قىتايمەن شەكارالاس نەپالدىڭ تاۋلى راسۋۆا اۋدانىندا بولعان سۋ تاسقىنى سالدارىنان كەمٸندە 157 ادام قازا تاپتى. بۇل تۋرالى 26 تامىزدا جەرگٸلٸكتٸ پوليتسييا مەلٸمدەدٸ, دەپ حابارلايدى dalanews.kz.
بۇعان دەيٸن 384 ادامنىڭ, ونىڭ ٸشٸندە 290 شەتەلدٸك ازاماتتىڭ ٸز-تٷزسٸز جوعالعانى حابارلانعان بولاتىن. Nepal Tourism ۇلتتىق تۋريستٸك ۇيىمىنىڭ مەلٸمەتٸنشە, قۇتقارۋشىلار ٸزدەپ جاتقان ادامداردىڭ اراسىندا گەرمانييا, يسپانييا, نيدەرلاند, اقش, اۋسترالييا, ۇلىبريتانييا جەنە باسقا دا ەلدەردٸڭ ازاماتتارى بار. ۇيىم دەرەگٸنە سەيكەس, سۋ تاسقىنى كەزٸندە جوعالعان تۋريستەردٸڭ باسىم بٶلٸگٸ ٷندٸستان ازاماتتارى.
ٶز كەزەگٸندە نەپالدىڭ تۋريزم مينيسترلٸگٸ تابيعي اپات سالدارىنان 341 شەتەلدٸك ازاماتتىڭ ٸز-تٷزسٸز جوعالعانىن حابارلادى.
نەپال پوليتسيياسىنىڭ مەلٸمەتٸنشە, تيبەتپەن شەكارالاس ايماقتا جوعالعانداردىڭ اراسىندا 26 پوليتسييا قىزمەتكەرٸ دە بار. اپاتتان قازا تاپقاندار مەن زارداپ شەككەندەردٸڭ ناقتى سانى, سونداي-اق كەلتٸرٸلگەن شىعىن كٶلەمٸ كەيٸنٸرەك بەلگٸلٸ بولادى.
سۋ تاسقىنىنىڭ ناقتى سەبەبٸ ەزٸرگە انىقتالعان جوق. DPA اگەنتتٸگٸنٸڭ حابارلاۋىنشا, اپاتقا مۇزدىق كٶلدٸڭ جارىلۋى سەبەپ بولۋى مٷمكٸن. «ينتەرفاكس» اگەنتتٸگٸنٸڭ مەلٸمەتٸنە سەيكەس, سۋ تاسقىنى تيبەتتەن باستاۋ الىپ, نەپالدىڭ باگماتي-پرادەش پروۆينتسيياسى ارقىلى اعاتىن بحوتە-كوشي ٶزەنٸندەگٸ سۋ دەڭگەيٸنٸڭ كٷرت كٶتەرٸلۋٸنەن بولعان.
ەڭ كٶپ زارداپ شەككەن ەلدٸ مەكەندەردٸڭ قاتارىندا تيمۋرە مەن سياپرۋبەسي اۋىلدارى بار. سۋ بازارلار مەن تۇرعىن ٷيلەردٸ باسىپ, پوليتسييا بٶلٸمشەلەرٸ مەن گيدروەنەرگەتيكا نىساندارىنا ەلەۋلٸ زييان كەلتٸرگەن, سونداي-اق كٶپٸرلەر مەن جولداردى قيراتىپ كەتكەن. نەپال پرەمەر-مينيسترٸ بالەندرا شاح قۇتقارۋ وپەراتسيياسىنا ەل ارميياسى مەن قاۋٸپسٸزدٸك قىزمەتتەرٸ تارتىلاتىنىن مەلٸمدەدٸ.
قىتايدىڭ مەملەكەتتٸك «سينحۋا» اقپارات اگەنتتٸگٸنٸڭ مەلٸمەتٸنشە, 26 تامىز كٷنٸ تاڭەرتەڭ بولعان كٶشكٸن سالدارىنان قىتايدىڭ وڭتٷستٸك-باتىسىنداعى گيرونگ اۋدانىنداعى «گيرونگ» شەكارالىق ٶتكٸزۋ بەكەتٸندە كٶپتەگەن ادام قازا تاۋىپ, جارالانىپ جەنە ٸز-تٷزسٸز جوعالعان. قىتاي بيلٸگٸ وقيعا ورنىندا ٸزدەستٸرۋ-قۇتقارۋ جۇمىستارىن جٷرگٸزٸپ جاتىر.
