ءماجىلىستىڭ ەكس-سپيكەرى نۇرلان ءنىعماتۋليننىڭ سىڭارى – ءماجىلىس پەن سەناتتىڭ بۇرىنعى دەپۋتاتى ەرلان نىعماتۋلينگە تيەسىلى YDD Corporation فەرروقورىتپا زاۋىتى ەكى ساعات بويى توتەنشە جاعدايلار قىزمەتىنە حابار بەرمەي، قۇتقارۋشىلاردى كىرگىزۋدەن باس تارتقان، دەپ حابارلايدى Dalanews.kz.
بۇل تۋرالى توتەنشە جاعدايلار ۆيسە-مينيسترى باۋىرجان سىزدىقبايەۆ ءمالىم ەتتى.
"توتەنشە جاعداي تاڭعى 4:10-دا ورىن الدى، وكىنىشكە قاراي حابارلاما بىزگە ەكى ساعاتتان كەيىن، ياعني 6.08-دە كەلدى. ازاماتتىق قورعاۋ تۋرالى رەسپۋبليكالىق زاڭناماعا سايكەس، بۇعان جول بەرۋگە بولمايدى جانە بۇل ءۇشىن زاڭ بويىنشا جاۋاپكەرشىلىككە تارتىلادى"، – دەدى سىزدىقبايەۆ ۇكىمەت بريفينگىندە.
وسىعان بايلانىستى 200 اەك (738،4 مىڭ تەڭگە) كولەمىندە ايىپپۇل سالىنىپ، اكىمشىلىك ءىس قوزعالعان. ۆيسە-مينيستر ءىس ءقازىر سوتتا ەكەنىن جەتكىزدى.
سىزدىقبايەۆ زاۋىت ءوز اۋماعىنا قۇتقارۋشىلاردى كىرگىزبەگەنىن راستادى.
"مۇنداي نىسان اۋماعىندا، ياعني ۋچاسكەدە وزدەرىنىڭ قۇتقارۋ بولىمشەلەرى بار جانە ولار ءوز بەتتەرىنشە ءورتتى وشىرۋگە تىرىستى. ءبىراق مۇندا شاقىرتۋ كەلىپ تۇسكەندىكتەن، ءبىزدىڭ قۇتقارۋشىلار كەلدى، سول ءۇشىن ولاردى كىرگىزۋى كەرەك ەدى"، – دەدى ول.
ەسكە سالايىق، 20 شىلدەدە، تاڭعى ساعات 04:10-دا YDD Corporation فەرروقورىتپا زاۋىتىندا شتاتتان تىس جاعداي بولدى. وقىستا №1 پەشتەن جالىن شىعىپ، سالدارىنان كاسىپورىننىڭ 8 قىزمەتكەرى ءتۇرلى دارەجەدەگى جاراقات الدى.
كومپانيا سەنبى كۇنى، 20 شىلدەنىڭ تاڭىندا زارداپ شەككەن بارلىق قىزمەتكەردىڭ اۋرۋحانادا جاتقانىن، ولارعا شۇعىل مەديسينالىق كومەك كورسەتىلەتىنىن ايتتى.
"كومپانيا زارداپ شەككەندەرگە بارلىق كومەك كورسەتەدى جانە اۋرۋحانانىڭ مەديسينالىق قىزمەتكەرلەرىمەن ۇنەمى بايلانىستا بولادى"، - دەپ سەندىردى YDD.
YDD Corporation فەرروقورىتپا زاۋىتى قاراعاندىدا ورنالاسقان. جىلىنا شامامەن 240 مىڭ توننا فەرروسيليسيي وندىرەدى. "YDD Corporation" ج ش س قۇرىلتايشىسى كومپانيانىڭ تەڭ يەسى ەرلان نىعماتۋلين بولدى. 2021 جىلى Forbes Kazakhstan نۇسقاسى بويىنشا قازاقستاننىڭ ەڭ ىقپالدى 50 بيزنەسمەنىنىڭ رەيتينگىنە كىردى.
ايتا كەتەيىك، بۇعان دەيىن ورتكە بايلانىستى قاراعاندىدا ەرلان نىعماتۋلينگە تيەسىلى زاۋىتتى رەسپۋبليكالىق دەڭگەيدە كوميسسيا تەكسەرەتىنى ايتىلعان ەدى.
كوميسسيا قۇرامىنا: قاراعاندى وبلىسىنىڭ باس مەملەكەتتىك ەڭبەك ينسپەكتورى، ونەركاسىپتىك قاۋىپسىزدىك كوميتەتىنىڭ اۋماقتىق دەپارتامەنتىنىڭ جانە جۇمىس بەرۋشىنىڭ وكىلدەرى كىردى"،-دەپ حابارلادى قاراعاندى وبلىسىنىڭ ەڭبەك ينسپەكسياسى باسقارماسىنىڭ باسپا ءسوز قىزمەتى.
