتيالىق باقىلاۋ كوميسسياسى مەن سىبايلاس جەمقورلىققا قارسى ءىس-قيمىل جونىندەگى قوعامدىق كەڭەس تاراپىنان زەردەلەۋ جۇمىستارى جۇرگىزىلدى. بۇل ۇيدە گاز، جىلۋ جانە اۋىز سۋ ماسەلەلەرى تولىق شەشىمىن تاپقانى، الايدا عيماراتتىڭ ىشكى بولمەلەرى كوگەرگەندىگى انىقتالدى. تۇرعىن ءۇي ءالى تولىعىمەن اۋداندىق ءتۇرعىن-ۇي كوممۋنالدىق ءبولىمىنىڭ بالانسىنا وتپەگەن. كوميسسيا مۇشەلەرى تاراپىنان اۋدان اكىمدىگىنە ءساۋىر ايىنىڭ سوڭىنا دەيىن بارلىق كەمشىلىكتەرىن جويۋ جانە تۇرعىن ءۇيدى قابىلداۋ جونىندە ۇسىنىس بەرىلدى. ماسەلە تولىق شەشىمىن تاپقانشا پارتيالىق باقىلاۋدا بولادى.
«Nur Otan» پارتياسى تۇركىستان وبلىستىق فيليالىنىڭ باسپا ءسوز قىزمەتى
