ەلٸمٸزدەگٸ جٷزدەن استام ەتنوستىڭ باسىن بٸرٸكتٸرٸپ وتىرعان اسسامبلەيا قاشاندا حالىقتىڭ كٶكەيٸندە جٷرگەن ماڭىزدى مەسەلەلەردٸ تالقىلاپ, ولاردىڭ وڭ شەشٸلۋٸنە سٷبەلٸ ٷلەس قوسىپ كەلگەن.
جيىندا قوعامدا كەڭ تالقىلانىپ جٷرگەن قازاق الفاۆيتٸن كەزەڭ-كەزەڭٸمەن لاتىن گرافيكاسىنا كٶشٸرۋتۋرالى ٶز پٸكٸرٸمەن بٸلٸم بەرۋ سالاسىنىڭ قىزمەتكەرٸ شىمكەنت وقۋشىلار سارايىنىڭ ديرەكتورى ناتاليا رومانوۆا بٶلٸستٸ.
ول ۇلتتىق جاڭعىرۋدىڭ ناقتى جوبالارىنىڭ بٸرٸ − قازاق تٸلٸنٸڭ كەزەڭ-كەزەڭٸمەن لاتىن ەلٸپبيٸنە كٶشۋ مەسەلەسٸ جۋىردا عانا كٶتەرٸلگەن دٷنيە ەمەستٸگٸن اتاپ ٶتتٸ.
«ٶمٸردٸڭ ٶزٸ بٸزگە دامۋدىڭ داڭعىل جولىنا اينالعان لاتىن تاڭبالارىنا ٶتۋگە مٷمكٸندٸك بەرٸپ وتىر. تەحنولوگييالىق پروگرەسستٸڭ تٸلٸ رەتٸندە لاتىن ەلٸپبيٸنەن باستاۋ الاتىن اعىلشىن تٸلٸ ايقىندالعان. سوندىقتان بٸز عىلىم مەن تەحنيكانىڭ قاينار كٶزٸنە بالانعان لاتىن گرافيكاسىنا كٶشۋگە تالپىنۋىمىز قاجەت. لاتىن تاڭبالارى بٸرٸنشٸدەن, بايىرعى قازاق سٶزدەرٸ مەن ۇعىمدارىن دەل بەرۋگە سەپتٸگٸن تيگٸزسە, ەكٸنشٸدەن, شەتەلدٸك ازاماتتاردىڭ قازاق تٸلٸن بٸلۋگە دەگەن قۇلشىنىسىن ارتتىرا تٷسپەك», − دەدٸ ناتاليا رومانوۆا.
ٶتكەن جىلى «جۇمىسپەن قامتۋ-2020» باعدارلاماسى اياسىندا سولتٷستٸك قازاقستان وبلىسىنا قونىس اۋدارعانىن ايتقان «جاڭا ەل» جشس ديرەكتورىنىڭ ورىنباسارى باۋىرجان ٷسەنوۆ سولتٷستٸكتە قولىندا ديپلومى بار كەز كەلگەن مامانعا جۇمىسقا ورنالاسۋعا مٷمكٸندٸك جەتكٸلٸكتٸ ەكەنٸن ايتتى.
«وڭتٷستٸكتەن جينالعان 25 وتباسى بٸرلەسە كٶشٸپ, شوقان ۋەليحانوۆ اۋدانىنىڭ قوندىباي اۋىلىنا جايعاستىق. ٷكٸمەت تاراپىنان بەلگٸلەنگەن جەردەماقىعا قول جەتكٸزدٸك. ەڭ باستىسى, بارلىعىمىز باسپانامەن قامتىلدىق. بارلىعىمىز بٸر سەرٸكتەستٸككە بٸرٸگٸپ, 7 مىڭ گەكتار جەردٸ يگەرۋدەمٸز. بۇل ٷشٸن بٸزگە لايىقتى قولداۋ جاساعان مەملەكەت باسشىسىنا ايتار العىسىمىز شەكسٸز», − دەدٸ باۋىرجان ٷسەنوۆ.
بٷگٸندە ەڭبەككە قابٸلەتتٸ ازاماتتاردىڭ بارلىعى جۇمىسپەن قامتىلعانىن ايتقان ول, بىلتىر بارعاندارمەن بٸرلەسە 2 ناۋبايحانا مەن تويحانا, دٷكەن اشقانىن جەنە مال بورداقىلاۋ الاڭدارىن سوعۋدى قولعا العانىن جەتكٸزدٸ.
ەلەمنٸڭ 32 ەلٸنەن كەلٸپ بٸلٸم الىپ جاتقان قازاقستانداعى بەدەلدٸ دە ساپالى بٸلٸم بەرەتٸن وقۋ ورنىندا وقىپ جاتقانىن قۋانانىشپەن جەتكٸزگەن 2 كۋرس ستۋدەنتٸ ياسير راشيد اۋعانستان جاستارىنا وسىنداي كٶمەك بەرگەن قازاقستانعا, ونىڭ حالقىنا ٷلكەن العىسىن جەتكٸزدٸ.
«تاعى بٸر ماقتاناتىنىم, قازاق تٸلٸن 2 ايدىڭ ٸشٸندە تولىقتاي مەڭگەرٸپ الدىم. كەز كەلگەن قازاقپەن قازاقشا سٶيلەسە الاتىن دەرەجەگە جەتتٸم. قازاق تٸلٸن بٸلۋدٸڭ پايداسىن كٶرمەسەم, زييانى تيٸپ جاتقان جوق. بۇل وسى مەملەكەتتە جٷرگٸزٸلٸپ وتىرعان ساياساتتىڭ ارقاسى. مەنٸڭ ٶمٸرٸنٸڭ جاستىق شاعى وت پەن وقتىڭ اراسىندا ٶتتٸ. مەن سيياقتى مىڭداعان اۋعانستاندىق جاستار, قازاقستانداعى بەيبٸت زامانعا قىزىعا قارايدى. بارلىق كەزدە دە بەيبٸتشٸلٸك پەن بٸرلٸكتٸڭ, تاتۋلىقتىڭ قادٸرٸن بٸلەيٸك», − دەدٸ ستۋدەنت.
وقو ەكٸمٸنٸڭ باسپاسٶز قىزمەتٸ
